Cyclone Biparjoy: ગુજરાતમાં રેડ એલર્ટ! 50 હજારનું રેસ્ક્યું, મંદિરો-પ્રવાસન સ્થળો બંધ, બસો - ટ્રેનો અને બંદરો બંધ, હાલત ખરાબ

અમદાવાદઃ અરબી સમુદ્રમાંથી સર્જાયેલું ચક્રવાત બિપોરજોય ગુજરાતના કચ્છ, દેવભૂમિ દ્વારકા અને જામનગરમાં ઘણું નુકસાન કરી શકે છે. દરિયાકાંઠે વાવાઝોડું ટકરાશે ત્યારે ત્રણ જિલ્લામાં સૌથી વધુ તબાહી સર્જાશે. હવામાન વિભાગના જણાવ્યા અનુસાર, મંગળવારે તોફાન થોડું નબળું પડ્યું હતું, પરંતુ હજુ પણ તે 'અતિ ગંભીર' શ્રેણીમાં છે. ગુરુવારે સાંજે તે ગુજરાતના માંડવી અને પાકિસ્તાનના કરાંચી વચ્ચેના દરિયાકાંઠે અથડાશે તેવી સંભાવના છે. તે સમયે તોફાનની ઝડપ 125 થી 150 કિમી પ્રતિ કલાકની હોઈ શકે છે.

તોફાનના કારણે ગુજરાત અને મુંબઈના દરિયાકાંઠાના વિસ્તારોમાં ગાજવીજ અને વરસાદ ચાલુ છે. આ દરમિયાન અકસ્માતમાં સાત લોકોના મોત થયા હતા. વાવાઝોડાને જોતા મંગળવારથી ગુજરાતના દરિયાકાંઠાના 10 કિમી ત્રિજ્યાના વિસ્તારોને ખાલી કરાવવાનું શરૂ કરવામાં આવ્યું હતું. 50 હજારથી વધુ લોકોને સુરક્ષિત સ્થળોએ ખસેડવામાં આવ્યા છે. બંદરો બંધ કરી દેવામાં આવ્યા છે. NDRFની 17 ટીમો અને SDRFની 12 ટીમો રાહત અને બચાવ માટે તૈયાર છે.

જીવલેણ બન્યું વાવાઝોડું : ભારે પવનને કારણે વૃક્ષ થયું ધરાશાયી, માંડ માંડ બચ્યો યુવક

જુઓ સુરતની સમગ્ર ઘટનાનો વીડિયો #surat #cyclone #cyclonebiparjoy #biparjoycyclone #Gujarat #accident #ZEE24Kalak pic.twitter.com/PGTcfUtEZq

— Zee 24 Kalak (@Zee24Kalak) June 14, 2023

ઉત્તર ગુજરાત અને રાજસ્થાનમાં ભારેથી અતિભારે વરસાદની ચેતવણી
તોફાન ઉભા પાક, રસ્તાઓ, ઘરો, પાવર-ફોન વાયર અને થાંભલાઓને નુકસાન પહોંચાડી શકે છે. સૌરાષ્ટ્ર અને કચ્છના દરિયાકાંઠે 6 મીટર જેટલા ઊંચા મોજા ઉછળવાની શક્યતા છે. નબળા પડ્યા બાદ ચક્રવાત ઉત્તરપૂર્વ અને દક્ષિણ રાજસ્થાન તરફ આગળ વધે તેવી શક્યતા છે. જેના કારણે ગુરૂવારથી શનિવાર સુધી ઉત્તર ગુજરાત અને રાજસ્થાનમાં ભારેથી અતિભારે વરસાદ પડશે.

આ પણ વાંચોઃ પાંચ દિવસ મુશ્કેલ સમય, રાજ્યમાં ભારેથી અતિ ભારે વરસાદની આગાહી, જાણો તમામ અપડેટ

ગીર સફારી બંધ, 100 સિંહ દૂર
બિપરજોયને જોતા ગીર નેશનલ પાર્ક બંધ કરી દેવામાં આવ્યો છે. દરિયાકાંઠાના વિસ્તારોના જંગલમાં હાજર 100 સિંહોને સલામત સ્થળે ખસેડવામાં આવ્યા છે. સોમનાથ મંદિર સહિત અન્ય પ્રખ્યાત સ્થળોને પણ બંધ રાખવાની સલાહ આપવામાં આવી છે. પશ્ચિમ રેલવેએ જણાવ્યું કે ભુજ અને ગાંધીધામ જતી ટ્રેનો રદ કરવામાં આવી છે. 30 ટ્રેનોને ગંતવ્ય સ્થાન પહેલા જ રોકી દેવામાં આવી છે.

કોસ્ટગાર્ડે 50 લોકોને બચાવ્યા
ભારતીય કોસ્ટ ગાર્ડે તોફાનની અસરને કારણે ઉબડખાબડ દરિયામાં રાતોરાત ઓપરેશન કરીને ધ્રુવ હેલિકોપ્ટરની મદદથી ગુજરાતના દ્વારકા કિનારે 50 લોકોને બચાવ્યા હતા. આ તમામ લોકો દરિયાકાંઠાથી 40 કિલોમીટર દૂર દરિયામાં તેલ કાઢવા માટે બનાવેલા પ્લેટફોર્મ પર ફસાયા હતા. મંગળવારે 24 ક્રૂ મેમ્બર્સને બચાવી લેવામાં આવ્યા હતા, જ્યારે 26ને સોમવારે બહાર કાઢવામાં આવ્યા હતા.

PM મોદી અને અમિત શાહ સતત કરી રહ્યા છે સ્થિતિની માહિતી: બિપરજોય અંગે ભાજપ પ્રદેશ અધ્યક્ષ સી.આર.પાટીલનું નિવેદન#CRpatil #Cyclonebiparjoy #Biparjoycyclone pic.twitter.com/YUKS9o1Kjo

— Zee 24 Kalak (@Zee24Kalak) June 14, 2023

એક પણ વ્યક્તિનું મોત ના થાય
કેન્દ્રીય ગૃહ પ્રધાન અમિત શાહે મંગળવારે દિલ્હીમાં રાજ્યો અને કેન્દ્રશાસિત પ્રદેશોના ડિઝાસ્ટર મેનેજમેન્ટ વિભાગના પ્રધાનો સાથે બેઠક યોજી હતી. શાહે કહ્યું કે આપત્તિમાં કોઈ જીવે નહીં તેની ખાતરી કરવી જોઈએ. શાહે મંગળવારે રૂ. 8,000 કરોડથી વધુની ત્રણ મોટી યોજનાઓની જાહેરાત કરી હતી.

50 હજાર લોકોને સલામત સ્થળે ખસેડવામાં આવ્યા છે
વાવાઝોડાને જોતા ગુજરાતમાં વિવિધ દરિયાકાંઠેથી 50 હજારથી વધુ લોકોને સુરક્ષિત સ્થળોએ ખસેડવામાં આવ્યા છે. આ લોકો માટે કામચલાઉ આશ્રયની વ્યવસ્થા કરવામાં આવી છે. NDRF અને SDRF ટીમો સ્ટેન્ડબાય મોડ પર છે. મંગળવારે મોડી સાંજ સુધી લોકોને સ્થળાંતર કરવાની કામગીરી ચાલી રહી હતી. દરિયાકાંઠાની આસપાસના લગભગ 10 કિમી વિસ્તારને ખાલી કરાવવામાં આવ્યો છે. તોફાનની અસર દક્ષિણ રાજસ્થાન પર પણ જોવા મળશે. દરમિયાન, ભારતીય કોસ્ટ ગાર્ડે ગુજરાતના દ્વારકાના દરિયાકાંઠે 40 કિમી દૂર ઓફશોર પ્લેટફોર્મ (ઓઇલ રિગ) પરથી 50 કામદારોને સુરક્ષિત સ્થળોએ ખસેડ્યા છે.

આ પણ વાંચોઃ 5 વર્ષમાં ચોથું ચક્રવાત, અચાનક ગુજરાત તરફ કેમ વધવા લાગ્યા તબાહીના આટલા તોફાન

સૌથી લાંબુ તોફાન બની શકે છે
IMD અનુસાર, સૌરાષ્ટ્ર અને કચ્છના દરિયાકાંઠે છ મીટર જેટલા ઊંચા મોજા ઉછળવાની શક્યતા છે. ગરમ દરિયો આ તોફાનને બળ આપી રહ્યો છે. તેથી જ તે આટલા લાંબા સમયથી નબળું પડી રહ્યું નથી. IMD અનુસાર, અરબી સમુદ્રમાં આ સૌથી લાંબુ તોફાન હોઈ શકે છે. સાંજના 5 વાગ્યા સુધી એનું જીવન આઠ દિવસથી વધુ થઈ ગયું છે. 2019માં અરબી સમુદ્રમાં આવેલા ક્યાર તોફાન અને 2018માં ગાઝા તોફાનનું જીવન 9 દિવસ 15 કલાક હતું.

NDRF અને SDRFની 12-12 ટીમો તૈનાત
ગુજરાતના રાહત કમિશનર આલોક કુમાર પાંડેએ જણાવ્યું હતું કે સોમવારે રાજકોટ જિલ્લાના જસદણ તાલુકામાં નેશનલ હાઈવે પર ભારે પવનને કારણે વર્ષા બાવળિયા નામની મહિલાનું મોટરસાઈકલ પર ઝાડ પડતા તેનું મૃત્યુ થયું હતું. અકસ્માતમાં તેના પતિને ઈજા થઈ છે. પાંડેએ જણાવ્યું હતું કે ચક્રવાતથી પ્રભાવિત થવાની સંભાવના ધરાવતા જિલ્લાઓમાં NDRF અને SDRFની દરેક 12 ટીમો તૈનાત કરવામાં આવી છે.

આ પણ વાંચોઃ વાવાઝોડામાં દ્વારકા મંદિરની બંને ધજા ખંડિત થઈ, ભક્તો નિરાશ થયા

લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube