புதிய குரல் அழைப்பு UI மற்றும் எமோஜிகள் போன்ற பல புதிய அம்சங்களை அறிமுகப்படுத்தும் முயற்சியை வாட்ஸ்அப் மேற்கொண்டுள்ளது.
அவை விரைவில் பயன்பாட்டிற்கு வரும் என்று எதிர்பார்க்கப்படுகிறது. வாட்ஸ் அப் என கேட்க வைக்கும் அந்த முக்கிய அம்சங்கள் இவை தான்....
Search Message Shortcut
செய்தியை தேடுவதற்கான குறுக்குவழி (Search Message Shortcut) என்ற புதிய அம்சத்தை, வாட்ஸ்அப் அதன் ஆண்ட்ராய்டு பயன்பாட்டிற்காக அறிமுகப்படுத்தவிருக்கிறது. இது பயனர்களின் சுயவிவரத்திற்குச் சென்று அரட்டையில் உள்ள குறிப்பிட்ட செய்தியைத் தேட உதவும்.
இது இன்று முதல் சில ஆண்ட்ராய்டு பீட்டா சோதனையாளர்களுக்குக் கிடைக்கும், மேலும் நிறுவனம் அதன் iOS அடிப்படையிலான பயன்பாட்டிற்கும் அதைக் கொண்டுவருவதில் ஈடுபட்டுள்ளது.
மேலும் படிக்க | கூகுள்மீட்டிற்கு போட்டியாக வாட்ஸ்அப்பில் புதிய அப்டேட்!
செய்திகளுக்கான எதிர்வினைகள்
வாட்ஸ்அப் நீண்ட காலமாக இன்ஸ்டாகிராம் போன்ற மெசேஜ் ரியாக்ஷன்களை (Message Reactions) அதன் மேடையில் கொண்டு வரும் முயற்சியில் ஈடுபட்டுள்ளது.
இப்போது, WABetaInfo செய்தியிடல் ஏப், அதன் டெஸ்க்டாப் அடிப்படையிலான செயலிகளுக்கும் இதேபோன்ற செயல்பாட்டை உருவாக்குகிறது என்பதை உறுதிப்படுத்தியுள்ளது. ஆறு வெவ்வேறு எமோஜிகளைத் தேர்ந்தெடுப்பதன் மூலம் பயனர்கள் ஒரு செய்திக்கு எதிர்வினையாற்றலாம்.
குரல் அழைப்புகள் UI
வாட்ஸ்அப் அதன் மேடையில் குரல் அழைப்புகளுக்கான புதிய பயனர் இடைமுகத்திலும் செயல்படுகிறது. புதிய UI ஆனது, குழு அழைப்பின் போது பயன்பாட்டின் இடைமுகத்தை எளிய குரல் அழைப்பில் உள்ளதைப் போலவே தோற்றமளிக்கிறது.
மறுவடிவமைப்பு செய்யப்பட்ட UI ஒவ்வொரு பயனரும் பின்னணியில் ஒரு சிறப்பு வால்பேப்பருடன் பேசும்போது குரல் அலைவடிவத்தையும் காட்டுகிறது. அதன் iOS பயன்பாட்டின் பீட்டா சோதனையாளர்களுக்கு மட்டுமே இது கிடைக்கும்.
கேமரா மீடியா பார்
முந்தைய அப்டேட்டில் WhatsApp ஸ்க்ரோல் செய்யக்கூடிய மீடியா பாரை (Media Bar) நீக்கியது, இது பயனர்கள் ஒரு பயனருடன் விரைவாக பகிர விரும்பும் வீடியோக்கள் மற்றும் படங்களை எடுக்க உதவுகிறது.
இப்போது, ஸ்க்ரோல் செய்யக்கூடிய மீடியா பாரை அதன் கேமரா செயல்பாட்டில் (Camera Media Bar) மீண்டும் மீட்டமைக்க நிறுவனம் திட்டமிட்டுள்ளதாக தெரிகிறது. WhatsApp இன் iOS பீட்டா பயன்பாட்டின் சமீபத்திய பதிப்பைப் பயன்படுத்தும் பயனர்களுக்கு இந்த மாற்றம் கிடைக்கும்.
மேலும் படிக்க | வாட்ஸ்அப்பில் Font டிசைன்களை மாற்றுவது எப்படி?
ஈமோஜி குறுக்குவழிகள் (Emoji Shortcuts)
வாட்ஸ்அப் அதன் யுனிவர்சல் விண்டோஸ் பிளாட்ஃபார்ம் அடிப்படையிலான செயலியில் புதிய அம்சத்தை கொண்டு வருகிறது, இது பயனர்களுக்கு ஈமோஜிகளுக்கு விரைவான அணுகலை வழங்குகிறது.
பயனர்கள் குறிப்பிட்ட முக்கிய வார்த்தைகளை தட்டச்சு செய்யும் போது (specific keywords prefixed with a colon), அந்த முக்கிய வார்த்தையுடன் தொடர்புடைய அனைத்து எமோஜிகளையும் WhatsApp காண்பிக்கும். மைக்ரோசாஃப்ட் ஸ்டோரிலிருந்து WhatsApp இன் சமீபத்திய பீட்டா பதிப்பைப் பதிவிறக்குவதன் மூலம் இந்த அம்சத்தை அணுகலாம்.
மேலும் படிக்க | அலெக்ஸ்சா, வாட்ஸ்அப் பயன்படுத்துவதை தவிர்க்கவும் - மத்திய அரசு எச்சரிக்கை!
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
