ஐபோன் X வாங்கும் ரிலையன்ஸ் ஜியோ வாடிக்கையாளர்களுக்கு 70% பைபேக் சலுகை பெற முடியும் என ரிலையன்ஸ் ஜியோ அறிவித்துள்ளது.
புதிய ஐபோன் X வாங்கும் ரிலையன்ஸ் ஜியோ வாடிக்கையாளர்கள் ரூ.1,999 மட்டும் செலுத்தி முன்பதிவு செய்யலாம். இந்த முன் பதிவு ரிலையன்ஸ் ரீடெயில், ஜியோ அதிகாரப்பூர்வ வலைத்தளம், மை ஜியோ செயலி மற்றும் அமேசான் வலைத்தளங்களில் செய்யலாம். இந்த சலுகை வரும் டிசம்பர் 31-ம் தேதி வரை பெற முடியும். சில குறிப்பிட்ட வங்கி கார்டுகளை பயன்படுத்தும் போது கூடுதல் கேஷ்பேக் சலுகையும் வழங்கப்படும் எனவும் அறிவிக்கப்பட்டுள்ளது.
இந்த சலுகையை பயன்படுத்தி ஐபோன் X வாங்கி 12 மாதங்களில் திரும்ப வழங்கும் போது 70% பைபேக் சலுகை பெற முடியும்
இந்த சலுகை குறைந்தபட்சம் ரூ.799 மற்றும் அதற்கும் அதிக விலையில் ஜியோ ரீசார்ஜ் செய்யும் வாடிக்கையாளர்களுக்கு மட்டும் வழங்கப்படும். இந்த பைபேக் சலுகை ஐபோன் 8 மற்றும் ஐபோன் 8 பிளஸ் வாங்குவோருக்கும் வழங்கப்படுகிறது.
ஐபோன் X வாங்கும் போது மை ஜியோ செயலியை டவுன்லோடு செய்து பைபேக் சலுகைக்கு பதிவு செய்ய வேண்டும்.
ஆப்பிள் சார்பில் பைபேக் சலுகையின் கீழ் ரிலையன்ஸ் ஜியோவிற்கு வழங்கப்பட்ட ஐபோன்களின் IMEI எண் கொண்டு உறுதி செய்யப்படும்.
பைபேக் சலுகையை பெற வாடிக்கையாளர்கள் ஒவ்வொகு மாதமும் ரூ.799க்கு ரீசார்ஜ் செய்ய வேண்டும். இதன் வேலிடிட்டி 28 நாட்கள் ஆகும்.
ரிலையன்ஸ் ஜியோ ரூ.799 திட்டத்தில் பயனர்களுக்கு தினமும் 3 ஜிபி அளவு 4ஜி டேட்டா, அன்லிமிட்டெட் வாய்ஸ் கால் மற்றும் எஸ்எம்எஸ் உள்ளிட்டவை வழங்கப்பட்டுள்ளது.
