வோடபோன் கடந்த மாதம் தேர்ந்தெடுக்கப்பட்ட ப்ரீபெய்ட் திட்டங்களில் இரட்டை தரவு சலுகையை அறிமுகப்படுத்தியது, ஆனால் இப்போது அது தேர்ந்தெடுக்கப்பட்ட நகரங்களில் இந்த திட்டத்தை திரும்பப் பெற்றுள்ளது.
சமீபத்திய அறிக்கைகளின்படி, வோடபோன் இப்போது 22 வட்டங்களுக்கு பதிலாக 14 வட்டங்களில் மட்டுமே இரட்டை தரவு நன்மைகள் திட்டத்தை வழங்கி வருகிறது. இதன் பொருள் வோடபோன் 8 வட்டங்களில் திட்டத்தை நிறுத்தியுள்ளது. வோடபோனின் புதிய திட்டம் முழு அடைப்பை நிலையில் அமர்ந்திருப்பவர்களுக்கு பயனளித்தது, காரணம் இந்த திட்டங்களில் இணைய நுகர்வு பல மடங்காக அதிகரித்திருந்தது. இந்நிலையில் தற்போது இந்த திட்டங்கள் பின்வாங்கப்பட்டு இருப்பது வாடிக்கையாளர்களுக்கு அதிர்சியான செய்தியாய் அமைந்துள்ளது.
வோடபோனின் இரட்டை தரவு பயன் சலுகை ரூ.249, ரூ.399, மற்றும் ரூ.599 ப்ரீபெய்ட் திட்டங்களில் வழங்கப்படுகிறது. தொலைத் தொடர்பு நிறுவனத்தால் வழங்கப்படும் புதிய திட்டத்தின் கீழ், ஒரு நாளைக்கு 1.5 ஜிபி வழங்கும் ப்ரீபெய்ட் திட்டங்கள் ஒரு நாளைக்கு கூடுதலாக 1.5 ஜிபி வழங்குகின்றன, அதாவது இது ஒரு நாளைக்கு 3 ஜிபி தரவுகளை அளிக்கிறது. இருப்பினும், இந்த சலுகை ஆந்திரா, பீகார், குஜராத், கேரளா, மகாராஷ்டிரா மற்றும் கோவா, பஞ்சாப் மற்றும் வடகிழக்கு உ.பி. பகுதிகளில் கிடைக்காது தற்போது கிடைக்காது என தெரிவிக்கப்பட்டுள்ளது. இந்த சலுகை முன்பு 22 நகரங்களில் கிடைத்தது.
புதிய திட்டம் கூடுதல் செலவில்லாமல் நன்மைகளை இரட்டிப்பாக்கியதால், ஒரு நாளைக்கு 1.5 ஜிபி தரவுத் திட்டங்களைப் பயன்படுத்துபவர்களுக்கு இது ஒரு நல்ல ஒப்பந்தமாக பார்க்கப்பட்டது.
உதாரணமாக, ரூ.249 திட்டம் ஒரு நாளைக்கு 1.5 ஜிபி வழங்குகிறது மற்றும் 28 நாட்கள் செல்லுபடியாகும் காலத்தையும் அளிக்கிறது. இத்துடன் இந்த திட்டம் வரம்பற்ற அழைப்பு மற்றும் ஒரு நாளைக்கு 100 SMS அளிக்கிறது. ரூ.399 திட்டத்திலும் அதே நன்மைகள் கிடைக்கிறது. ஆனால் 56 நாட்கள் செல்லுபடியாகும் காலம் வழங்குகிறது. மற்றும் ரூ.599 திட்டம் 84 நாட்களுக்கு செல்லுபடியாகும் காலத்தை அளிக்கிறது.
இந்த மூன்று திட்டங்களும் வோடபோனின் இரட்டை தரவு நன்மை திட்டத்தின் கீழ் ஒரு நாளைக்கு 3 ஜிபி தரவை வழங்கின. மாற்றங்கள் வோடபோன் இந்தியாவின் அதிகாரப்பூர்வ இணையதளத்தில் காணப்பட்டன. ஆனால் தற்போது 8 வட்டங்களுக்கு இந்த திட்டம் மறுக்கப்பட்டுள்ளது.
மற்றொரு குறிப்பில், வோடபோன் மற்றும் பாரதி ஏர்டெல் போன்ற பிற தொலைதொடர்பு நிறுவனங்களான குறைந்த வருமானம் கொண்ட வாடிக்கையாளர்களின் ப்ரீபெய்ட் மொபைல் கணக்குகளின் செல்லுபடியை மே 3 வரை நீட்டிப்பதாக அறிவித்துள்ளது. ரிலையன்ஸ் ஜியோவும் இதேபோன்ற திட்டத்தை அறிமுகப்படுத்தியுள்ளது.
முழு அடைப்பு காலத்தில் ப்ரீபெய்ட் திட்டங்களின் செல்லுபடியாகும் காலத்தை நீட்டிக்க TRAI பிறப்பித்த உத்தரவின் படி இந்த முடிவு எடுக்கப்பட்டது. முன்னதாக, தொலைத் தொடர்பு நிறுவனங்கள் ஏப்ரல் 17 வரை இந்த திட்டத்தை நீட்டித்தன, பின்னர் முழு அடைப்பு நாட்டில் மே 3-ஆம் தேதி வரை நீட்டிக்கப்பட்ட நிலையில் தற்போது திட்டங்களின் செல்லுபடியாகும் காலமும் மே 3-ஆம் தேதி வரை நீட்டிக்கப்பட்டுள்ளது.
