India vs Pakistan: ஆசிய கோப்பையில் இந்திய அணி ஆகஸ்ட் 28-ம் தேதியான நாளை மறுநாள் பாகிஸ்தானை எதிர்கொள்கிறது. ஒட்டுமொத்த கிரிக்கெட் ரசிகர்களின் பார்வையும் இருக்கும் அந்தப் போட்டியில், பாகிஸ்தானுக்கு எதிராக விளையாடும் இந்திய அணியின் பிளேயிங் லெவனில் இடம்பெறப்போகும் வீரர்கள் யார்? என்ற எதிர்பார்ப்பு எழுந்துள்ளது. மூத்த வீரர்கள் மற்றும் இளம் வீரர்களை உள்ளடக்கிய இந்திய அணியில் பிளேயிங் லெவனை தேர்ந்தெடுப்பதில் கேப்டன் ரோகித் சர்மாவுக்கு தலைவலி நிச்சயம் இருக்கும்.
இந்த வீரருக்கு இடம் கிடைக்காது
ஐக்கிய அரபு எமிரேட்ஸின் ஆடுகளங்கள் எப்போதும் சுழற்பந்து வீச்சாளர்களுக்கு உதவியாக இருக்கும். இந்த ஆடுகளங்களில் அதிக போட்டிகளில் விளையாடிய அனுபவமிக்க வீரர்களான ரவிச்சந்திரன் அஷ்வின், ரவி பிஷ்வோய், ரவீந்திர ஜடேஜா மற்றும் யுஸ்வேந்திர சாஹல் உள்ளனர். இதுபோன்ற சூழ்நிலையில், பாகிஸ்தானுக்கு எதிராக, கேப்டன் ரோகித் சர்மா மூன்று சுழற்பந்து வீச்சாளர்களுடன் விளையாட விரும்புகிறார். வேகப்பந்து வீச்சாளர்களாக புவனேஷ்வர் குமார் மற்றும் அர்ஷ்தீப் சிங் ஆகியோருக்கு வாய்ப்பு கொடுக்கப்படலாம். அப்படியானால், அவேஷ் கான் பெஞ்சில் அமர நேரிடும்.
மோசமான ஃபார்மில் ஆவேஷ்கான்
அவேஷ் கான் மிகவும் மோசமான பார்முடன் இருக்கிறார். இதனால் இதுபோன்ற பெரிய தொடர்களில் அவருக்கு வாய்ப்பு கொடுப்பது என்பது மிகவும் கடினம். இந்திய கேப்டன் மற்றும் அணி நிர்வாகத்தினர் இது குறித்து தீவிரமாக ஆலோசித்திருக்க வாய்ப்பு இருக்கிறது. அவரை களமிறக்கினால் ஆசிய கோப்பையில் இந்திய அணியின் மிகப்பெரிய பலவீனமாக ஆவேஷ் கான் மாறுவதற்கும் வாய்ப்பு இருக்கிறது. இந்திய அணிக்காக இதுவரை 13 டி20 போட்டிகளில் விளையாடியுள்ளார். இந்தப் போட்டிகளில், அவேஷ் கான் 8.68 என்ற பொருளாதாரத்தில் 11 விக்கெட்டுகளை வீழ்த்தியுள்ளார்.
ஆசிய கோப்பைக்கான இந்திய அணி:
ரோஹித் ஷர்மா (கேப்டன்), கேஎல் ராகுல் (துணை கேப்டன்), விராட் கோலி, சூர்யகுமார் யாதவ், தீபக் ஹூடா, ரிஷப் பந்த் (WK), தினேஷ் கார்த்திக் (WK), ஹர்திக் பாண்டியா, ரவீந்திர ஜடேஜா, ஆர் அஷ்வின், யுஸ்வேந்திர சாஹல், ரவி பிஷ்னோய், புவனேஷ்வர் குமார், அர்ஷ்தீப் சிங், அவேஷ் கான்
மேலும் படிக்க | Ind Vs Pak: இந்தியா - பாகிஸ்தான் போட்டியில் நடைபெற்ற 4 மோதல்கள்
மேலும் படிக்க | AsiaCup2022: ரோகித் சர்மா விரும்பாத அந்த பிளேயர் இந்திய அணியில்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
