IPL 2021: சென்னை சூப்பர் கிங்ஸ் அணியின் வீரரான ராபின் உத்தப்பா இன்னும் அணிக்காக ஒரு ஆட்டத்திலும் பங்கேற்கவில்லை. ஆனால், களத்தில் இறங்காமலேயே ஊத்தப்பா, சி.எஸ்.கே ரசிகர்களின் இதயங்களை கவர்ந்துவிட்டார்.
ராபின் உத்தப்பா ஒரு சிறந்த டீம் பிளேயர் என்பது அனைவருக்கும் தெரியும். தன்னால் முடிந்தபோதெல்லாம், முடிந்த விதத்தில் அவர் அணிக்கு தன் பங்களிப்பை அளிக்கிறார். அதற்கு மற்றொரு சான்று சமீபத்தில் காணக் கிடைத்தது.
இந்த வார தொடக்கத்தில் சிஎஸ்கே (CSK) மற்றும் ராயல் சேலஞ்சர்ஸ் பெங்களூரு இடையேயான இந்தியன் பிரீமியர் லீக் (IPL) போட்டி முடிந்தவுடன், உத்தப்பா, எம்எஸ் தோனி மற்றும் சுரேஷ் ரெய்னா ஆகியோருக்கு பல உதவிகளை செய்வதைக் காண முடிந்தது.
உத்தப்பா தோனி மற்றும் ரெய்னாவின் பேட் மற்றும் ஹெல்மெட்டுகளை எடுத்துச் செல்லும் வீடியோ சமூக ஊடகங்களில் வைரலாக பரவி வருகிறது. சிஎஸ்கே ரசிகர்கள் உத்தப்பாவின் டீம் ஸ்பிரிட்டை பாராட்டி வருகின்றனர்.
ரசிகர்களின் பாராட்டைப் பெற்ற அந்த வீடியோ இதோ:
#WhistlePodu#csk pic.twitter.com/fPHWTP1yCZ
— Chakri Dhoni (@ChakriDhoni17) September 25, 2021
ALSO READ: இன்று தான் ரியல் சண்டே(டை)! IPL 2021 முக்கியமான இரண்டு போட்டிகள்!
IPL-ன் முந்தைய பதிப்பில் ரசிகர்களின் எதிர்பார்ப்பை தவிடு பொடியாக்கிய சி.எஸ்.கே அணி, IPL 2021-ல் தனது வழக்கமான அதிரடி ஆட்டத்தை வெளிப்படுத்தி வருகிறது.
இந்த மாத தொடக்கத்தில் லீக் மீண்டும் தொடங்கியதில் இருந்து, தோனி (MS Dhoni) தலைமையிலான சி.எஸ்.கே படை, தாங்கள் விளையாடிய இரண்டு போட்டிகளிலும் வெற்றி பெற்றது. வலுவான அணிகளான மும்பை இந்தியன்ஸ் மற்றும் பெங்களூரு அணிகளை சி.எஸ்.கே அனாயாசமாக வீழ்த்தியது.
சி.எஸ்.கே அணியின் அட்டத்தைப் பார்க்கும் ரசிகர்கள் மகிழ்ச்சியில் உள்ளனர். தங்கள் அணி மீண்டும் அசத்தல் ஆட்டத்தை ஆடத் துவங்கிவிட்டதால், சி.எஸ்.கே ரசிகர்கள் ‘கப்பு நமக்குதான்’ என்ற கெத்துடனே காணப்படுகிறார்கள்.
ALSO READ: சிக்கலில் சஞ்சு சாம்சன்; வறுத்தெடுக்கும் BCCI
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
