இன்றைய தலைமுறையினர் தங்களது உடல் எடையைக் குறிப்பதில் அதிகம் கவனம் செலுத்தி வருகின்றனர். தற்போதைய உடலுழைப்பு இல்லாத மற்றும் வேலைப்பளுமிக்க வாழ்க்கை முறையாலும், ஆரோக்கியமற்ற உணவுப் பழக்கவழக்கங்களாலும், ஏராளமான இளைஞர்கள் உடல் பருமன் பிரச்சனையால் கஷ்டப்படுகிறார்கள். உடல் பருமன் பிரச்சனையை ஒருவர் சந்திக்க ஆரம்பித்துவிட்டால், அதைத் தொடர்ந்து இரத்த அழுத்தம், கொலஸ்ட்ரால் போன்ற பிரச்சனைகள் தானாக வந்துவிடும்.
உடல் எடையை சரியான அளவில் பராமரிக்கலாம். உடல் எடையைக் குறைக்க எத்தனையோ வழிகள் உள்ளன. அதில் முதன்மையான ஒன்று கலோரிகளை எரிக்கும் சரியான உணவுகளைத் தேர்ந்தெடுத்து உட்கொள்ள வேண்டியது. எனவே இந்த போட்டோ தொகுப்பில் உடல் எடையைக் குறைக்கத் தூண்டும் உணவுகளின் பட்டியல் இடப்பட்டுள்ளது.
சர்க்கரைவள்ளி கிழங்கு: சர்க்கரைவள்ளி கிழங்கில் பைபர் அதிகம் இருப்பதால் வயிறு நிரம்புவது போல் தோன்றும். நார்ச்சத்து, விரைவில் செரிமானம் ஆகாமல் தடுத்துவிடும். அதனால் உடலில் கொழுப்பு சத்தை சேர்க்க தூண்டும்.இன்சுலின் சுரப்பது தடுக்கப்படுகிறது. இதனால் எடை அதிகரிக்காது.
இளநீர்: நீங்கள் உடல் எடையை குறைக்க முயற்சிக்கும்போது, நீரேற்றத்துடன் இருப்பது முக்கியம், மேலும் இளநீர் குடிப்பது உங்கள் திரவ உட்கொள்ளலை அதிகரிக்க மற்றும் ஊட்டச்சத்து ஊக்கத்தை பெற ஒரு சிறந்த வழியாகும். இந்த இயற்கை பானத்தில் மெக்னீசியம், கால்சியம், உப்பு, மாங்கனீசு மற்றும் பொட்டாசியம் ஆகியவை நிறைந்துள்ளன.
வாழைப்பழம்: வாழைப்பழத்தில் அதிகளவு பொட்டாசியம் சத்து உள்ளது. இந்த சுவையான வாழைப்பழத்தில் நார்ச்சத்து மற்றும் பல ஆன்டிஆக்ஸிடன்ட்கள் உள்ளன, ஆய்வின் படி, நார்ச்சத்து அதிகம் உள்ள உணவை உட்கொள்வதால் எடை அதிகரிக்கும் அபாயத்தை 30%குறைக்கலாம். வாழைப்பழத்தை தொடர்ந்து சாப்பிடுவது செரிமானம் மற்றும் இதய ஆரோக்கியத்திற்கு உதவுகிறது.
ராஜ்மா: ராஜ்மாவில் அதிக புரதம், நார்ச்சத்து மற்றும் பொட்டாசியம் உள்ளது, இவை அனைத்தும் எடை இழப்புக்கு அவசியமான ஊட்டச்சத்துக்கள் ஆகும்.
பசலைக்கீரை: எடையைக் குறைக்க நினைப்போர் அடிக்கடி தங்களது உணவில் பசலைக்கீரையை சேர்த்துக் கொள்ள வேண்டியது அவசியம். இந்த கீரையை உட்கொண்டால், நீண்ட நேரம் பசி எடுக்காமல் இருப்பதோடு, உடலின் வலிமையும் மேம்படும்.
