சின்னத்திரை நடிகை ரச்சிதா தனது கணவர் மீது போலீஸில் புகார் அளித்தது பரபரப்பை ஏற்படுத்தியுள்ளது.
நடிகை ரச்சித்தா சின்னத்திரையில் பிரபலமான நடிகையாக இருக்கிறார். விஜய் டிவி மற்றும் ஜீ தமிழ் என பல்வேறு தொடர்களில் நடித்துக் கொண்டிருக்கிறார்.
அவரைப் போலவே அவருடைய கணவர் தினேஷூம் சீரியல்களில் நடிக்கிறார். இருவரும் திருமணமானது முதல் மகிழ்ச்சியாக வாழ்ந்துவந்தனர்.
ஆனால், அவர்களுக்கு இடையேயான உறவு இப்போது சுமூகமாக இல்லை. இதனால் தனித்தனியாக பிரிந்து வாழ்ந்து வருகின்றனர்.
கணவர் தினேஷ் ரச்சிதாவுடன் சேர்ந்து வாழ வேண்டும் என்று விரும்பினாலும், அதற்கு ரச்சிதா இப்போது தயாராக இல்லை.
காவல்நிலையம் வரை புகார் சென்றுவிட்டதால் விவாகரத்து பெறும் முடிவுக்கு ரச்சித்தா வந்துவிட்டதாக தெரிகிறது.
இருந்தாலும் இந்தப் பிரச்சனைகளை பேசித் தீர்த்துக் கொள்ள விரும்புகிறாராம் ரச்சிதாவின் கணவர். ஆனால், அதற்கு வாய்ப்பில்லை என்ற முடிவில் ரச்சிதா இருப்பதாக கூறப்படுகிறது.
சின்னத்திரையில் நல்ல ஜோடியாக வலம் வந்தவர்களுக்கு இடையே ஏற்பட்டிருக்கும் இந்தப் பிரச்சனை, சக நடிகர்களையும் வருத்தப்பட வைத்திருக்கிறதாம்.
