Rachin Ravindra: 23 வயதே ஆனா ரச்சின் ரவீந்திரா சர்வதேச கிரிக்கெட்டில் பல சாதனைகளை புரிந்து வருகிறார். ஒரே உலக கோப்பையில் 2 சதங்கள் அடித்துள்ளார்.
உலக கோப்பை 2023ம் ஆண்டின் தொடக்க ஆட்டத்தில் நடப்பு சாம்பியனான இங்கிலாந்துக்கு எதிராக நியூசிலாந்து ஒன்பது விக்கெட் வித்தியாசத்தில் வெற்றி பெற்றதில் ரச்சின் ரவீந்திரா பங்கு முக்கியமானது.
ரச்சின் ரவீந்திரா தனது உலகக் கோப்பை அறிமுகத்திலேயே சதம் அடித்து கிரிக்கெட் உலகை திகைக்க வைத்தார், இந்த சாதனையை எட்டிய இளம் நியூசிலாந்து பேட்டர் ஆனார். அவர் 96 பந்துகளில் 5 சிக்ஸர்கள் மற்றும் 11 பவுண்டரிகள் உட்பட ஆட்டமிழக்காமல் 123 ரன்கள் குவித்து, இங்கிலாந்துக்கு எதிராக தனது அணியை வெற்றிக்கு அழைத்துச் சென்றார்.
ரச்சின் ரவீந்திராவின் பெற்றோர் 1990களில் பெங்களூருவில் இருந்து நியூசிலாந்துக்கு குடிபெயர்ந்தனர். அவரது பெயர் சச்சின் டெண்டுல்கர் மற்றும் ராகுல் டிராவிட் ஆகிய இரண்டு கிரிக்கெட் ஜாம்பவான்களின் கலவையாகும். அவரது தந்தை, முன்னாள் கிளப் கிரிக்கெட் வீரர், ராகுலிடமிருந்து "ரா" மற்றும் சச்சினிடமிருந்து "சின்" என்பதை தனது மகனின் பெயருக்கு தேர்வு செய்தார்.
ரச்சினின் கிரிக்கெட் திறமை இளம் வயதிலிருந்தே வெளிப்பட்டது, மேலும் அவர் 2016 மற்றும் 2018 ஆம் ஆண்டுக்கான 19 வயதுக்குட்பட்டோருக்கான உலகக் கோப்பையில் நியூசிலாந்தை பிரதிநிதித்துவப்படுத்தினார். 2018 போட்டியில், கென்யாவுக்கு எதிராக 117 ரன்களும், தென்னாப்பிரிக்காவுக்கு எதிராக 76 ரன்களும் விளாசினார்.
ரச்சின் இந்தியாவில் நியூஸிலாந்து அணிக்காக தனது டெஸ்ட் அறிமுகமானார். அவர் 2021ல் நியூசிலாந்தின் ODI அணியில் நுழைந்தார்.
