FD Interest Rate: பொது மக்கள் மற்றும் மூத்த குடிமக்களுக்கான நிலையான வைப்புத்தொகைகளில் பல்வேறு தவணைக்காலங்களுக்கு வெவ்வேறு வட்டி விகிதங்கள் கொடுக்கப்படுகின்றன.
60 வயதுக்கு மேற்பட்ட முதியவர்களுக்கான டெபாசிட்களுக்கு 9 சதவீதம் வரை வட்டி வழங்கும் 7 வங்கிகளைப் பற்றி தெரிந்துக் கொள்வோம்
Equitas Small Finance வங்கி, மூத்த குடிமக்களுக்கு 444 நாட்கள் டெபாசிட்களுக்கு 9% வட்டியை வழங்குகிறது. வங்கியின் இந்த வட்டி விகிதங்கள் 21 ஆகஸ்ட் 2023 முதல் அமலுக்கு வந்தன.
ESAF ஸ்மால் ஃபைனான்ஸ் வங்கி, 2 ஆண்டுகள் முதல் 3 ஆண்டுகள் வரையிலான FDகளுக்கு 9% வட்டியை வழங்குகிறது. வங்கியின் இணையதளத்தின்படி, இந்த விகிதங்கள் ஏப்ரல் 14, 2023 முதல் அமலுக்கு வந்தன.
500, 750 மற்றும் 1000 நாட்களில் முதிர்ச்சியடையும் Fincare சிறு நிதி வங்கி FDகள் முறையே 9, 9.43, 9.21 என்ற விகிதத்தில் வட்டி கொடுக்கின்றன. 36 மாதங்கள் 1 நாள் முதல் 42 மாதங்கள் வரை FD முதிர்ச்சியடையும் மூத்த குடிமக்களுக்கு 9.15% வட்டி உள்ளது. இந்த கட்டணங்கள் 26 ஜூலை 2023 முதல் அமலுக்கு வந்தன.
ஜனா சிறு நிதி வங்கி: ஜனா ஸ்மால் ஃபைனான்ஸ் வங்கி 1095 நாட்களில் முதிர்ச்சியடையும் FDகளுக்கு 9% வட்டியை வழங்குகிறது. இந்த வங்கி விகிதங்கள் ஆகஸ்ட் 15, 2023 முதல் அமலாகின.
நார்த் ஈஸ்ட் ஸ்மால் ஃபைனான்ஸ் வங்கியானது, வங்கியின் சிறப்புத் திட்டத்தின் கீழ் 555 மற்றும் 1111 நாட்களில் முதிர்ச்சியடையும் FD களுக்கு உத்தரவாதமான 9.25% வட்டி விகிதத்தை வழங்குகிறது. வங்கியின் இணையதளத்தின்படி, இந்த கட்டணங்கள் ஜூன் 6, 2023 முதல் பொருந்தும்.
சூர்யோதாய் ஸ்மால் ஃபைனான்ஸ் வங்கி 2 மற்றும் 3 ஆண்டுகளில் முதிர்ச்சியடையும் FDகளுக்கு 9% மற்றும் அதற்கு மேல் வட்டி விகிதத்தை வழங்குகிறது. இந்த வட்டி விகிதங்கள் ஆகஸ்ட் 7, 2023 முதல் பொருந்தும். 15 மாதங்கள் முதல் 2 ஆண்டுகள் வரையிலான FDகளுக்கு 9% வட்டி உண்டு. அதேபோல், 2 ஆண்டுகள் முதல் 3 ஆண்டுகள் வரையிலான டெபாசிட்களுக்கு 9.10 சதவீதம் வட்டி உண்டு
யூனிட்டி ஸ்மால் ஃபைனான்ஸ் வங்கி FDகளுக்கு 9.25 மற்றும் 9.50% வட்டி விகிதத்தை வழங்குகிறது. இந்த விகிதங்கள் 11 ஆகஸ்ட் 2023 முதல் பொருந்தும். 6 மாதங்கள் முதல் 201 நாட்கள் வரையிலான FDக்கு 9.25% வட்டியும், 501 நாட்கள் FDக்கு 9.25% மற்றும் 1001 நாட்கள் FDக்கு 9.50% வட்டியும் கிடைக்கும்.
சூர்யோதாய் ஸ்மால் ஃபைனான்ஸ் வங்கியின் FD திட்டத்தில் முதலீடு செய்வதன் மூலம் 9 சதவீதக்கும் அதிகமான வட்டியைப் பெறலாம். வங்கி இப்போது மூத்த குடிமக்களுக்கு 4.50 சதவீதம் முதல் 9.10 சதவீதம் வரையிலும், பொது மக்களுக்கு 4 சதவீதம் முதல் 8.60 சதவீதம் வரையிலும் 7 நாட்கள் முதல் 10 வருடங்களில் முதிர்ச்சியடையும் FD திட்டங்களை வழங்குகிறது.
நடந்த முடிந்த எம்பிசி கூட்டத்தில், இந்திய ரிசர்வ் வங்கி மீண்டும் ரெப்போ விகிதத்தில் எந்த மாற்றத்தையும் செய்யவில்லை என்பது குறிப்பிடத்தக்கது
