February 2024 Lucky Zodiac Signs: பிப்ரவரி மாதத்தில் புதன், செவ்வாய், சனி, சுக்கிரன் மற்றும் சூரியன் ஆகிய கிரகங்கள் தங்கள் நிலையை மாற்றவுள்ளன. இதனால் பல ராசிகளில் பல வித மாற்றங்கள் ஏற்படும்.
மாதத்தின் தொடக்கத்தில், பிப்ரவரி 1 ஆம் தேதி, புதன் மகர ராசிக்கு மாறுகிறார். பிப்ரவரி 5-ம் தேதி செவ்வாய் மகர ராசிக்குள் நுழைகிறார். இதற்குப் பிறகு பிப்ரவரி 8-ம் தேதி புதன் மகர ராசியில் அஸ்தமிக்கிறார். சனி பகவான் பிப்ரவரி 11 ஆம் தேதி கும்ப ராசியில் அஸ்தமனமாகிறார். இதன் பிறகு பிப்ரவரி 12ஆம் தேதி மகர ராசியில் சுக்கிரன் சஞ்சாரம் செய்வதால் திரிகிரஹி யோகம் உருவாகும். இதைத் தொடர்ந்து பிப்ரவரி 12ஆம் தேதி சூரியன் கும்ப ராசியிலும், 20ஆம் தேதி புதன் கும்ப ராசியிலும் சஞ்சரித்து புத ஆதித்ய ராஜயோகத்தை உருவாக்குகிறார்கள். இப்படிப்பட்ட கிரக நிலைகளுக்கு மத்தியில் பிப்ரவரி மாதம் 6 ராசிக்காரர்களுக்கு (Zodiac Signs) மிகவும் அதிர்ஷ்டமாக இருக்கப் போகிறது. இந்த ராசிகளை பற்றி காணலாம்.
பிப்ரவரி மாதம் புதன், செவ்வாய், சனி, சுக்கிரன் மற்றும் சூரியன் ஆகிய பெரிய கிரகங்களின் நிலைகளில் மாற்றம் ஏற்படும். இதனால் அனைத்து ராசிகளிலும் மாற்றங்கள் ஏற்படும் என்றாலும், சில ராசிகளுக்கு பிப்ரவரி மாதம் மிக அதிர்ஷ்டமான மாதமாக இருக்கும். அந்த ராசிகளை பற்றி இங்கே காணலாம்.
பிப்ரவரி மாதத்தில், மேஷ ராசிக்காரர்களுக்கு சுப கிரக நிலைகளுக்கு மத்தியில் வேலை மற்றும் வியாபாரத்தில் நன்மைகள் கிடைக்கும். அரசியலில் தொடர்புடையவர்கள் இதன் மூலம் பயனடைவார்கள். அரசியலில் உங்கள் செல்வாக்கு அதிகரிக்கும். சமூகத்திலும் உங்கள் செல்வாக்கு அதிகரிக்கும்.
ரிஷபம் ராசிக்காரர்களுக்கு பிப்ரவரி மாதம் மிகவும் சிறப்பானதாக இருக்கும். வெளிநாட்டில் கல்வி மற்றும் உயர்கல்வியில் வெற்றி பெற வாய்ப்புகள் உள்ளன. உங்கள் நிதி அம்சம் முன்பை விட வலுவாக இருக்கும். சமயச் செயல்கள் மற்றும் புனித யாத்திரைகள் செல்ல வாய்ப்பு உள்ளது.
பிப்ரவரி மாதம் கிரகங்களின் நிலை காரணமாக கடக ராசிக்காரர்களுக்கு மரியாதை அதிகரிக்கும். அரசாங்கத் துறைகளில் நன்மைகளையும் வெற்றிகளையும் பெறுவீர்கள். இந்த மாதம் செய்யப்படும் முதலீடுகள் உங்களுக்கு வெற்றியைத் தரும்.
பிப்ரவரி மாதத்தில் கன்னி ராசிக்காரர்கள் பிள்ளைகளால் மகிழ்ச்சியைப் பெறலாம். குடும்பத்தில் திருமண நிகழ்வுகள் மூலம் உற்சாகம் கூடும். போட்டித் தேர்வுகளில் வெற்றி பெறுவீர்கள். காதல் உறவில் உற்சாகம் இருக்கும். தொழில் வியாபாரத்தில் உயர்வு மற்றும் லாபம் உண்டாகும்.
துலாம் ராசிக்காரர்களுக்கு, பிப்ரவரி மாதம் கிரக நிலைகளின் அடிப்படையில் மிகவும் பலனளிக்கும். நிதி ரீதியாக நன்மை பயக்கும். இந்த மாதம், சுக்கிரனின் தாக்கத்தால் உங்களின் மகிழ்ச்சி அதிகரிக்கும். கூடுதலாக, உங்கள் நிதி அம்சமும் மிகவும் வலுவாக இருக்கும். உங்கள் சேமிப்பும் இந்த மாதம் அதிகரிக்கும். வேலை செய்பவர்களுக்கும் இந்த மாதம் மிகவும் சிறப்பாக இருக்கும்.
மகர ராசிக்காரர்களுக்கு சூரியன், புதன், செவ்வாய் ஆகிய கிரகங்களின் சஞ்சாரம் தொழில் முன்னேற்றம் மற்றும் லாபத்திற்கான வாய்ப்புகளை உருவாக்கும். இந்த மாதம் உங்களுக்கு பதவி உயர்வும் கிடைக்கும். உங்கள் பதவி உயர்வுக்கான வாய்ப்புகள் வலுவாக உள்ளன. இந்த மாதம் உங்கள் தந்தையிடமிருந்து உங்களுக்கு நன்மைகள் கிடைக்கும் மற்றும் மூதாதையர் சொத்து தொடர்பான விஷயங்கள் வெற்றி பெறும்.
இங்கே கொடுக்கப்பட்டுள்ள தகவல்கள் பொதுவான நம்பிக்கைகள் மற்றும் தகவல்களின் அடிப்படையில் அமைந்துள்ளன. ஜீ மீடியா இந்த செய்திகளை உறுதிப்படுத்தவில்லை.
