சினிமாவில் ரீ- என்ட்ரி ஆனது குறித்து நடிகை மீரா ஜாஸ்மின் நெகிழ்ச்சியாக பேசியுள்ளார்.
லிங்குசாமி இயக்கத்தில் கடந்த 2002-ம் ஆண்டு ‘ரன்’ படத்தின் மூலம் தமிழில் அறிமுகமானவர் நடிகை மீரா ஜாஸ்மின். அதன் பிறகு ‘சண்டக்கோழி’, ‘ஆயுத எழுத்து’ உள்ளிட்டப் பல ஹிட் படங்களிலும் நடித்திருந்தார்.
திருமணத்திற்குப் பிறகு சினிமாவில் இருந்து ஒதுங்கி இருந்தவர் தற்போது மீண்டும் தமிழில் நடிக்க படங்களில் ஒப்பந்தமாகியுள்ளார்.
அந்த வகையில், தற்போது ‘விமானம்’, ‘டெஸ்ட்’ ஆகிய படங்களில் நடித்துள்ள அனுபவம் பற்றி அவர் கருத்துக்களைப் பகிர்ந்துள்ளார். அதில், "நீண்ட காலம் கழித்து இப்போது மறுபடியும் படங்களில் நடிக்க ஆரம்பித்திருப்பது மகிழ்ச்சியான ஒரு அனுபவமாக உள்ளது.
’விமானம்’, ‘டெஸ்ட்’ ஆகிய படங்களின் கதை எனக்குப் பிடித்திருந்ததால் உடனே நடிக்க ஒத்துக் கொண்டேன். எந்த ஒரு படம் நடிக்க ஒத்துக் கொண்டாலும் அதில் கதை மற்றும் என் கதாபாத்திரம் எப்படி இருக்கிறது என்று பார்த்துதான் தேர்ந்தெடுப்பேன்.
ரசிகர்கள் அதே அன்பையும், ஆதரவையும் தருவார்கள் என எதிர்பார்க்கிறேன்" என்று நெகிழ்ச்சியாக கூறியுள்ளார்.
