Instant Loan App: நம் அன்றாட வாழ்வின் பல தேவைகளுக்காக நாம் அவ்வப்போது பல கடன்களை பெறுகிறோம். ஆனால் எங்கிருந்து கடன் வாங்குகிறோம் என்பதில் நாம் மிக கவனமாக இருக்க வேண்டும். தற்காலத்தில் பல போலி உடனடி கடன் ஆப்கள் கடன் சேவை வழங்கும் போர்வையில் மோசடி செய்கின்றன. ஏதேனும் உடனடி கடன் செயலி உங்களைத் தொடர்பு கொண்டாலோ அல்லது, நீங்கள் தொடர்பு கொண்டாலோ, நீங்கள் கவனமாக இருக்க வேண்டும். இவற்றால் நீங்கள் ஏமாற்றப்படலாம். இதைத் தவிர்க்க பாரத ஸ்டேட் வங்கி சில சிறந்த உதவிக்குறிப்புகளைக் கொடுத்துள்ளது. இதை மனதில் கொள்ள வேண்டும்.
நீங்கள் உடனடி கடன் செயலியைப் பதிவிறக்குகிறீர்கள் என்றால், அதைப் பதிவிறக்குவதற்கு முன் அதைச் சரிபார்க்கவும். அந்த ஆப் எவ்வளவு உண்மையானது? என்பதை தெரிந்துகொள்ள வேண்டும். செயலியின் நம்பகத்தன்மையை அறிவது மிகவும் முக்கியமாகும்.
தெரியாத எந்த இணைப்பையும் கிளிக் செய்ய வேண்டாம் என்று எஸ்பிஐ கூறுகிறது. மேலும், அங்கீகரிக்கப்படாத உடனடி கடன் செயலியைப் பயன்படுத்த வேண்டாம். இது உங்கள் தரவு திருடப்படுவதற்கு வழிவகுக்கும்.
உங்கள் தரவு திருடப்படுவதைத் தடுக்க, மொபைல் ஃபோனில் உள்ள செயலியின் அனுமதி அமைப்பை கண்டிப்பாக சரிபார்க்கவும். இது பாதுகாப்பானது மற்றும் உங்கள் தனிப்பட்ட தகவல்கள் கசியாமல் இருக்கும்.
சந்தேகத்திற்கிடமான பணக்கடன் வழங்கும் செயலி அல்லது உடனடி கடன் செயலியை நீங்கள் எதிர்கொண்டால், உடனடியாக காவல்துறைக்கு புகாரளிக்கவும். இதன் மூலம், நீங்கள் எந்த வகையிலும் ஏமாற்றப்படுவதைத் தவிர்க்கலாம்.
இன்ஸ்டன்ட் லோன் ஆப் ஒரு மோசடியாகவும் இருக்கலாம் என்று எஸ்பிஐ கூறுகிறது. பல போலி உடனடி கடன் பயன்பாடுகள் மக்களை சிக்க வைக்க உள்ளன. கடன் வாங்குவதற்கு முன் சரியான தளத்தைத் தேர்ந்தெடுப்பது மிகவும் முக்கியமாகும். இதில் எந்த அலட்சியமும் வேண்டாம்.
