IND vs AUS: இந்தியா மற்றும் ஆஸ்திரேலியா அணிகளுக்கு இடையேயான 2வது டெஸ்ட் போட்டியில் டிராவிஸ் ஹெட் சிறப்பாக விளையாடி சதம் அடித்துள்ளார்.
ஆஸ்திரேலியா வீரர் டிராவிஸ் ஹெட் இந்திய அணிக்கு எதிராக தொடர்ந்து சிறப்பாக விளையாடி வருகிறார். பல போட்டிகளை தனி ஒருவராக வென்று கொடுத்துள்ளார்.
இந்தியாவிற்கு எதிரான 2வது டெஸ்ட் போட்டியின் முதல் இன்னிங்சில் ஆஸ்திரேலியா அணி தடுமாற்றத்தில் இருந்த நிலையில் சதம் அடித்து அணியை சரிவில் இருந்து மீட்டுள்ளார் டிராவிஸ் ஹெட். இதற்கு முன்பும் பலமுறை இந்தியாவிற்கு எதிராக முக்கியமான நாக் ஆடியுள்ளார்.
2023ம் ஆண்டு லண்டனில் நடைபெற்ற ICC உலக டெஸ்ட் சாம்பியன்ஷிப் 2023 இறுதிப்போட்டியில் இந்தியாவிற்கு எதிராக 163(174) ரன்கள் அடித்தார். இதனால் ஆஸ்திரேலியா வெற்றி பெற்று சாம்பியன் பட்டத்தை வென்றது.
2023ம் ஆண்டு இந்தியாவில் நடைபெற்ற ICC ஓடிஐ உலகக் கோப்பை இறுதிப்போட்டியில் 137(120) ரன்கள் அடித்து இந்தியாவின் உலக கோப்பை கனவை சுக்கு நூறாக உடைத்தார்.
இந்த ஆண்டு நடைபெற்ற ICC டி20 உலகக் கோப்பையின் சூப்பர் 8 சுற்றில் இந்தியாவிற்கு எதிராக 76(43) ரன்கள் அடித்தார். இருப்பினும் ஆஸ்திரேலியா அணி தோல்வி அடைந்தது.
தற்போது நடைபெற்று வரும் பார்டர் கவாஸ்கர் தொடரின் 2வது டெஸ்ட் போட்டியில் ஆஸ்திரேலியா அணி தடுமாற்றத்தில் இருந்த போது 140 ரன்கள் அதிரடியாக அடித்துள்ளார்.
