Jio New Year Offer: ரிலையன்ஸ் ஜியோ நிறுவனம் இந்த புத்தாண்டில் ஒரு ரீசார்ஜ் திட்டத்தின் வேலிட்டியை நீட்டித்துள்ளது. அதன்மூலம், கூடுதல் டேட்டாவை பயனர்கள் பெறுவார்கள். அந்த திட்டம் குறித்து இதில் காணலாம்.
ரிலையன்ஸ் ஜியோ தனது வாடிக்கையாளர்களுக்கு வரும் புத்தாண்டை முன்னிட்டு ஒரு அதிரடி சலுகையை வழங்கி உள்ளது. ஜியோ நீண்ட காலம் செல்லுபடியாகும் திட்டங்களின் வேலிடிட்டியை நீட்டித்து சலுகையை வழங்கியிருந்தாலும், வரும் நாள்களில் அது மற்ற திட்டங்களுக்கு அறிவிக்கப்படலாம்.
ஜியோவின் இந்த சலுகை குறித்த அனைத்து தகவல்களையும் இதில் காணலாம். மேலும், இது ஜியோ புதிய திட்டம் இல்லை. ஏற்கெனவே இருக்கும் திட்டத்தில் சலுகையை இந்த நிறுவனம் அறிவித்துள்ளது.
அதாவது, ஜியோவின் 2999 ரூபாய் ரீசார்ஜ் திட்டத்தில் இந்த சலுகை வழங்கப்படுகிறது. ரிலையன்ஸ் ஜியோ 2,999 ரூபாய் ப்ரீபெய்ட் ரீசார்ஜ் திட்டத்தின் கீழ் 'புத்தாண்டு 2024 ஆஃப்பர்'-ஐ அறிமுகப்படுத்தி உள்ளது. 2 ஆயிரத்து 999 ரூபாய் திட்டம் நிறுவனத்தின் நீண்ட கால வேலிடிட்டி உள்ள ரீசார்ஜ் திட்டமாகும்.
இந்த திட்டத்தில், பயனர்கள் 365 நாட்கள் வரை வேலிடிட்டியை பெறுவார்கள். அந்த வகையில், புத்தாண்டின் சிறப்பு சலுகையின் கீழ், பயனர்கள் 24 நாட்கள் கூடுதல் வேலிடிட்டியை பெறுகிறார்கள்.
அதாவது இந்த திட்டம் 1 வருடத்திற்கு பிறகும் கூடுதலாக 24 நாட்களுக்கு செல்லுபடியாகும். மொத்தம் 389 நாள்களுக்கு இந்த திட்டத்தை நீங்கள் பயன்படுத்திக்கொள்ளலாம்.
இந்த திட்டத்தில் தினசரி 2.5 ஜிபி டேட்டா கிடைக்கிறது. 365 நாட்களின் வேலிடிட்டியின்படி, இந்த திட்டம் 912.5 ஜிபி டேட்டாவை பெறுவார்கள், தற்போது இதிலும் கூடுதல் டேட்டாவை பெறலாம். தினமும் 100 இலவச எஸ்எம்எஸ் மற்றும் வரம்பற்ற காலிங் வசதியும் உள்ளது.
JioTV, JioCinema மற்றும் JioCloud ஆகியவற்றிற்கான இலவச சந்தாவும் இதில் அடங்கும். ஜியோவின் அதிகாரப்பூர்வ இணையதளம் அல்லது ஜியோ ஆப் மூலம் இந்த புதிய திட்டத்தின் பலனை நீங்கள் பெறலாம்.
