பாதாம் உடல் ஆரோக்கியத்திற்கு மட்டுமல்ல, பல நோய்களைத் தடுக்கவும் உதவுகிறது. ஆனால் பாதாமை அதிகமாக உட்கொள்வது ஆபத்து என எச்சரிக்கின்றனர் நிபுணர்கள்.
ஊட்டச்சத்துக்களின் களஞ்சியமான பாதாம் பருப்பு ஆரோக்கியத்திற்கு சிறந்தது என்றாலும் அளவிற்கு அதிகமான பாதாம் ஹைபகலேமியா முதல் சிறுநீரக கல் வரை பலவிதமான பாதிப்பை ஏற்படுத்தும் என எச்சரிக்கின்றனர் நிபுணர்கள்.
பாதாம் ஒரு சூப்பர்ஃபுட் எனலாம். இதில் வைட்டமின்கள், தாதுக்கள் மற்றும் ஆன்டிஆக்ஸிடன்ட்கள் நிறைந்துள்ளதால், பல உடல்நல பிரச்சனைகளை நீக்க உதவுகிறது. ஆனால் அதிகப்படியான பாதாம் சாப்பிடுவது உங்கள் ஆரோக்கியத்திற்கு தீங்கு விளைவிக்கும்.
சிறுநீரக கல்: பாதாம் பருப்பில் ஆக்சலேட் எனப்படும் ஒரு தனிமம் உள்ளது. பாதாம் பருப்பை அதிகமாக சாப்பிடும்போது, உங்கள் உடலில் ஆக்சலேட்டின் அளவு அதிகரிக்கிறது. இது சிறுநீரக கற்கள் உருவாகும் அபாயத்தை அதிகரிக்கிறது
ஹைபர்கலேமியா: பாதாமில் அதிக அளவு பொட்டாசியம் உள்ளது. அளவிற்கு அதிகப்படியான பொட்டாசியம் பெரும் தீங்கு விளைவிக்கும். இது இதயத்திற்கு ஆபத்தான ஹைபர்கேமியா என்ற நிலையை ஏற்படுத்தலாம் என்கின்றனர் மருத்துவர்கள்
மலச்சிக்கல்: பாதாமில் நார்ச்சத்து அதிகம் இருப்பதால், செரிமானத்திற்கு உதவுகிறது என்றாலும், அளவிற்கு அதிகமான நார்ச்சத்தை உட்கொள்வது மலச்சிக்கலை ஏற்படுத்தும். இது செரிமான அமைப்பை பாதிக்கிறது. குடல் இயக்கத்தையும் பாதிக்கிறது.
உடல் பருமன்: பாதாமில் அதிக கலோரிகள் மற்றும் ஆரோக்கியமான கொழுப்புகள் உள்ளன. அதிக பாதாம் சாப்பிடுவதால், உடலில் அதிகப்படியான கலோரிகள் குவிந்து, உடல் எடை கூடும்.
வாயு மற்றும் வீக்கம்: பாதாம் பருப்பை அதிகமாக உட்கொள்வது சிலருக்கு வாயு மற்றும் வயிற்று உப்புசம் போன்ற பிரச்சனைகளை உண்டாக்கும். செரிமான அமைப்பு பாதிக்கப்படுவதால், வயிற்றில் வாயு மற்றும் வீக்கம் ஏற்படலாம்.
ஒவ்வாமை: பாதாம் ஒரு சத்தான உலர் பழம், ஆனால் இது சிலருக்கு ஒவ்வாமையை ஏற்படுத்தும். அளவிற்கு அதிக பாதாம் சாப்பிடுவது சருமத்தில் அரிப்பு, வீக்கம், சுவாசப் பிரச்சனைகள் போன்ற ஒவ்வாமை பிரச்சனைகளை ஏற்படுத்தலாம் மற்றும் கடுமையான சந்தர்ப்பங்களில் அனாபிலாக்ஸிஸ் கூட ஏற்படலாம்.
ஊட்டச்சத்து ஏற்றத்தாழ்வு: பாதாமில் வைட்டமின் ஈ, மெக்னீசியம் மற்றும் பல ஊட்டச்சத்துக்கள் நிறைந்துள்ளன. அதிகப்படியான பாதாம் சாப்பிடுவது உங்கள் உடலில் இந்த ஊட்டச்சத்துக்கள் தேவையான அளவை விட அதிகமாக வழிவகுக்கும். இது மற்ற அத்தியாவசிய ஊட்டச்சத்துக்களின் குறைபாட்டிற்கு வழிவகுக்கும்.
(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ZEE MEDIA இந்த தகவல்களுக்கு பொறுப்பேற்காது.)
