Jio Cheap Jackpot Plans: ஒரு மாதத்திற்குள்ளான வேலிடிட்டி உடன் வரம்பற்ற காலிங், டேட்டா மற்றும் எஸ்எம்எஸ் பலன்களை வழங்கும் விலை மலிவான ஜியோ ரீசார்ஜ் திட்டங்களை இதில் காணலாம்.
ஜியோ நிறுவனம் தொலைத்தொடர்பில் தனிக்காட்டு ராஜாவாக திகழ்ந்து வருகிறது எனலாம். ஏர்டெல், வோடோஃபோன் - ஐடியா (Vi), பிஎஸ்என்எல் போன்ற நிறுவனங்கள் ஜியோவுடன் போட்டிப்போட்டு சந்தையில் நிற்க கடும் முயற்சியை மேற்கொள்கிறது.
இருப்பினும் ஜியோ நிறுவனம் அத்தனையையும் முறியடித்து அனைத்து தரப்பினருக்குமான பல ரீசார்ஜ் திட்டங்களை பல்வேறு விலை அடுக்குகளில் வழங்குகிறது.
மேலும், ஜியோ நிறுவனம் மாதாமாதம் புதிய பிளான்களை அறிவித்து வருகிறது. அதில் வரம்பற்ற காலிங், டேட்டா மற்றும் எஸ்எம்எஸ் பலன்கள் சார்ந்தும் ஜியோ பிளான்களை அறிவிக்கும். அந்த வகையில் ஒரு மாதத்திற்குள்ளான வேலிடிட்டி உள்ள இரண்டு பிளான்களை ஜியோ அறிவித்துள்ளது.
149 ரூபாய் ரீசார்ஜ் பிளான்: இதுதான் ஜியோவின் மலிவான ரீசார்ஜ் பிளான்களில் ஒன்றாகும். இந்த பிளானில் வாடிக்கையாளர்கள் தினமும் 1ஜிபி டேட்டாவுடன் வரம்பற்ற காலிங் பனலை பெறுவார்கள்.
இந்த பிளானின் வேலிடிட்டி 20 நாள்களாகும். இதனால் 20 நாள்களுக்கு மொத்தம் 20ஜிபி டேட்டா கிடைக்கும். 100 எஸ்எம்எஸ் இலவசமாக கிடைக்கும். இதனை பேடிஎம் மற்றும் ஜியோ செயலி மூலம் ரீசார்ஜ் செய்துகொள்ளலாம்.
179 ரூபாய் ரீசார்ஜ் பிளான்: இந்த திட்டமும் தினமும் 1ஜிபி டேட்டாவுடன் வரம்பற்ற காலிங் வசதியை அளிக்கிறது.
இதன் வேலிடிட்டி 24 நாள்களாகும். எனவே, 24 நாள்களுக்கு மொத்தம் 24ஜிபி டேட்டா கிடைக்கும். இதிலும் 100 எஸ்எம்எஸ் இலவசமாகும். இதனை பேடிஎம் மற்றும் ஜியோ செயலி மூலம் ரீசார்ஜ் செய்துகொள்ளலாம்.
