IPL Teams Head Coach: 17ஆவது ஐபிஎல் சீசன் இம்மாதம் 22ஆம் தேதி தொடங்க உள்ளது. இந்நிலையில், தற்போது அனைத்து அணிகளும் தங்களின் பயிற்சி முகாம்களை தொடங்கிவிட்டன. இதில், ஒவ்வொரு அணிகளின் தலைமை பயிற்சியாளர்கள் யார் என்பது குறித்து இதில் காணலாம்.
IPL News In Tamil, 10 Team Head Coaches: ஒரு அணிக்கு கேப்டன் எந்தளவிற்கு முக்கியமோ அந்தளவிற்கு பயற்சியாளர் குழுவும் முக்கியம். அந்த வகையில், ஐபிஎல் அணிகளின் தலைமை பயிற்சியாளர்களை இதில் தெரிந்துகொள்ளலாம்.
பஞ்சாப் கிங்ஸ்: ட்ரெவர் பேலிஸ் (இங்கிலாந்து) - 2019இல் இங்கிலாந்து அணி ஓடிஐ உலகக் கோப்பையை கைப்பற்றும்போது அந்த அணியின் தலைமை பயிற்சியாளராக இருந்தார்.
லக்னோ சூப்பர் ஜெயன்ட்ஸ்: ஜஸ்டின் லாங்கர் (ஆஸ்திரேலியா) - ஸ்டீவ் ஸ்மித், வார்னர் ஆகியோர் ஆஸ்திரேலிய அணியில் இருந்து நீக்கப்பட்ட பின்னர், டிம் பெய்ன் கேப்டன்ஸியின்போது தலைமை பயிற்சியாளராக இருந்து துவண்டுபோன ஆஸ்திரேலிய அணிக்கு புத்துயிர் அளித்தவர் இவர்.
கொல்கத்தா நைட் ரைடர்ஸ்: சந்திரகாந்த் பண்டிட் (இந்தியா) - இவர் இந்திய உள்நாட்டு கிரிக்கெட்டின் துரோணாச்சாரியார் என்று அழைக்கப்படுபவர். 2022இல் இவர் தலைமையில் மத்திய பிரதேசம் அணி ரஞ்சி டிராபியில் முதல்முறையாக கோப்பையை வென்றது.
குஜராத் டைட்டன்ஸ்: ஆஷிஷ் நெஹ்ரா (இந்தியா) - இந்த அணியின் பயிற்சியாளராக கடந்த 2 சீசனாக செயல்படுகிறார் நெஹ்ரா. குஜராத் அணி 2022இல் சாம்பியன் பட்டத்தையும், 2023இல் 2ஆவது இடத்தை பிடித்ததும் குறிப்பிடத்தக்கது.
சன்ரைசர்ஸ் ஹைதராபாத்: டேனியல் வெட்டோரி (நியூசிலாந்து) - தற்போது ஆஸ்திரேலிய டெஸ்ட் அணியின் பயிற்சியாளராக உள்ளார். சன்ரைசர்ஸ் அணிக்கு புதிய பயிற்சியாளராக இந்தாண்டு நியமிக்கப்பட்டுள்ளார்.
டெல்லி கேப்பிடல்ஸ்: ரிக்கி பாண்டிங் (ஆஸ்திரேலியா) - ஆக்ரோஷமான கிரிக்கெட்டுக்கு பெயர் பெற்றவர் இவர். கேப்டன்ஸியில் இவர் படைக்காத சாதனைகளே இல்லை எனலாம். கிரிக்கெட் நுணுக்கங்களை விரல் நுனியில் வைத்திருப்பவர்களில் இவரும் ஒருவர்.
ராஜஸ்தான் ராயல்ஸ்: குமார் சங்கக்காரா (இலங்கை) - கடந்த சில சீசன்களாக ராஜஸ்தான் அணி முற்றிலும் வேறு ஒரு பரிமாணத்திற்கு மாற்றியுள்ளதற்கு காரணம் இவர்.
ராயல் சேலஞ்சர்ஸ் பெங்களூரு: ஆண்டி பிளவர் (ஜிம்பாப்வே) - இவர் தலைமையில்தான் இங்கிலாந்து அணி தனது முதல் உலகக் கோப்பையான, டி20 உலகக் கோப்பையை 2010ஆம் ஆண்டு கைப்பற்றியது. உலகம் முழுவதும் பல லீக் அணிகளுக்கு பயிற்சியாளராக உள்ளார்.
மும்பை இந்தியன்ஸ்: மார்க் பவுச்சர் (தென்னாப்பிரிக்கா) - தென்னாப்பிரிக்க தேசிய கிரிக்கெட் அணியின் தலைமை பயிற்சியாளராக இருந்துள்ளார். மேலும், டைட்ன்ஸ் என்ற தென்னாப்பிரிக்க உள்ளூர் அணிக்கு 5 முறை பல்வேறு கோப்பைகளை வாங்கிக்கொடுத்துள்ளார்.
சென்னை சூப்பர் கிங்ஸ்: ஸ்டீபன் ஃபிளமிங் (நியூசிலாந்து): 2009ஆம் ஆண்டில் இருந்து ஸ்டீபன் ஃபிளமிங் சிஎஸ்கே அணியின் பயிற்சியாளராக உள்ளார். இவரின் கீழ் 5 முறை சென்னை கோப்பையை வென்றிருக்கிறது. 2008இல் சிஎஸ்கே அணிக்காவும் இவர் விளையாடினார். 2008இல் சிஎஸ்கே அணிக்கு தென்னாப்பிரிக்காவைச் சேர்ந்த கெப்ளர் வெசல்ஸ் பயிற்சியாளராக இருந்தார்.
