ரோஸ் வாட்டர் சருமத்திற்கு மிகவும் நன்மை பயக்கும். இதை டோனர், மாய்ஸ்சரைசர் அல்லது க்ளென்சர் ஆக பயன்படுத்தலாம். இருப்பினும், மிகச் சிலரே அதைப் பயன்படுத்துகிறார்கள்.
ரோஸ் வாட்டரைப் பயன்படுத்துவதன் மூலம் கிடைக்கும் எண்ணற்ற நன்மைகளை, தெரிந்துகொண்டால் நீங்களும் அதைப் பயன்படுத்தத் தொடங்குவீர்கள் என்பது நிச்சயம்.
சருமத்தின் ஈரப்பத்தத்தை காக்கிறது: ரோஸ் வாட்டர் சருமத்தின் ஈரப்பதத்தை தக்கவைக்க உதவும் இயற்கை எண்ணெய்களைக் கொண்டுள்ளது. இதனால் சருமம் மென்மையாகும். சருமத்தை ஈரப்பதத்துடன் வைத்திருக்க நாள் முழுவதும் இதனை மாஸ்க் போல பயன்படுத்தலாம்.
மென்மையான சருமம்: ரோஸ் வாட்டரில் அழற்சி எதிர்ப்பு பண்புகள் உள்ளன. இது சிவந்த சருமம் மற்றும் வீக்கத்தைக் குறைக்க உதவுகிறது. உணர்திறன் வாய்ந்த சருமம் உள்ளவர்களுக்கு இது சிறந்த மருந்தாகும். இது முகப்பரு, தோலழற்சியால் ஏற்படும் எரிச்சலைத் தணிக்க உதவும்.
சரும சுருக்கங்கள் நீங்கும்: ரோஸ் வாட்டரில் ஆன்டிஆக்ஸிடன்ட்கள் உள்ளன, இது ஃப்ரீ ரேடிக்கல்களால் ஏற்படும் சேதத்திலிருந்து சருமத்தைப் பாதுகாக்கிறது. கொலாஜன் உற்பத்தியை ஊக்குவிப்பதன் மூலம் சுருக்கங்களை குறைக்க உதவுகிறது.
pH அளவை சமநிலைப்படுத்த உதவும்: ரோஸ் வாட்டர் ஒரு சிறந்த ஃபேஸ் டோனராகக் கருதப்படுகிறது, இது சருமத்தின் pH அளவை சமநிலைப்படுத்த உதவுகிறது. இதனை தொடர்ந்து பயன்படுத்துவது முகப்பரு அபாயத்தைக் குறைக்க உதவும்.
சரும அழுக்குகள் நீங்கும்: ரோஸ் வாட்டர் இயற்கையான சுத்திகரிப்பு பண்புகளைக் கொண்டுள்ளது, இது சருமத்தில் உள்ள அழுக்கு, கூடுதல் எண்ணெய்களை அகற்ற உதவுகிறது. மேக்கப்பை அகற்ற மென்மையான கிளென்சராக இதைப் பயன்படுத்தலாம்.
சரும துளைகளை இறுக்க உதவும்: ரோஸ் வாட்டர் துளைகளை இறுக்க உதவுகிறது, இதனால் முகப்பரு மற்றும் கரும்புள்ளிகளின் அபாயத்தைக் குறைக்கிறது. ரோஸ் வாட்டரை டோனராகப் பயன்படுத்துவது சருமத்தின் அமைப்பை மேம்படுத்தவும் மென்மையாக்கவும் உதவும்.
கருவளையங்கள் நீங்கும்: கண்களைச் சுற்றியுள்ள வீக்கம் மற்றும் கருவளையங்களைக் குறைக்க ரோஸ் வாட்டரைப் பயன்படுத்தவும். சோர்வான கண்களை ஆற்றவும் வீக்கத்தைக் குறைக்கவும் பருத்தி பந்து அல்லது ஸ்ப்ரே பாட்டிலில் இதைப் பயன்படுத்தலாம்.
மனநிலையை மேம்படுத்த உதவுகிறது: ரோஸ் வாட்டர் மன அழுத்தத்தையும் பதட்டத்தையும் குறைக்க உதவுகிறது. இது மனநிலையை மேம்படுத்தி, உடல் ஆரோக்கியத்தை மேம்படுத்தும் திறன் கொண்டது.
