அருண் விஜய்யை வைத்து இயக்குனர் பாலா இயக்கி வரும் 'வணங்கான்' படம் இந்த ஆண்டு டிசம்பர் மாதம் வெளியாகும் என்று செய்திகள் வெளியாகியுள்ளது.
இயக்குனர் பாலா, 2டி என்டர்டெயின்மென்ட் பேனரின் கீழ் சூர்யாவை வைத்து 'வணங்கான்' படத்தை இயக்க திட்டமிட்டிருந்த நிலையில் சில நாட்களுக்கு பிறகு சூர்யா இப்படத்திலிருந்து விலகினார்.
'வணங்கான்' படத்திலிருந்து சூர்யா விலகிய பின்னர் அருண் விஜய் ஒப்பந்தம் செய்யப்பட்டார், இதில் அருண் விஜய்க்கு ஜோடியாக ரோஷ்னி பிரகாஷ் நடிக்கிறார்.
படத்தின் படப்பிடிப்பு விறுவிறுப்பாக நடைபெற்று வருகிறது, தற்போது மகாபலிபுரத்தில் படத்தின் படப்பிடிப்பு நடத்தப்பட்டு வருகிறது. இந்த பகுதியில் 15 நாட்கள் படப்பிடிப்பு நடைபெறவிருக்கிறது.
'வணங்கான்' படத்தை டிசம்பர் மாதம் வெளியிட இயக்குனர் பாலா திட்டமிட்டுள்ளார். முன்னர் திட்டமிட்டபடியே படம் எடுக்கப்படுகிறது, காட்சியிலோ அல்லது கதையிலோ எவ்வித மாற்றமும் செய்யப்படவில்லை.
படத்திற்கு ஜி.வி.பிரகாஷ்குமார் இசையமைக்க, டிஓபியாக பாலசுப்ரமணியம் மற்றும் எடிட்டராக சுரேஷ் அர்ஸ் ஆகியோர் பணியாற்றுகின்றனர்.
