வம்சி இயக்கத்தில் தளபதி விஜய் நடிக்கும் 'வாரிசு' படத்தின் பணிகள் விறுவிறுப்பாக நடைபெற்று வருகிறது. ஹைதராபாத், சென்னை என படப்பிடிப்பு நடத்தப்பட்டு தற்போது வாரிசு படத்தின் படப்பிடிப்பு விசாகப்பட்டினத்தில் நடைபெற்று வருகின்றது. தில் ராஜுவின் ஸ்ரீ வெங்கடேஸ்வரா கிரியேஷன்ஸ் நிறுவனம் தயாரிக்கும் இந்த படத்தில் ரஷ்மிகா மந்தனா, சரத்குமார், ஷாம், பிரபு, ஸ்ரீகாந்த், எஸ்.ஜே. சூர்யா, பிரகாஷ் ராஜ், ஜெயசுதா, யோகி பாபு, சங்கீதா கிரிஷ் மற்றும் சம்யுக்தா போன்ற பல நட்சத்திர பட்டாளங்கள் இணைந்து நடித்து வருகின்றனர். இப்படத்தின் இசையமைப்பாளரான தமன் விசாகப்பட்டினம் துறைமுகத்திலிருந்து வெளியிட்ட புகைப்படம் ஒன்று இணையத்தில் வைரலாகி வருகிறது.
'வாரிசு' படத்தின் அப்டேட்டுகள் எவ்வளவுதான் வந்துகொண்டே இருந்தாலும் பல ரசிகர்கள் எதிர்பார்ப்பது என்னவோ லோகேஷ் கனகராஜ் இயக்கத்தில் விஜய் நடிக்கப்போகும் 'தளபதி-67' படத்தின் அப்டேட்டுகள் தான். அதிகாரபூர்வ அறிவிப்பு வெளியாவதற்கு முன்னதிலிருந்தே தளபதி-67 படத்தை இயக்கப்போவது லோகேஷ் தான் என்று பல செய்திகள் வெளியாகி ரசிகர்களை எதிர்பார்ப்பில் ஆழ்த்தியுள்ளது. கிட்டத்தட்ட இதனை உறுதிப்படுத்தும் விதமாக சமீபத்திய பேட்டியொன்றில் இயக்குனர் லோகேஷ், 'தயாரிப்புக்குழு தரப்பில் இருந்து படம் குறித்த அதிகாரபூர்வ தகவல்கள் முதலில் வெளிவந்தால் மட்டுமே நான் எதாவது சொல்லமுடியும், அவர்கள் படத்தை பற்றி சொல்லாதவரை என்னால் எதுவும் சொல்லமுடியாது. மேலும் விஜய் சார் தற்போது 'வாரிசு' படத்தில் பிசியாக இருக்கிறார், அது முடிந்த பிறகு தான் அடுத்தகட்ட வேலையை தொடங்கமுடியும்' என்று கூறியிருந்தார்.
மேலும் படிக்க | VICTIM ஆந்தாலஜி எப்படி இருக்கு? திரைவிமர்சனம்!
மேலும் லோகேஷ் படத்திற்கான கதையை எழுத தொடங்கிவிட்டதால் சிறிது நாட்கள் சமூக வலைத்தளத்திலிருந்து விடுப்பு பெறுவதாகவும், மீண்டும் அடுத்த படத்தின் அப்டேட்டுடன் சந்திக்கிறேன் என்றும் தெரிவித்திருக்கிறார். இந்நிலையில் தற்போது தளபதி-67 படம் குறித்த லேட்டஸ்ட் தகவல் ஒன்று வெளியாகியுள்ளது, ஏற்கனவே தளபதி-67 படத்தில் சமந்தா வில்லியாக நடிக்கப்போகிறார் என்று செய்திகள் இணையத்தில் உலா வந்த நிலையில் தற்போது சமந்தா விஜய்க்கு ஜோடியாக நடிக்கப்போவதாக செய்திகள் வெளியாகியுள்ளது. அதுமட்டுமல்லாது இந்த படத்தில் ஆறு வில்லன்கள் நடிக்கப்போகிறார்களாம், இதற்காக மலையாளத்தில் ப்ரித்விராஜிடமும், தெலுங்கில் ஒரு பிரபலத்திடமும் மற்றும் ஹிந்தியில் சஞ்சய் தத் ஆகியோரிடமும் பேச்சுவார்த்தை நடத்திவருவதாக கூறப்பட்டுள்ளது. விரைவில் இப்படம் குறித்த அதிகாரபூர்வ தகவல்கள் வெளியாகும் என்று எதிர்பார்க்கப்படுகிறது.
மேலும் படிக்க | 'வாரிசு' படத்தின் படப்பிடிப்பு புகைப்படத்தை வெளியிட்ட தமன்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
