LAANDHAR MOVIE REVIEW: நடிகர் விதார்த் தனது எதார்த்தமான நடிப்பின் மூலம் ரசிகர்கள் மத்தியில் இடம் பெற்றுள்ளார். கடந்த வாரம் அவர் நடிப்பில் வெளியான அஞ்சாமை படத்திற்கு நல்ல வரவேற்பு இருந்த நிலையில் இந்த வாரம் அவரது நடிப்பில் உருவாகியுள்ள லாந்தர் படம் வெளியாகியுள்ளது. சஜி சலீம் இந்த படத்தை இயக்க விதார்த், ஸ்வேதா டோரத்தி, விபின், சஹானா, பசுபதி ராஜ், கஜராஜ், மீனா புஷ்பராஜ், மதன் அர்ஜுனன் ஆகியோர் நடித்துள்ளனர். எம் சினிமா ப்ரொடக்சன் பேனரின் கீழ் ஸ்ரீ விஷ்ணு இந்த படத்தை தயாரித்துள்ளார். ஞான சௌந்தர் ஒளிப்பதிவு செய்ய, பிரவீன் இசையமைக்க, பரத் விக்ரமன் இந்த படத்திற்கு எடிட்டிங் செய்துள்ளார். திரில்லர் வடிவில் லாந்தர் படம் உருவாகி உள்ளது.
மேலும் படிக்க | அறிமுக இயக்குனர் விக்னேஷ் ராஜாவின் க்ரைம் த்ரில்லர் “போர் தோழில்” வசூல் எவ்வளவு?
ஒரே இரவில் நடக்கும் கதையாக உருவாகியுள்ள லாந்தர் படத்தில் ஹீரோ விதார்த் போலீஸ் அதிகாரியாக நடித்துள்ளார். கோயம்புத்தூர் பகுதிகளில் இந்த கதை நடைபெறுகிறது. ஏசிபி அரவிந்த் என்ற கதாபாத்திரத்தில் நடித்துள்ள விதார்த் படத்தின் தொடக்கத்திலேயே கள்ளச்சாராயம் தயாரிக்கும் கும்பலை போலீஸ் படைகளுடன் சென்று கைது செய்கிறார். மறுபுறம் அடையாளம் தெரியாத ஒரு நபர் சாலையில் செல்பவர்களை கொடூரமாக தாக்குகிறார். இந்த சைக்கோவை பிடிக்கச் செல்லும் போலீஸ் அதிகாரிகளும் தாக்கப்படுகின்றனர். எப்படியாவது இந்த சைக்கோவை பிடிக்க வேண்டும் என்று ஏசிபி அரவிந்தும் மற்ற காவல்துறை அதிகாரிகளும் தீவிர தேடுதல் வேட்டையில் ஈடுபடுகின்றனர். இறுதியில் அந்த சைக்கோவை பிடித்தார்களா? யார் அந்த நபர் என்பதே லாந்தர் படத்தின் கதை.
Brace yourself to enjoy the seat of the edge thriller of @Vidaarth_actor's #Laandhar in theatres from today !!#LaandharFromToday@Mcinemaoffl @sajisaleem2 #SwethaDorathy @SHRIVSNU @ACTORVIBIN #Sahana @dopgnanasowndar @praveensa37 @BARATHVIKRAMAN @vickystunt_dir #Deva #Muthu… pic.twitter.com/1g68cinFsc
— Nikil Murukan (@onlynikil) June 21, 2024
ஏசிபி அரவிந்த் என்ற கதாபாத்திரத்தில் விதார்த் சிறப்பாக பொருந்தி உள்ளார். ஒரு உயர்மட்ட காவல்துறை அதிகாரியாக சிறப்பான நடிப்பை வெளிப்படுத்தியுள்ளார். அவரது மனைவியாக ஜானகி என்ற கதாபாத்திரத்தில் ஸ்வேதா நடித்துள்ளார். மஞ்சு என்ற கதாபாத்திரத்தில் நடித்துள்ள சகானா நல்ல ஒரு நடிப்பை வெளிப்படுத்தி உள்ளார், அவரின் சிறு வயது கதாபாத்திரத்தில் நடித்துள்ள அந்த குழந்தையும் நல்ல நடிப்பை வெளிப்படுத்தி இருந்தது. ஒரு வித்தியாசமான திரில்லர் படத்தை கொடுக்க முயற்சி செய்துள்ளார் இயக்குனர் சஜிசலீம், ஆனால் அவரால் அதில் வெற்றி பெற முடியவில்லை.
தமிழ் சினிமாவில் இதே ஜானலில் நிறைய படங்கள் வந்திருந்தாலும் திரைக்கதையில் சற்று வித்தியாசம் காட்டி இருந்திருந்தால் இன்னும் நல்ல படமாக லாந்தர் வந்து இருந்திருக்கும். படத்தில் வரும் நிறைய சீரியஸான காட்சிகள் கூட நமக்கு சிரிப்பை தான் வரவேற்கிறது. டெக்னிக்கலாகவும் படம் ஒரு படி கீழேதான் உள்ளது. இதனால் படம் பார்க்கும் நமக்கு கதைக்குள் ஒன்ற முடியவில்லை. மஞ்சுளாவை வைத்து வந்த ட்விஸ்ட் மட்டும் சற்று எதிர்பார்க்காதது போல் இருந்தது. இரண்டாம் பாதியில் வரும் ஃப்ளாஷ்பேக் காட்சிகளும் அவ்வளவு சிறப்பாக இல்லை. திரைக்கதையிலும் நடிகர்கள் தேர்விலும் இன்னும் சற்று கவனம் செலுத்தி இருந்தால் லாந்தர் நல்ல ஒரு படமாக வந்திருக்கும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
