Rudhran Movie: நடன கலைஞராக அறிமுகமாகி, பின்னர் இயக்குநர் அவதாரம் எடுத்து, நாள் போக்கில் நடிகராகவும், தயாரிப்பாளராகவும் உருபெற்று, தமிழ் சினிமாவின் முக்கிய நடிகர் என்ற அந்தஸ்தில் இருப்பவர் ராகவா லாரன்ஸ். இவர், ஆரம்பக்கட்டத்தில் வித்தியாசமான நடன அசைவுகளுக்காக மக்களிடம் கவனம் பெற்றார்.
சமீபத்தில், முனி, காஞ்சனா சீரிஸ் பேய் படங்கள் மூலம், தமிழ்நாடு குடும்பங்களின் அத்தனை பேர் மனதிலும் ராகவா லாரன்ஸ் என்ற பெயர் நிலைத்து நின்றுவிட்டது எனலாம். அந்த அளவிற்கு அவரின் படங்களை மக்கள் ரசித்து பார்க்கின்றனர். தற்போது, அவர் ரஜினிகாந்தின் மெகா ஹிட் படமான சந்திரமுகி படத்தின் இரண்டாம் பாகத்தில் நடித்து வருகிறார். இப்படத்தையும் முதல் பாகத்தை இயக்கிய பி. வாசு இயக்குகிறார். படத்தில் வடிவேல் உள்ள நட்சத்திரங்கள் நடித்துள்ளனர்.
மேலும் படிக்க | தமிழ் புத்தாண்டிற்கு வெளியாகும் 8 புதிய படங்கள்! முழு விவரம்!
சந்திரமுகி இரண்டாம் பாகம் மீதான எதிர்பார்ப்பு அதிகம் இருந்துவரும் சூழலில், ராகவா லாரான்ஸ் தான் நடித்த 'ருத்ரன்' என்ற படத்தை வெளியிட உள்ளார். நீண்ட நாள்களாக தள்ளிப்போய் வந்த இந்த திரைப்படம் தமிழ், தெலுங்கு, மலையாளம், கன்னடம், ஹிந்தி ஆகிய மொழிகளில் வரும் ஏப். 14ஆம் தேதி வெளியாக திட்டமிடப்பட்டது. தற்போது அந்த படத்தின் மீதான வழக்கு ஒன்றின் விசாரணையில், உயர் நீதிமன்ற நீதிபதி கிருஷண்ன் ராமசாமி, படத்தை ஏப்ரல் 24ம் தேதி வரை வெளியிட இடைக்காலத் தடை விதித்து, மனுவுக்கு பதிலளிக்கும்படி பட தயாரிப்பு நிறுவனத்திற்கு உத்தரவிட்டு, விசாரணையை ஏப்ரல் 24 ம் தேதிக்கு தள்ளிவைத்தார். இதனால், படத்தின் வெளியீடு சிக்கலுக்கு உள்ளாகியுள்ளது.
ராகவா லாரன்ஸ் நடிப்பில் கடைசியாக காஞ்சனா 3 வெளியாகி சுமார் 4 ஆண்டுகளுக்கு பின் இந்த படம் வெளியாக உள்ளது. இந்த படத்தில், ராகவா லாரன்ஸ் உடன் பிரியா பவானி சங்கர், பூர்ணிமா, நாசர், சரத்குமார் ஆகியோர் நடித்துள்ளனர். இந்நிலையில், படத்தில் நடித்த நடிகர்களின் சம்பள விவரம் தற்போது வெளியாகியுள்ளது.
குறிப்பாக, ராகவா லாரன்ஸ் ஜோடியாக நடிக்கும் பிரியா பவானி 2 கோடி ரூபாய் சம்பளம் வாங்கியுள்ளதாக கூறப்படுகிறது. நாசர் ரூ. 50 லட்சம், பூர்ணிமா ரூ. 35 லட்சம் , சரத்குமார் - ரூ. 1 கோடியை சம்பளமாக பெற்றதாக கூறப்படுகிறது. நாயகனான லாரன்ஸ் சுமார் ரூ. 15 கோடி வரை சம்பளம் பெற்றதாக கூறப்படுகிறது. இப்படத்தை 5 ஸ்டார் புரோடக்சன் கதிர்சேன் தயாரித்துள்ளார்.
மேலும் படிக்க | இதற்காகத்தான் பாண்டியன் ஸ்டோர்ஸ் சீரியலை விட்டு விளக்கினேன் - காவ்யா அறிவுமணி!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
