இன்று சூப்பர் ஸ்டார் ரஜினி அவரது ரசிகர்களை கோடம்பாக்கத்தில் சந்தித்து புகைப்படம் எடுக்கும் நிகழ்ச்சி துவங்கியது.
சூப்பர் ஸ்டார் ரஜினிகாந்த் பல வருடங்களுக்கு பின் ரசிகர்களை நேரில் சந்தித்தார். ரசிகர்களின் விருப்பப்படி கடந்த எப்ரல் மாதம் சூப்பர் ஸ்டார் ரஜினி அவரது ரசிகர்களை சந்திக்க முடிவு செய்தார். இதற்காக ஏற்பாடுகள், ஆலோசனை கூட்டம் நடந்தது.
இந்நிலையில், ரஜினி ரசிகர்களை சந்திக்கும் நிகழ்ச்சி திடீரென ரத்து செய்யப்பட்டது. இதுபற்றி அறிக்கை வெளியிட்ட சூப்பர் ஸ்டார் ரஜினி, குறுகிய காலத்தில் அனைத்து ரசிகர்களையும் சந்தித்து அவர்களுடன் தனித்தனியே புகைப்படம் எடுப்பது கடினம். அதனால் வரும் காலத்தில் ஒவ்வொரு மாவட்டமாக அவர்களை அழைத்து தனித்தனியாக புகைப்படம் எடுக்க திட்டமிட்டு இருக்கிறேன். விரைவில் அந்த நிகழ்ச்சி நடைபெறும் என குறிப்பிட்டு இருந்தார்.
இதன்படி இன்று ரஜினி அவரது ரசிகர்களை கோடம்பாக்கத்தில் சந்தித்து புகைப்படம் எடுக்கும் நிகழ்ச்சி துவங்கியது. முதல் கட்டமாக 5 நாட்கள் 15 மாவட்டங்களை சேர்ந்த ரசிகர்களை ரஜினி சந்திக்கிறார். ரஜினியின் ராகவேந்திரா திருமண மண்டபத்தில் தினமும் 3 மாவட்டங்கள் வீதம் 5 நாட்களில் 15 மாவட்ட ரசிகர்களை சந்திக்க சூப்பர் ஸ்டார் ரஜினி திட்டமிட்டுள்ளார்.
சூப்பர் ஸ்டார் ரஜினிகாந்தை நேரில் சந்தித்து புகைப்படம் எடுப்பதால், ரசிகர்கள் மகிழ்ச்சி அடைந்துள்ளனர்.
இந்நிலையில் சூப்பர்ஸ்டார் ரஜினிகாந்த் சென்னையில் ரசிகர்களுடன் சந்தித்து வருகிற வீடியோ காட்சி:-
#WATCH Actor Rajinikanth addresses his fans in Chennai https://t.co/r4XwzLP5kM
— ANI (@ANI_news) May 15, 2017
