கிழிந்த ரூபாய் நோட்டுக்கள் உள்ளதா? இலவசமாக மாற்றி கொள்ளலாம்!

கிழிந்த அல்லது சேதமடைந்த ரூபாய் நோட்டுக்களை கடைகளில் கொடுத்தாலோ அல்லது வேறு எங்காவது கொடுத்தாலோ அதனை யாரும் வாங்க மாட்டார்கள்.  ஏனெனில் கிழிந்த அல்லது சேதமடைந்த நோட்டுக்கள் செல்லாது என்று பலரும் நம்புகின்றனர்.  சேதமடைந்த அல்லது கிழிந்த ரூபாய் நோட்டுக்களை வைத்திருப்பவர்கள் இனி எப்படி இதை மாற்றப்போகிறோம் என்பது குறித்து கவலைப்பட வேண்டிய தேவையில்லை.  கிழிந்த நோட்டுக்களை மாற்றி புதிய ரூபாய் நோட்டுக்களை மாற்றிக்கொள்ளும் வசதியினை ரிசர்வ் வங்கி வழங்கியுள்ளது.  டேப் ஒட்டப்பட்ட, சேதமடைந்த அல்லது மிகவும் பழைய ரூபாய் நோட்டுக்களை மாற்றி புதிய நோட்டுக்களை பெற இந்திய ரிசர்வ் வங்கி சில விதிகளை வகுத்துள்ளது.  வங்கி வகுத்துள்ள விதிகளை பின்பற்றி இதுபோன்ற சேதமடைந்த ரூபாய் நோட்டுக்களை எப்படி மாற்றலாம் என்பதை பற்றி காண்போம்.

மேலும் படிக்க | ஜாக்பாட்! ரூ.1,000 ஓய்வூதியம் பெறும் திட்டம்..எப்படி விண்ணப்பிப்பது

பழைய மற்றும் கிழிந்த நோட்டுகளை எளிதாக மாற்ற முடியும் என்றும், இதற்காக வங்கி உங்களிடம் கட்டணம் ஏதும் வசூலிக்காது என்றும் ரிசர்வ் வங்கி தெரிவித்துள்ளது.  அதேசமயம் நீங்கள் மாற்றக்கூடிய ரூபாய் நோட்டுக்கள் மோசமாக எரிந்திருந்தாலோ அல்லது பல துண்டுகளாக உடைந்திருந்தாலோ, அத்தகைய ரூபாய் நோட்டுக்கள் மாற்றப்படாது என்று தெரிவிக்கப்பட்டுள்ளது.  மேலும் சேதமடைந்த ரூபாய் நோட்டுக்களை மாற்றுவதற்கு சில வரம்புகளை ரிசர்வ் வங்கி விதித்துள்ளது.  உதாரணமாக, ஒரு நபர் ஒரு நேரத்தில் அதிகபட்சமாக 20 நோட்டுகளை மாற்றலாம், ஆனால் அவற்றின் மொத்த மதிப்பு ரூ.5,000க்கு மிகாமல் இருக்க வேண்டும்.  அதே நேரத்தில் மோசமாக எரிந்த, சிதைந்த நோட்டுகளை வங்கியில் மாற்ற முடியாது, ஏனெனில் அவற்றை ரிசர்வ் வங்கியின் வெளியீட்டு அலுவலகத்தில் மட்டுமே டெபாசிட் செய்ய முடியும்.  

மேலும் ரிசர்வ் வங்கி கூறுகையில், ஏடிஎம்-ல் இருந்து தவறான அல்லது போலியான நோட்டு வந்தால் அதற்கு வாங்கியே முழு பொறுப்பையும் ஏற்கும்.  அந்த ரூபாய் நோட்டில் ஏதேனும் குறைபாடு இருந்தால், அதை வங்கி ஊழியர்கள் ஆய்வு செய்ய வேண்டும்.  வரிசை எண், மகாத்மா காந்தியின் வாட்டர்மார்க் மற்றும் கவர்னர் பதவிப் பிரமாணம் ஆகியவை நோட்டில் தெரிந்தால், வங்கி நோட்டை மாற்ற வேண்டும்.  உங்கள் ரூபாய் நோட்டின் நிலையை பொறுத்து அதற்கு ஈடான தொகை வழங்கப்படும்.  சிறிதளவு சிதைந்த நோட்டு இருந்தால் முழுப் பணமும் பெறப்படும் மற்றும் நோட்டு அதிகமாகக் கிழிந்திருந்தால் சிதைவிற்கு ஏற்ப பணம் வழங்கப்படும்.  உதாரணமாக ரூ.2000 நோட்டு இருந்தால், அதன் 88 சதுர சென்டிமீட்டர் பகுதி அதன் முழு மதிப்பை உங்களுக்கு வழங்கும்.  

மறுபுறம், பங்கு 44 சதுர சென்டிமீட்டராக இருந்தால், பாதி அளவு வழங்கப்படும்.  அதேபோல, கிழிந்த ரூ.200 நோட்டின் 78 சதுர சென்டிமீட்டர் பாதுகாப்பாக இருந்தால், முழுப் பணம் கிடைக்கும், ஆனால் 39 சதுர சென்டிமீட்டரில் பாதிப் பணம்தான் கிடைக்கும்.  ஏடிஎம்-ல் இருந்து பெறப்பட்ட சிதைந்த அந்த வங்கிக்கு சென்று விண்ணப்பம் எழுதி, அதில் பணம் எடுக்கப்பட்ட தேதி, நேரம் மற்றும் இடம் பற்றிய தகவல்களை எழுத வேண்டும்.  அதன் பிறகு, விண்ணப்பத்துடன், ஏடிஎம்மில் இருந்து பரிவர்த்தனை தொடர்பான சீட்டையும் இணைக்க வேண்டும்.  சீட்டு வழங்கப்படவில்லை என்றால், மொபைலில் பெறப்பட்ட பரிவர்த்தனை விவரங்களை அளிக்க வேண்டும்.  விண்ணப்பம் சமர்ப்பிக்கப்பட்ட பிறகு வங்கி உங்களுக்கு நல்ல ரூபாய் நோட்டுக்களை வழங்கும்.

மேலும் படிக்க | ITR Filing: ஆன்லைனில் ஐடிஆர் தாக்கல் செய்வது எப்படி? எந்தெந்த ஆவணங்கள் தேவை?

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ