60 வயது மற்றும் அதற்கு மேற்பட்ட மூத்த குடிமக்கள் மூத்த குடிமக்கள் சேமிப்பு திட்டம் (SCSS) மூலம் பணத்தை சேமிக்க முடியும். இந்தத் திட்டமானது அரசாங்க ஆதரவைக் கொண்டுள்ளது. மேலும், பெரும்பாலான மற்ற சேமிப்புத் திட்டங்களை விட அதிக வட்டி விகிதத்தை வழங்குகிறது. SCSS இந்தியாவில் உள்ள மூத்த குடிமக்களுக்கு பாதுகாப்பான முதலீட்டு விருப்பமாக கருதப்படுகிறது. இது ஒரு சீரான வருமானத்தை வழங்குகிறது. மேலும் பணி ஓய்வுக்கு பிறகான காலத்தின் நிதித் தேவைகளைப் பூர்த்தி செய்ய இந்த திட்டம் மிக உதவியாக இருக்கிறது.
2023-24 ஆம் ஆண்டுக்கான மத்திய பட்ஜெட்டில், மூத்த குடிமக்கள் சேமிப்புத் திட்ட முதலீட்டு வரம்பை 15 லட்சம் ரூபாயிலிருந்து 30 லட்சம் ரூபாயாக உயர்த்துவதாக நிதியமைச்சர் நிர்மலா சீதாராமன் அறிவித்தார்.
கூடுதலாக, ஏப்ரல் 2023 இல் முடிவடைந்த காலாண்டில் அரசாங்கம் சிறு சேமிப்பு திட்ட வட்டி விகிதங்களை 70 அடிப்படை புள்ளிகள் வரை அதிகரித்துள்ளது. குறைந்தபட்ச வைப்புத்தொகை ரூ. 1000 அல்லது ரூ. 1000 மடங்குகளில் யார் வேண்டுமானாலும் தனித்தனியாகவோ அல்லது தங்கள் மனைவியுடன் சேர்ந்து கூட்டாகவோ கணக்கைப் பதிவு செய்யலாம்.
கணக்கு தொடங்கிய நாளிலிருந்து ஐந்து ஆண்டுகளுக்குப் பிறகு, வேண்டுமானால் கணக்கை மூடலாம். மேலும் இது மூன்று ஆண்டுகளுக்கு நீட்டிக்கப்படலாம்.
மேலும் படிக்க | ரேஷன் கார்டு வைத்திருப்பவர்களுக்கு ஜாக்பாட், அமலானது புதிய விதி
மாதாந்திர வருமானம் பெற, மூத்த குடிமக்கள் தம்பதியினர் வங்கி அல்லது தபால் அலுவலகத்தில் ரூ.60 லட்சம் வரை டெபாசிட் செய்யலாம். ஒரு நபர் நம்பகமான அரசாங்க ஆதரவு திட்டத்தில் ரூ. 60 லட்சத்தை முதலீடு செய்ய விரும்பினால், அவர்கள் முழுத் தொகையையும் மூத்த குடிமக்கள் சேமிப்புத் திட்டத்தில் தங்கள் பெற்றோரின் பெயரில் போட்டு, தங்களைத் தாங்களே திட்டத்தில் சேர்த்துக்கொள்ளலாம்.
இந்தத் திட்டத்தின் மூலம் கிடைக்கும் நிலையான வருமானம் உங்கள் வயதான பெற்றோரின் அன்றாடச் செலவுகளுக்குப் பயன்படுத்தப்படலாம். மேலும் நீங்கள் விரும்பினால், அதில் சிலவற்றை உங்கள் சொந்தத் தேவைகளுக்காகவும் பயன்படுத்தலாம். ஒவ்வொரு காலாண்டிலும் செலுத்தப்படும் வட்டி, கணக்கு வைத்திருப்பவர் அதைக் கோரவில்லை என்றால் கூடுதல் வட்டி பெறாது. திட்டம் முதிர்ச்சியடையும் போது நீங்கள் ரூ.60 லட்சத்தை முழுமையாகத் திரும்பப் பெறுவீர்கள்.
2023–24 நிதியாண்டின் முதல் காலாண்டில், மூத்த குடிமக்கள் சேமிப்புத் திட்டத்திற்கான (SCSS) வட்டி விகிதம் ஆண்டுக்கு 8.2% ஆகும் (ஏப்ரல்-ஜூன்). முதலீடு செய்யப்பட்ட பணம் காலாண்டு வட்டி செலுத்துதலுக்கு உட்பட்டது.
மூத்த குடிமக்கள் சேமிப்புத் திட்டம் 2023: முக்கிய அம்சங்கள்
- மூத்த குடிமக்கள் தம்பதிகள் - ரூ 60 லட்சம் (மொத்த முதலீடு)
- காலாண்டுக்கான வட்டி - ரூ 1,23,000
- திட்டகாலம் - 5 ஆண்டுகள்
- வட்டி விகிதம் - 8.2%
- முதிர்வு தொகை - ரூ 60 லட்சம்
- மொத்த வட்டி - ரூ 24,60,000
மேலும் படிக்க | OPS vs NPS: அரசு எடுத்த பெரிய முடிவு, இரண்டு ஓய்வூதிய முறைகளில் எது சிறந்தது?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
