Aadhaar Card Address Update: வாடகை வீட்டில் வசிப்பவர்களுக்கு பல பிரச்சனைகள் உள்ளன. பல காரணங்களுக்காக அடிக்கடி வீட்டை மாற்றுவதற்கான தேவை பலருக்கு ஏற்படுகின்றது. இப்படிப்பட்ட நிலையில் மீண்டும் மீண்டும் ஆதார் அட்டையில் உள்ள முகவரியை மாற்றுவது அவர்களுக்கு சிரமமாக உள்ளது. அப்படிப்பட்டவர்களுக்கு UIDAI ஒரு நல்ல செய்தியை அளித்துள்ளது.
ஆதார் இந்தியாவில் பெரும்பாலான இடங்களில் நமது அடையாள ஆவணமாக பயன்படுத்தப்படும் ஆதார் அட்டை மிக முக்கியமான ஆவணங்களில் ஒன்றாகும். இப்போது அது பல முக்கிய பணிகளுக்குத் தேவைப்படுகின்றது. ஆகையால், உங்கள் ஆதார் அட்டையின் அனைத்து விவரங்களும் முற்றிலும் சரியானவையாக இருப்பது மிகவும் முக்கியமாகும். பிறந்த நாள், பெயர், முகவரி போன்றவற்றை சரியாக நிரப்புவது அவசியம். இல்லையெனில் உங்கள் ஆதார் தொடர்பான பல வேலைகள் சிக்கிக்கொள்ளக்கூடும்.
உங்கள் வீட்டு முகவரியை ஆன்லைனில் மாற்றவும்
ஆதார் அட்டையில் கொடுக்கப்பட்டுள்ள பெயர், பிறந்த தேதி போன்ற பல தகவல்களை ஆன்லைனில் மாற்றலாம். ஆனால் முகவரியை மாற்றுவதில் சிக்கல் உள்ளது. இந்த பிரச்சினை பெரும்பாலும் வாடகை வீடுகளில் வசிப்பவர்களுக்கு வருகிறது. ஏனெனில் வீட்டை மாற்றிய பின் ஆதார் அட்டையில் உள்ள முகவரியை மீண்டும் மீண்டும் மாற்றுவது கடினமாக இருக்கிறது. வாடகை வீடுகளில் இருப்பவர்களின் இந்த சிக்கலைக் கருத்தில் கொண்டு, UIDAI ஒரு சிறப்பு வசதியை வழங்கியுள்ளது. இதன் மூலம் மக்கள் இப்போது வீட்டில் இருந்தபடியே தங்கள் முகவரியைப் புதுப்பிக்க முடியும்.
ஆதார் மையத்திற்கு செல்ல தேவையில்லை
முன்னதாக, ஆதார் அட்டையில் நிரந்தர முகவரியை மாற்ற (Address Change) மக்கள் ஆதார் மையத்திற்கு செல்ல வேண்டியிருந்தது. இங்கே அவர்கள் அனைத்து துணை ஆவணங்களையும் சமர்ப்பிக்க வேண்டியிருந்தது. இதற்குப் பிறகுதான், ஆதார் அட்டையில் முகவரியை மாற்றுவதற்கான பயன்பாட்டைப் பயன்படுத்த முடியும். ஆனால் இப்போது இந்த வேலையை வீட்டிலிருந்து ஆன்லைனில் செய்யலாம். இதற்காக, ஆதார் மையத்தை தேடி அலைய வேண்டிய அவசியம் இனி இல்லை.
ALSO READ: Aadhaar Photo Change: ஆதாரில் புகைப்படத்தை மாற்றுவதற்கான எளிய செயல்முறை இதோ
இதுதான் விண்ணப்ப செயல்முறை
நீங்கள் ஆதார் அட்டையில் (Aadhaar Card) உள்ள முகவரியை மாற்ற விரும்பினால், அதன் செயல்முறை மிகவும் எளிதானது. முதலில், UIDAI இன் அதிகாரப்பூர்வ தளமான https://uidai.gov.in/ -க்கு செல்லவும். இங்கே Address Request (Online)-ஐ கிளிக் செய்யவும். இதைச் செய்தபின் புதிய விண்டோ திறக்கும். Update Address என்ற ஆப்ஷனை இங்கே கிளிக் செய்யவும். பின்னர் ஆதார் அட்டை எண்ணை உள்ளிட்டு லாக் இன் செய்யவும். இதற்குப் பிறகு, அங்கு கேட்கப்படும் அனைத்து விவரங்களையும் நிரப்பவும்.
வாடகை ஒப்பந்தமும் தேவைப்படும்
அனைத்து விவரங்களையும் பூர்த்தி செய்த பிறகு, வாடகை ஒப்பந்தத்தின் PDF நகல் பதிவேற்றப்பட வேண்டும். மேலும் செயலாக்கிய பிறகு, உங்கள் மொபைலில் OTP வரும். OTP ஐ நிரப்பிய பின், Submit பொத்தானை அழுத்தவும். இதைச் செய்வதன் மூலம் உங்கள் கோரிக்கை நீங்கி, சில நாட்களுக்குப் பிறகு உங்கள் ஆதாரில் முகவரி மாறும். இந்த செயல்பாட்டில் உங்களுக்கு வாடகை ஒப்பந்தம் (Rent Agreement) தேவைப்படும் என்பதை நினைவில் கொள்ளுங்கள். இந்த ஒப்பந்தத்தில் உங்கள் பெயர் எழுதப்பட்டிருக்க வேண்டும். விண்ணப்பத்தின் போது, வாடகை ஒப்பந்தத்தை (Rent Agreement) ஸ்கேன் செய்து அதன் PDF நகலை பதிவேற்ற வேண்டும்.
மையத்திற்குச் சென்று முகவரியை மாற்றுவது எப்படி
ஆன்லைனுக்கு பதிலாக முகவரியை ஆஃப்லைனில் மாற்ற விரும்பினால், இதற்காக நீங்கள் ஆதார் மையத்திற்கு செல்ல வேண்டும். இங்கே ஆதார் புதுப்பித்தல் அல்லது திருத்தும் படிவத்தை பூர்த்தி செய்து சமர்ப்பிக்க வேண்டும். இதனுடன் நீங்கள் ஆதார் அட்டையின் நகலையும், பான் அட்டை, வாக்காளர் அட்டை அல்லது பாஸ்போர்ட்டின் நகலையும் சேர்த்து சமர்ப்பிக்க வேண்டும். படிவம் சமர்ப்பித்த ஒரு வாரத்திற்குள் அல்லது 10 நாட்களுக்குள் ஆதார் அட்டையில் முகவரி மாற்றப்படும்.
ALSO READ: ஒரே மொபைல் எண் மூலம் வீட்டில் உள்ள அனைவருக்கும் PVC Aadhaar Card-ஐ பெறலாம்: வழிமுறை இதோ
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
