நேற்று நடைபெற்ற ஐபிஎல் கிரிக்கெட் தொடரின் 34-வது ஆட்டத்தில் மும்பை இந்தியன்ஸ் மற்றும் கிங்ஸ் லெவன் பஞ்சாப் அணிகள் மோதின. இதில் டாஸ் வென்ற மும்பை இந்தியன்ஸ் அணி பவுலிங்கை தேர்வு செய்தது. இதனால் பஞ்சாப் அணி முதலில் பேட்டிங் செய்தது. இந்த [போட்டி மத்திய பிரதேச மாநிலம் இந்தூர் மைதானத்தில் நடந்தது.
முதலில் பேட்டிங்கை தொடங்கிய பஞ்சாப் அணி 20 ஓவர்களில் 6 விக்கெட் இழப்புக்கு 174 ரன்கள் எடுத்தது. அணியில் அதிகபட்சமாக கிறிஸ் கெயில் 40 பந்துகளில் 50 ரன்கள் எடுத்தார். அதில் 6 சிக்சர், 2 பவுண்டரி அடங்கும். இந்த சீசனில் தொடர்ந்து யுவராஜ் சிங் சொதப்பி வருகிறார். நேற்றைய போட்டியில் 14 ரன்கள் எடுத்த நிலையில், ரன்-அவுட் ஆனார்.
A good solid performance by the batsmen gets the total to runs.
Over to the bowlers now #LivePunjabiPlayPunjabi #KXIPvMI pic.twitter.com/oppTKXV9yB— Kings XI Punjab (@lionsdenkxip) May 4, 2018
பிளே-ஆப் சுற்றுக்கு தகுதி பெற வேண்டும் என்றால், அதிக ரன்கள் வித்தியாசத்தில் அனைத்து ஆட்டங்களிலும் வெற்றி பெற வேண்டும் என்ற இக்கட்டான சூழ்நிலையில் 175 ரன்கள் எடுத்தல் வெற்றி என்ற இலக்குடன் மும்பை அணி தந்து பேட்டிங்கை தொடங்கியது. 19 ஓவர்களில் 4 விக்கெட் இழப்புக்கு 176 ரன்கள் எடுத்து வெற்றி பெற்றது. அணியில் அதிகபட்சமாக சூர்யகுமார் யாதவ் 42 பந்துகளில் 57 ரன்கள் எடுத்தார். அதில் 6 சிக்சர், 3 பவுண்டரி அடங்கும். மும்பை அணி இந்த சீசனில் மூன்றாவது முறையாக வெற்றி பெற்றுள்ளது. புள்ளி பட்டியலில் மும்பை இந்தியன்ஸ் 5_வது இடத்திற்கு முன்னேறி உள்ளது. பஞ்சாப் 4_வது இடத்தில் உள்ளது.
.@surya_14kumar is proving his mettle with every passing game. Tonight he starred in a winning cause. #CricketMeriJaan #KXIPvMI #MumbaiIndians pic.twitter.com/N8lGBkyEmm
— Mumbai Indians (@mipaltan) May 4, 2018
இதுவரை இரு அணிகளும் 21 ஆட்டங்களில் நேருக்கு நேர் மோதிக்கொண்டனர். அதில், மும்பை இந்தியன்ஸ் 11 ஆட்டங்களிலும், கிங்க்ஸ் லெவன் பஞ்சாப் 10 ஆட்டங்களிலும் வென்றுள்ளது என்பது குறிப்பிடத்தக்கது.
SKY all smiles for the #IPLSelfie after @mipaltan beat #KXIP BY 6 wickets. pic.twitter.com/sOVzjrNCML
— IndianPremierLeague (@IPL) May 4, 2018
இன்று (சனிக்கிழமை) இரு ஆட்டங்கள் நடைபெற உள்ளது. முதல் ஆட்டம் நான்கு மணிக்கு புனேவில் நடக்கிறது. இந்த ஆட்டத்தில் சென்னை அணி மற்றும் பெங்களூரு அணி மோதுகின்றன. அதேபோல ஹைதரபாத்தில் 8 மணிக்கு நடைபெறும் போட்டியில் சன்ரைஸ் ஹைதராபாத் மற்றும் டெல்லி டேர்டெவில்ஸ் மோத உள்ளன.
