பசுபதிநாதர் கோயில்: நேபாளத்தின் காத்மாண்டுவில் அமைந்துள்ள பசுபதிநாதர் கோவில் உலக அளவில் புகழ் பெற்றது, இந்நிலையில், கோயிலில் இருந்து 10 கிலோ தங்கம் மாயமான சம்பவம் வெளியாகி பரபரப்பை ஏற்படுத்தியுள்ளது. விசாரணைக்காக கோவில் வளாகம் ஞாயிற்றுக்கிழமை பிற்பகல் முதல் மூடப்பட்டுள்ளது. இதுகுறித்து போலீசார் விசாரணை நடத்தி வருகின்றனர். பசுபதிநாதர் கோவிலில் உள்ள 100 கிலோ ஆபரணங்களில் 10 கிலோ தங்கம் காணாமல் போயுள்ளது. இது தொடர்பாக அறிக்கை பதிவு செய்யப்பட்டுள்ளது. லஞ்ச ஒழிப்பு அமைப்பு பசுபதிநாதர் கோவில் வளாகத்தை விசாரணைக்காக தனது கட்டுப்பாட்டில் எடுத்துக்கொண்டது. இதனால், ஞாயிற்றுக்கிழமை பக்தர்களுக்காக கோயில் மூடப்பட்டது.
தங்கம் காணாமல் போன சம்பவம்
நேபாளத்தின் பசுபதிநாத் கோவிலில் 100 கிலோ நகையில் 10 கிலோ தங்கம் காணாமல் போனதை அடுத்து விசாரணை தொடங்கப்பட்டுள்ளது. தங்கம் காணாமல் போனதாக புகார் எழுந்ததையடுத்து, லஞ்ச ஒழிப்பு அமைப்பு, கோவில் வளாகத்தை விசாரணைக்கு எடுத்துக்கொண்டது. இதன் காரணமாக ஞாயிற்றுக்கிழமை பக்தர்களுக்கு அனுமதி மறுக்கப்பட்டது.
நாடாளுமன்றத்தில் எழுப்பப்பட்ட கேள்வி
குறிப்பிடத்தக்க வகையில், பசுபதிநாத் கோவில் காத்மாண்டுவில் உள்ள பழமையான இந்து கோவில் ஆகும். 10 கிலோ தங்கம் காணாமல் போனது குறித்து நாடாளுமன்றத்தில் கேள்வி எழுப்பப்பட்டதையடுத்து, இது தொடர்பான விசாரணை மேற்கொள்ள விசாரணை ஆணையமான சிஐஏஏ-க்கு அரசு உத்தரவிட்டது. ஊழலைக் கட்டுப்படுத்த நேபாள அரசாங்கத்தின் மிக உயர்ந்த அரசியலமைப்பு அமைப்பு CIAA ஆகும்.
நகை செய்வதற்காக வாங்கிய 103 கிலோ தங்கத்தில் 10 கிலோ காணவில்லை
நகை தயாரிப்பதற்காக 103 கிலோ தங்கம் வாங்கியதாக பசுபதி வட்டார வளர்ச்சி ஆணையம் கூறியது. ஆனால் நகைகளில் 10 கிலோ தங்கம் காணவில்லை. பசுபதி ஏரியா டெவலப்மென்ட் அறக்கட்டளையின் செயல் இயக்குநர் கன்ஷ்யாம் காதிவாடா ஊடகங்களிடம் கூறியதாவது: காணாமல் போன தங்கம் குறித்த கேள்விகள் எழுப்பப்பட்டதையடுத்து, பசுபதிநாதரின் தங்கத்தால் செய்யப்பட்ட நகையின் தரம் மற்றும் எடையை தீர்மானிக்க ஊழல் எதிர்ப்பு அமைப்பு அதை கைப்பற்றியுள்ளது.
பசுபதிநாத் கோவிலில் குவிக்கப்பட்டுள்ள நேபாள ராணுவ வீரர்கள்
பசுபதி கோவில் வளாகத்தில் விசாரணை நடவடிக்கைக்காக நேபாள ராணுவ வீரர்கள் உட்பட பல பாதுகாப்புப் பணியாளர்கள் நிறுத்தப்பட்டுள்ளதாக வட்டாரங்கள் தெரிவித்தன. பிற்பகல் 3.30 மணி முதல் கோவிலுக்குள் பக்தர்கள் நுழைய தடை விதிக்கப்பட்டுள்ளதாகவும், நள்ளிரவு வரை கோயில் மூடப்பட்டிருக்கும் என்றும் வட்டாரங்கள் தெரிவித்தன.
உலகின் மிகப் பெரிய இந்துக் கோவில்களில் ஒன்று
பசுபதிநாத் கோவில் உலகிலுள்ள மிகப்பெரிய இந்துக் கோவில்களுள் ஒன்று. நேபாளத் தலைநகரான காத்மாண்டுவின் கிழக்குப் பகுதியில் ஓடும் பாக்மதி ஆற்றின் கரையிலுள்ள இந்த கோவில் சிவனுக்கான ஒரு கோவிலாகும். உலகப்புகழ் பெற்ற இந்த கோவிலில் உள்ள சிவலிங்கத்துக்கு கடந்த ஆண்டு மகா சிவராத்திரி விழாவின் போது 103 கிலோ எடையில் புதிய தங்க நகை அணிவிக்கப்பட்டது.
யுனெஸ்கோவின் உலக பாரம்பரிய தலம்
கட்டிடக்கலையில் தலைசிறந்த இந்த கோவில் யுனெஸ்கோவின் உலக பாரம்பரிய தலமாகும். தற்போதைய பிரதான கோவில் 17 ஆம் நூற்றாண்டில் கட்டப்பட்டது என கூறப்படுகிறது. ஆலயத்தின் நான்கு நுழைவு வாசல்களும், வெள்ளி இழைகளால் அலங்கரிக்கப்பட்டுள்ளன.
மேலும் படிக்க | கலகத்தில் இருந்து தப்பித்த ரஷ்யா... கை கொடுத்த பெலாரஸ் அதிபர்... நடந்தது என்ன!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
