இன்றைய கால கட்டத்தில், இதயம் தொடர்பான வியாதிகள் அதிகமாக வருவதால், உடற்பயிற்சியின் முக்கியத்துவத்தை அனைவருமே ஓரளவுக்கு உணர்ந்துள்ளனர். குறிப்பாக, நடைபயிற்சி, இதய ஆரோக்கியமான சிறந்த பயிற்சியாக கருதப்படுகிறது. நடை பயிற்சி நமது இதயம் மற்றும் இதய தமனிகளை ஆரோக்கியமாக வைத்திருப்பதோடு மட்டுமல்லாமல், நமது எலும்புகள் தசைகள் ஆகியவை வலுப்பெறும். நடைபயிற்சியை சில திறந்த வெளியில் பூங்காவில் மேற்கொள்வார்கள். சிலர் டிரெட்மில்லில் நடப்பார்கள். இருப்பினும் எது சிறந்தது - பூங்காவில்/வெளிப்புறங்களில் நடப்பது அல்லது டிரட்மில்லில் நடப்பது? என்பது குறித்து குருகிராமில் உள்ள சி.கே.பிர்லா மருத்துவமனையின் எலும்பியல் நிபுணர் டாக்டர் தேபாஷிஷ் சந்தா, பகிர்ந்து கொள்கிறார்.
டிரெட்மில்லில் நடை பயிற்சி செய்தல்: சாதகங்களும் பாதகங்களும்
சாதகமான விஷயங்கள்:
டிரெட்மில்லில் வேலை செய்வதன் நன்மைகளாக டாக்டர் தேபாஷிஷ் சந்தா பட்டியலிடும் விஷயங்கள்:
1. வசதி:
மிகப்பெரிய நன்மை என்னவென்றால், இது ஒரு வசதியான விஷயம், நீங்கள் அதை உங்கள் வீட்டில் அல்லது உங்கள் உடற்பயிற்சி கூடத்தில் செய்யலாம். வானிலை, நேரம், தேதி அல்லது நாள் ஆகியவற்றைப் பொருட்படுத்தாமல் நீங்கள் உடற்பயிற்சி செய்யலாம். உங்களுக்கு வசதியான நேரத்தில் இதைப் பயன்படுத்தலாம் மற்றும் வெளிப்புற சூழலைப் பற்றி நீங்கள் சிந்திக்க வேண்டியதில்லை.
2. தனிப்பயனாக்கம்:
நீங்கள் டிரெட்மில்லைத் தனிப்பயனாக்கலாம், வேகத்தை அதிகரிக்கலாம் அல்லது குறைக்கலாம், சாய்வை அமைக்கலாம் மற்றும் உங்கள் பிட்னஸை பதிவு செய்யலாம், இலக்குகளை அமைக்கலாம்.
3. உங்கள் இலக்குகளைக் கண்காணிக்கலாம்:
ஒரு டிரெட்மில்லில், ஒருவர் தங்களின் உடற்பயிற்சி இலக்குகள், எரிக்கப்பட்ட கலோரிகள், இதயத் துடிப்பு ஆகியவற்றை எளிதாகக் கண்காணிக்கலாம்.
4. ஒரு பாதுகாப்பான ஒர்க்அவுட் பிளாட்ஃபார்ம்:
அவற்றின் மென்மையான நடை மேற்பரப்பு, சரிசெய்யக்கூடிய சாய்வு மற்றும் கட்டுப்படுத்தப்பட்ட சூழல் ஆகியவற்றுடன், டிரெட்மில்ஸ் ஒரு பாதுகாப்பான உடற்பயிற்சி தளத்தை வழங்குகிறது. உங்களுக்கு முழங்கால் பிரச்சினை இருந்தாலும், உங்களுக்கு வசதியாக சாய்வை சரிசெய்யலாம்; டிரெட்மில்ஸ் மூட்டுக்களுக்கு பாதிப்பு ஏற்படாத வகையில் பயன்படுத்த முடியும்.
மேலும் படிக்க | தினமும் வெற்றிலை பாக்கு போட்டால் போதும்... கருத்தரிப்பு மையம் போகவே வேண்டாம்!
பாதகங்கள்:
1. சலிப்பு: ஒரு டிரெட்மில்லின் முக்கிய பாதகமான விஷயம் என்னவென்றால், அது ஒரு கட்டத்திற்குப் பிறகு சலிப்பானதாக மாறும். அது உங்கள் வீடு அல்லது உடற்பயிற்சி கூடமாக இருந்தாலும், மிகவும் வசதியான விஷயமாக இருந்தாலும் சலிப்பானதாக மாறும்.
2. புதிய காற்று இல்லை: இது ஒரு உட்புற உடற்பயிற்சி, எனவே நீங்கள் டிரெட்மில்லில் நடக்கும்போது அல்லது ஓடும்போது சுத்தமான காற்றை சுவாசிக்கும் வாய்ப்பு இருக்காது.
3. அதிக விலை: குறிப்பாக தனிப்பட்ட உபகரணங்களின் ஒரு பகுதியாக, டிரெட்மில்ஸ் விலை அதிகம் - சாதாரண ட்ரெட் மில் ரூ. 25,000க்கு குறையாது. அதே சமயம் உயர் ரகங்களுக்கு லட்சங்கள் செலவாகும். பராமரிப்புச் செலவு, மின்சாரச் செலவு ஆகியவற்றை என நிறைய இடத்தை எடுத்துக்கொள்ளும்.
நடைபயிற்சி: சாதகங்களும் பாதகங்களும்
டாக்டர் தேபாஷிஷ் சந்தா நடைபயிற்சியின் நன்மைகள் மற்றும் இந்த வகையான உடற்பயிற்சியின் போது ஏற்படும் தீமைகளை பட்டியலிட்டுள்ளார்
1. இயற்கையுடன் ஒன்றி ஒரு நடை: நடைபயிற்சியின் முக்கிய நன்மை என்னவென்றால், நீங்கள் இயற்கையுடன் ஒன்றி உடற்பயிற்சி செய்கிறீர்கள். இதனால் நீங்கள் புத்துணர்ச்சி பெறுகிறீர்கள். நடப்பது மிகவும் சுவாரஸ்யமாகத் தோன்றும்.
2. பெரிதாக செலவு இல்லை: ஒரு நல்ல ஜோடி காலணிகளில் முதலீடு செய்வதைத் தவிர, நடக்க நீங்கள் எதையும் செலவழிக்க வேண்டியதில்லை. விலையுயர்ந்த உபகரணங்கள் அல்லது ஜிம் உறுப்பினரை ஆலோசனைக்காக அமர்த்த வேண்டிய அவசியமில்லை. உங்கள் அபார்ட்மெண்ட் அல்லது அருகிலுள்ள பூங்கா அல்லது உங்கள் வீட்டின் மாடியில் நீங்கள் நடந்து செல்லலாம்.
3. சமூக செயல்பாடு: நடைபயிற்சி ஒரு சமூக நடவடிக்கையாக இருக்கலாம். நீங்கள் நண்பர்களையும் அண்டை வீட்டாரையும் சந்திக்கலாம் அல்லது புதிய நட்பைப் பெறலாம், இது சமூக தொடர்புக்கான தளமாக மாறும். உண்மையில், ஒரு நல்ல நட்பு வட்டம் உங்கள் மிகப்பெரிய உந்துதலாக இருக்கும்.
4. மாற்றம் நிலையானது: மாற்றத்திற்காக நீங்கள் வழக்கமாக செல்லும் பாதையை விட்டு வேறு பாதையில் செல்லலாம், வேறு நேரத்தில் நடை பயிற்சி செய்யலாம். இதனால், நடை பயிற்சி சலிப்பானதாக இருக்காது.
பாதகங்கள்:
1. வானிலை சிக்கல்கள்: நீங்கள் வெளியில் நடப்பதால், வானிலை காரணமாக நடைபயிற்சி பாதிக்கப்படலாம். மேலும் மோசமான வானிலை - அது கடுமையான வெப்பம், குளிர் அல்லது மழை - உங்கள் நடைப்பயிற்சி திட்டம் பாதிக்கலாம்.
2. பாதுகாப்புக் கவலைகள்: இந்தியா போன்ற ஒரு நாட்டில், அனைவருக்கும் சரியான நடைபாதைகள் கிடைப்பதில்லை. அது பாதுகாப்பற்ற சூழலாக இருக்கலாம், சீரற்ற சாலைகளாக இருக்கலாம் அல்லது ஆபத்தான போக்குவரத்தாக இருக்கலாம்.
நடைபயிற்சி Vs டிரெட்மில்: இறுதி தீர்ப்பு
முடிவில், இரண்டுக்கும் அவற்றின் சாதக பாதகங்கள் உள்ளன என்பதை ஒப்புக்கொள்ள வேண்டும் என்று டாக்டர் தேபாஷிஷ் சந்தா கூறுகிறார். "பல்ஸ் ஆக்சிமீட்டர்கள் அல்லது பல்ஸ் மீட்டர்கள், ஸ்மார்ட்போன்கள் அல்லது ஃபிட்னஸ் வாட்ச்கள் ஆகியவை காரணமாக இப்போது நீங்கள் சாதாரணமாக நடந்தாலும் ஃபிட்னஸ் இலக்குகளைக் கண்காணிக்கலாம். இருப்பினும், வயதானவர்களைக் கருத்தில் கொண்டால், டிரெட்மில் சிறிது வசதியானது இருப்பதாக நான் கூறுவேன். பல வயதானவர்களுக்கு மூட்டுப் பிரச்சனைகள், முதுகுப் பிரச்சனைகள் மற்றும் ஆஸ்டியோபோரோசிஸ் ஆகியவை உள்ளன, மேலும் பாதுகாப்பான நடைபாதைகள் எல்லா இடங்களிலும் கிடைக்காததால் நடைபயிற்சி ஒரு பிரச்சனையாக இருக்கலாம். எனவே அருகில் பாதுகாப்பான நடைபயிற்சிக்கான இடத்தை அணுக முடியாத பட்சத்தில் அடிப்படை டிரெட்மில் ஒரு நல்ல முதலீடாக இருக்கும்."
மேலும் படிக்க | சர்க்கரை நோயா... உடல் பருமன் குறையணுமா... ‘இந்த’ சர்க்கரைகளை தாராளமா சாப்பிடலாம்!
(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டது. அதை ஏற்றுக்கொள்ளும் முன் மருத்துவ ஆலோசனையைப் பெற வேண்டும். ZEE NEWS அதை உறுதிப்படுத்தவில்லை.)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
