Black Pepper Health Tips: மசாலாப் பொருட்களின் ராஜா என்று அழைக்கப்படும் கருப்பு மிளகு மிகவும் முக்கியமான மசாலா பொருட்களில் ஒன்றாகும். குறிப்பாக தென்னிய மக்கள் மிளகை அதிகம் பயன்படுத்துவார்கள். இந்த மிளகு உணவின் சுவையை அதிகரிப்பதுடன் நம் உடலின் ஆரோக்கியத்திற்கும் நன்மை பயக்கும். இவற்றை தினமும் நம் உணவில் பயன்படுத்தி வந்தால், பல ஆரோக்கிய பண்புகளை பெறலாம். மேலும் நம் உடலின் ஆரோக்கிய மேம்பாட்டிற்கும் உதவியாக இருக்கும்.
ஆயுர்வேதத்தில் இந்த கருப்பு மிளகானது மிகவும் முக்கிய மருந்தாக பயன்படுத்தப்பட்டு வருகிறது. இந்த மசாலாவில் சில இரசாயன கூறுகள் உள்ளன, அவை ஆரோக்கியத்திற்கு நன்மை பயக்கும். இந்நிலையில் கருப்பு மிளகு உட்கொள்வதால் நம் ஆரோக்கியத்திற்கு கிடைக்கும் நன்மைகள் என்னென்ன என்பதை இப்போது இந்த கட்டுரையின் மூலம் தெரிந்துகொள்ளலாம்.
மிளகில் இருக்கும் ஊட்டச்சத்துக்கள் என்னென்ன?
கருப்பு மிளகில் வைட்டமின் சி, வைட்டமின் கே, மாங்கனீசு மற்றும் பொட்டாசியம் ஆகியவற்றுடன் ஆன்டிஆக்ஸிடன்ட்களும் நிறைந்துள்ளது. இதன் காரணமாக இது ஆரோக்கியத்திற்கு மிகவும் நன்மை பயக்கும். கருப்பு மிளகாயின் சில முக்கிய நன்மைகள் பற்றி இப்போது காணலாம்.
மேலும் படிக்க | வேகமா எடை குறைய.. காலையா? மாலையா? எந்த நேரத்தில் நடைப்பயிற்சி செய்வது
கருப்பு மிளகு புற்றுநோயைத் தடுக்கும்: கருப்பு மிளகில் இருக்கும் வைட்டமின் சி, வைட்டமின் ஏ, கரோட்டின் மற்றும் ஆண்டிஆக்சிடெண்டுகள் உடலுக்கு தீங்கு விளைவிக்கும் ஃப்ரீ ரேடிக்கல்களை நீக்க உதவுகிறது. மேலும் கருப்பு மிளகு நம்மை புற்றுநோய் (Cancer Prevention) மற்றும் பல நோய்களிலிருந்தும் பாதுகாக்க உதவும்.
செரிமானத்தை மேம்படுத்த உதவும்: உங்களுக்கு செரிமானம் தொடர்பான ஏதேனும் பிரச்சனை இருந்தால், அதற்கு நீங்கள் கருப்பு மிளகு உட்கொள்ளலாம். கருப்பு மிளகில் காணப்படும் பைப்பரின் செரிமான செயல்முறையை விரைவுபடுத்துகிறது. இது உணவை ஜீரணிப்பதில் முக்கிய பங்கு வகிக்கிறது.
சளி மற்றும் இருமலை குணப்படுத்த கருப்பு மிளகு பயன்படுத்தலாம்: இருமல் மற்றும் சளியால் அவதிப்படுகிறீர்கள் என்றால் கருப்பு மிளகு சாப்பிடுவதால் தீர்வு பெறலாம். கருப்பு மிளகு இயற்கையாகவே ஆண்டிசெப்டிக் பண்புகளைக் கொண்டுள்ளது, இது இருமல் மற்றும் சளியைக் குணப்படுத்த உதவும்.
உடல் எடையை குறைக்க கருப்பு மிளகு: கருப்பு மிளகின் வெளிப்புற அடுக்கில் பைட்டோநியூட்ரியண்ட்கள் உள்ளதால், இவை பைட்டோநியூட்ரியண்ட்ஸ் கொழுப்பு செல்களை உடைக்கும். இது தவிர, கருப்பு மிளகு உடலில் இருந்து நச்சுகளை நீக்குகிறது, இது எடை இழப்பை எளிதாக்குகிறது.
மன அழுத்தத்தை நீக்க கருப்பு மிளகு: கருப்பு மிளகாயில் காணப்படும் பைப்பரின் கவலை மற்றும் மன அழுத்தத்தை நீக்க உதவுகிறது. இது தவிர, மூளையை செயல்படுத்தி நாம் சரியாக செயல்பட உதவுகிறது.
(பொறுப்பு துறப்பு: அன்புள்ள வாசகரே, எங்கள் செய்திகளைப் படித்ததற்கு நன்றி. இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
