மத்திய அரசு பட்ஜெட்டில் அறிவித்தபடி, எதிர்வரும் ஏப்ரல் மாதம் முதல் தேதியில் இருந்து, கிரிப்டோ மற்றும் பிற மெய்நிகர் சொத்துக்களான NFTகள் (non-fungible tokens)ஆகியவற்றில் வர்த்தகம் செய்வதன் மூலம் கிடைக்கும் லாபத்திற்கு 30% விகித வரி விதிக்கப்படும்.
இது அனைத்து மெய்நிகர் டிஜிட்டல் சொத்துக்களுக்கும் (virtual digital assets-VDA) பொருந்தும் மற்றும் பிட்காயின் முதல் NFT என பெறப்படும் அனைத்து வருவாய்களுக்கும் பொருந்தும்.
மேலும், கிரிப்டோ மற்றும் பிற மெய்நிகர் சொத்துக்கள் சம்பந்தப்பட்ட ஒவ்வொரு பரிவர்த்தனைக்கும், வருவாய் மூலத்தில் (TDS) 1% வரி கழிக்கப்படும்.
மேலும் படிக்க | கிரிப்டோகரன்சி விளம்பரம் தொடர்பாக கடுமையான வழிகாட்டுதல்கள்
உதாரணமாக, ஒரு கிரிப்டோ முதலீட்டாளர் கிரிப்டோவை ரூ.10,000க்கு வாங்கி ரூ.15,000க்கு விற்றால், ரூ.5,000 லாபம் கிடைக்கும். அதில், லாபமான 5000 ரூபாய்க்கான 30% வரியை முதலீட்டாளர் செலுத்த வேண்டும்.
இதற்கிடையில், கிரிப்டோ சொத்துக்களுக்கான புதிய வரி முறை நடைமுறைக்கு வருவதற்கு முன்னதாக, தற்போது சில நாட்களாக ஏராளமான முதலீட்டாளர்கள் லாபத்தை முன்பதிவு செய்வதாகவும், தங்கள் போர்ட்ஃபோலியோக்களை மறுசீரமைப்பதாகவும் கூறப்படுகிறது.
அதோடு மேலும் சிலர், தங்கள் கிரிப்டோ சொத்துக்களை இந்தியாவிற்கு வெளியே உள்ள தனியார் வேலட்டுகளுக்கு (private wallets) மாற்றுவதாகவும் கூறப்படுகிறது.
மேலும் படிக்க | கிரிப்டோகரன்சியில் முதலீடு செய்கிறீர்களா; வருமான வரி விதிகள் கூறுவது என்ன
கிரிப்டோ முதலீட்டாளர்களுக்கான 2022-2023 ஆண்டுகளுக்கான சில நிதி விதிமுறைகளை அறிந்திருக்க வேண்டும்:
1: ஆண்டுக்கான அனைத்து பிட்காயின் பரிவர்த்தனைகளையும் (bitcoin transactions) கணக்கிட்ட பிறகு, ஒரு முதலீட்டாளருக்கு வருமானம் இல்லை என்றாலும், பணத்தை இழந்தாலும் வரி எதையும் செலுத்த வேண்டியதில்லை.
2: முதலீட்டாளர்கள் வாங்கிய கிரிப்டோ சொத்தை சந்தை நிலவரங்களின் காரணமாக விற்க முடியாமல் போனால் அவர்களுக்கு வரி விதிக்கப்படாது. லாபத்திற்கு விற்கும் வரை லாபத்திற்கான வரி செலுத்த வேண்டிய அவசியம் இல்லை.
3: வரிகளைக் கணக்கிடும் போது, ஒரு வகை VDA இலிருந்து ஏற்படும் இழப்புகளை மற்ற VDA பரிவர்த்தனைகளின் ஆதாயங்களால் ஈடுசெய்ய முடியாது. இதன் பொருள் முதலீட்டாளர்கள் எந்த ஆதாயங்களுக்கும் 30% வரியைச் செலுத்த வேண்டும், அதே நேரத்தில் இழப்புகள் இறுதி வரிவிதிப்புத் தொகையிலிருந்து கழிக்கப்படாது. மற்ற டோக்கன்களை வர்த்தகம் செய்யும் போது. இதன் விளைவாக, நீங்கள் ஒரு டோக்கனில் லாபம் ஈட்டினாலும் மற்றொன்றில் நஷ்டம் ஏற்பட்டாலும், லாபகரமான டோக்கனுக்காக 30% செலுத்த வேண்டும்.
4: ஜூலை 1 அன்று TDS விதிக்கப்படும் மற்றும் முதலீட்டாளர் லாபம் அல்லது நஷ்டம் அடைந்தாலும், முழு பரிவர்த்தனை மதிப்பில் இருந்து வரி கழிக்கப்படும்.
5: வல்லுநர்கள் மற்றும் வணிக உரிமையாளர்கள் தங்கள் முக்கிய வருமானம் மற்றும் கிரிப்டோகரன்சி வருவாயில் இருந்து ஆதாயங்கள் அல்லது இழப்புகளைக் கழிக்க முடியாது.
மேலும் படிக்க | டெஸ்லாவின் வழியில் கிரிப்டோகரன்சி பேமெண்ட்டுகளை ஏற்கும் திரையரங்குகள்
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
