സാമൂഹിക മാധ്യമങ്ങളിൽ ഇപ്പോൾ ഏറ്റവും കൂടുതൽ ശ്രദ്ധ നേടുന്നത് വീഡിയോകളാണ്. ആളുകൾ സാമൂഹിക മാധ്യമങ്ങളിൽ ഏറ്റവും കൂടുതൽ സമയം ചെലവഴിക്കുന്നതും വീഡിയോകൾ കാണാനാണ്. ജീവിതത്തിലെയും ജോലിയിലെയും ടെൻഷനും സ്‌ട്രെസും ഒക്കെ മാറ്റാൻ പലപ്പോഴും ഇത്തരം വീഡിയോകൾ സഹായിക്കാറുണ്ട്. ഇത്തരത്തിൽ സാമൂഹിക മാധ്യമങ്ങളിൽ ആളുകളുടെ ശ്രദ്ധ നേടുന്ന വീഡിയോകളിൽ സിനിമകളിലെ കോമഡി സീനുകളും, ഇൻസ്റ്റാഗ്രാം റീലുകളും, വിവാഹത്തിന്റെ വീഡിയോകളും, മൃഗങ്ങളുടെ വീഡിയോകളും ഒക്കെ ഉൾപ്പെടാറുണ്ട്. വിവാഹ വേദികളിലെ സന്തോഷവും കുസൃതികളും ഒക്കെയാണ് ആളുകൾ വിവാഹ വീഡിയോകൾ ഇഷ്ടപെടാനുള്ള കാരണം. വീട്ടിൽ വളർത്തുന്നതും വന്യ മൃഗങ്ങളുടെയും ഒക്കെ കുസൃതികളും കഴിവുകളും ഒക്കെ കാണാനുള്ള ആഗ്രഹമാണ് ഇത്തരം മൃഗങ്ങളുടെ വീഡിയോകൾ ശ്രദ്ധ നേടാൻ കാരണം. ഇപ്പോൾ ഒരു ആനയുടെ വീഡിയോയാണ് സാമൂഹിക മാധ്യമങ്ങളിൽ ശ്രദ്ധ നേടിയിരിക്കുന്നത്. ഈ വീഡിയോ ഒരേ സമയം ആളുകളെ പേടിപ്പിക്കുകയും ചിരിപ്പിക്കുകയുമാണ്.
കരയിൽ ജീവിക്കുന്ന ലോകത്തെ ഏറ്റവും വലിയ ജീവികളാണ് ആനകൾ. ഒരു ആന പൂർണ വളർച്ചയെത്താൻ 16 വർഷങ്ങൾ എടുക്കും. എന്നാൽ 20 വർഷങ്ങൾ വരെ ആനയുടെ വളർച്ച തുടരും. പൂർണവളർച്ചയെത്തിയ ഒരാന ദിവസം 400 കിലോഗ്രാം വരെ ആഹാരവും ശരാശരി 150 ലിറ്റർ വരെ വെള്ളവും അകത്താക്കാറുണ്ട്. ആഫ്രിക്കൻ ആനകളെ അപേക്ഷിച്ച് ഏഷ്യൻ ആനകൾക്ക് സൗന്ദര്യം കൂടുതലാണ്. ഇവയ്ക്ക് ശരാശരി 20-21അടി നീളവും 6-12അടി ഉയരവും 5000കിലോഗ്രാം വരെ തൂക്കവും ഉണ്ടാവും. സസ്തനികളിൽ ഏറ്റവും ദൈർഘ്യമേറിയ ഗർഭകാലം ആനകളുടേതാണ്. 630 ദിവസം വരെയാണ് ഇവയുടെ ഗർഭകാലം അതായത് ഇരുപത്തിയൊന്ന് മാസം മുതൽ ഇരുപത്തിരണ്ട് മാസം വരെയാണ് ആനകളുടെ ഗർഭക്കാലം. ജനിച്ച് ഒരു വർഷത്തിന് ശേഷം മാത്രമേ ആനകുട്ടികൾക്ക് തുമ്പികൈ നിയന്ത്രിക്കാൻ സാധിക്കൂ.
ALSO READ: Viral Video : ആനകളുടെ കിടിലം ഗ്രൂപ്പ് ഡാൻസ് കണ്ടിട്ടുണ്ടോ? വീഡിയോ വൈറൽ
നീൽ വാൻ ഡെർ വാൾട്ട് എന്ന യൂട്യൂബ് ചാനലിൽ നിന്ന് പങ്കുവെച്ച വീഡിയോയാണ് ഇത്. ദക്ഷിണാഫ്രിക്കയിലെ ക്രൂഗർ നാഷണൽ പാർക്കിൽ നടന്ന സംഭവമാണ് ഇത്. ഒരു ഗെയിം വ്യൂയിങ് വാഹനത്തിൽ സഞ്ചരിക്കുമ്പോഴാണ് സംഭവം നടന്നത്. 22 ആഫ്രിക്കൻ ആനകളെ കണ്ടെത്താൻ ഒരു സംഘം വിനോദ സഞ്ചാരികളും അവരുടെ സഫാരി ഗൈഡും യാത്ര ചെയ്യുമ്പോഴാണ് സംഭവം. ഒരുകൂട്ടം ആനകൾ വാഹനത്തിന് മുന്നിൽ കൂടി കടന്ന് പോകുകയും ചെയ്തു. എന്നാൽ പെട്ടെന്നാണ് ഒരു ആന ദേഷ്യത്തോടെ വാഹനത്തിന് നേരെ പാഞ്ഞു വന്നത്. എന്നാൽ ഗൈഡ് വാഹനത്തിൽ അടിച്ച് ശബ്‌ദമുണ്ടാക്കി ആനയെ ഓടിക്കുകയായിരുന്നു. ഈ വീഡിയോയ്ക്ക് യൂട്യൂബിൽ 28000 ത്തിലധികം ലൈക്കുകളാണ് ഇതിനോടകം തന്നെ ലഭിച്ചിരിക്കുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
