വിവാഹത്തിന് നക്ഷത്രപ്പൊരുത്തം നോക്കുന്നവരാണ് ഏറെയും. നാളുകള്‍ തമ്മില്‍ ചേരാത്ത കാരണം നടക്കാതെ പോയ വിവാഹങ്ങളുടെ എണ്ണം പ്രവചനാതീതമാണ്.
Least compatible Nakshatras for marriage: എല്ലാ നക്ഷത്രങ്ങള്‍ക്കും ഒരു പൊതുസ്വഭാവമുണ്ട്. അതിനാല്‍ തന്നെ ചില നക്ഷത്രങ്ങളുടെ സ്വഭാവങ്ങള്‍ തമ്മില്‍ ചേരില്ലെന്ന് ജ്യോതിഷത്തില്‍ പറയുന്നു. ആ നക്ഷത്രങ്ങള്‍ ഏതൊക്കെയാണെന്ന് നോക്കാം.
ഭാര്യ മകയിരം നക്ഷത്രവും ഭര്‍ത്താവ് ആയില്യം നക്ഷത്രമോ ഭരണി നക്ഷത്രമോ ആണെങ്കില്‍ ഇവരുടെ കുടുംബ ജീവിതം സന്തോഷകരമായിരിക്കില്ല. ആയില്യം, മകയിരം, പൂരം നക്ഷത്രങ്ങളും പരസ്പരം ചേരില്ല.
ഭരണി നക്ഷത്രവും അനിഴം നക്ഷത്രവും ചേര്‍ന്നാല്‍ ദുരിതമാകും ഫലമെന്ന് ജ്യോതിഷത്തില്‍ പറയുന്നു. ഇതിന് സമാനമാണ് വേധദോഷമുള്ള നക്ഷത്രങ്ങളായ അശ്വതിയും തൃക്കേട്ടയും ചേര്‍ന്നാല്‍ ഫലം.
വിശാഖം നക്ഷത്രവും കാര്‍ത്തിക നക്ഷത്രവും ചേര്‍ന്നാല്‍ പ്രശ്‌നങ്ങളുണ്ടാകാനുള്ള സാധ്യത കൂടുതലാണ്. ഇവര്‍ക്ക് ഒന്നിന് പിറകെ ഒന്നായി പ്രശ്‌നങ്ങളുടെ ഘോഷയാത്രയായിരിക്കും.
രോഹിണിയും ചോതിയും തമ്മില്‍ ഒരിക്കലും ചേരില്ല. അഥവാ ഈ നക്ഷത്രക്കാര്‍ തമ്മില്‍ വിവാഹം കഴിച്ചാല്‍ അകാരണ കലഹവും സന്താനദുരിതവുമായിരിക്കും ഫലം.
മകം നക്ഷത്രക്കാരും രേവതി നക്ഷത്രക്കാരും തമ്മില്‍ വിവാഹം കഴിച്ചാല്‍ ഉടനടി പ്രശ്‌നങ്ങള്‍ മുളപൊട്ടി തുടങ്ങും. പിന്നീട് ഒരു വര്‍ഷത്തിനിടെ തന്നെ കാര്യങ്ങള്‍ വിവാഹമോചനത്തിലേയ്ക്ക് എത്തും.
മധ്യമരഞ്ജു വരുന്ന നക്ഷത്രങ്ങളായ ഭരണി, മകീര്യം, പൂയം, പൂരം, പൂരാടം അവിട്ടം, ചിത്തിര, അനിഴം, ഉത്രട്ടാതി എന്നിവര്‍ക്ക് സന്താനഭാഗ്യക്കുറവ് ഉണ്ട്. ഇവര്‍ തമ്മില്‍ വിവാഹം കഴിച്ചാല്‍ ഫലം മോശമായിരിക്കും.
കാര്യങ്ങള്‍ ഇങ്ങനെയൊക്കെ ആണെങ്കിലും നക്ഷത്രപ്പൊരുത്തത്തേക്കാള്‍ പ്രധാനമാണ് മനപ്പൊരുത്തം എന്ന് വിശ്വസിക്കുന്നവരുമുണ്ട്. ((Disclaimer: ഇവിടെ നൽകിയിരിക്കുന്ന വിവരങ്ങൾ പൊതുവായ വിശ്വാസങ്ങളെയും വിവരങ്ങളെയും അടിസ്ഥാനമാക്കിയുള്ളതാണ്)
