IPL 2023: എലിമിനേറ്ററിൽ ലഖ്നൗ സൂപ്പർ ജയന്റ്സിനെ 81 റൺസിന് തകർത്ത് ക്വാളിഫയർ 2ലേക്ക് കടന്നിരിക്കുകയാണ് മുംബൈ ഇന്ത്യൻസ്. ഗുജറാത്ത് ടൈറ്റൻസുമായാണ് മുംബൈയുടെ അടുത്ത പോരാട്ടം. ഇതിൽ ജയിക്കുന്നവർ ഫൈനൽ മത്സരത്തിൽ ചെന്നൈ സൂപ്പർ കിംഗ്സിനെ നേരിടും.
183 റൺസ് വിജയലക്ഷ്യവുമായി ഇറങ്ങിയ ലഖ്നൗ 101 റൺസിന് ഓളൗട്ട് ആകുകയായിരുന്നു.
ആകാശ് മധ്വാളിന്റെ ബോളിങ് മികവിലാണ് മുംബൈ ഇന്ത്യൻസ് അനായാസ ജയം സ്വന്തമാക്കിയത്. 5 റൺസ് മാത്രം വഴങ്ങി 5 വിക്കറ്റാണ് മധ്വാൾ മുംബൈക്കായി നേടിയത്.
ചെന്നൈ ചെപ്പോക്ക് സ്റ്റേഡിയത്തിലായിരുന്നു മത്സരം നടന്നത്.
സൂര്യകുമാർ യാദവ്, കാമറൂൺ ഗ്രീൻ എന്നിവരുടെ പാർട്ണർഷിപ്പാണ് മുംബൈയെ മികച്ച സ്കോറിലേക്ക് എത്തിച്ചത്.
38 റൺസ് വഴങ്ങി 4 വിക്കറ്റെടുത്ത നവീൻ ഉൽ ഹഖാണ് ലഖ്നൗ ബോളിങ്ങിൽ മികച്ച പ്രകടനം കാഴ്ചവെച്ചത്.
