Rajasthan Royals മലയാളികളുടെ സാന്നിധ്യം ഏറെയുള്ള ഐപിഎൽ ടീമാണ്. നായകനായ സഞ്ജുവിന് പുറമെ ദേവ്ദത്ത് പടിക്കലും കരുൺ നായരുമാണ് രാജസ്ഥാൻ ടീമിലെ മറ്റ് മലയാളി സാന്നിധ്യം. അതുകൊണ്ട് ടീമിലെ മലയാളി സാന്നിധ്യം ഡ്രസ്സിങിലും വരുത്തിവെച്ചിരിക്കുകയാണ് രാജസ്ഥാൻ റോയൽസ്.
റോയൽസിന്റെ ജേഴ്സി കളറായ പിങ്ക് നിറത്തിലുള്ള ടി-ഷർട്ടിനൊപ്പം കറുത്ത് മുണ്ട് ധരിച്ചാണ് സഞ്ജുവും കൂട്ടരും പൂണെയിലേക്ക് തിരിച്ചത്.
എന്നാൽ മുണ്ട് ധരിച്ച ഏക മലയാളി സഞ്ജു മാത്രമാണ്.
സഞ്ജുവിനൊപ്പം ജോസ് ബട്ലർ, യുസ്വേന്ദ്ര ചഹൽ, റയാൻ പരാഗ്, ഷിമ്രോൻ ഹെത്മയർ, ഡാരിൽ മിച്ചൽ, പിന്നാലെ ടീമിന്റെ സപ്പോർട്ടിങ് സ്റ്റാഫുകളുമാണ് മുണ്ട് ധരിച്ചിട്ടുള്ളത്.
ഏപ്രിൽ 26 ചൊവ്വാഴ്ചയാണ് രാജസ്ഥാന്റെ അടുത്ത മത്സരം. റോയൽ ചലഞ്ചേഴ്സ് ബാംഗ്ലൂരുവിനെതിരെ പൂണെയിൽ വെച്ചാണ് മത്സരം. ഇരു ടീമും ആദ്യം ഏറ്റുമുട്ടിയപ്പോൾ ജയം ആർസിബിക്കൊപ്പമായിരുന്നു.
സീസണിലെ ഏകദേശം പകുതി മത്സരങ്ങൾ പൂർത്തിയാകുമ്പോൾ രാജസ്ഥാൻ ഇപ്പോൾ പത്ത് പോയിന്റമായി മൂന്നാം സ്ഥാനത്താണ്.
