ഔഷധ ഗുണങ്ങൾ ഏറെയുള്ള രണ്ട് പ്രകൃതിദത്ത സംയുക്തങ്ങളാണ് തേനും കറുവപ്പട്ടയും. ഏറെ ഗുണങ്ങളുള്ള ഇവ രണ്ടും ചെറുചൂടുവെള്ളത്തിൽ ചേർത്ത് ദിവസവും കുടിക്കുന്നത് നിരവധി ആരോഗ്യ ഗുണങ്ങൾ പ്രദാനം ചെയ്യുന്നു.
വെറും വയറ്റിൽ തേനും കറുവപ്പട്ടയും ചേർത്തുള്ള വെള്ളം കുടിക്കുന്നത് ഊർജ്ജം ലഭിക്കാനും, മെറ്റബോളിസം വർധിപ്പിക്കാനും, രക്തത്തിലെ ഗ്ലൂക്കോസിൻ്റെ അളവ് നിയന്ത്രിക്കാനും തുടങ്ങി നിരവധി അസുഖങ്ങളെ പ്രതിരോധിക്കാനും സഹായിക്കും.
കൊളസ്ട്രോൾ - രക്തത്തിലെ ഉയർന്ന കൊളസ്ട്രോൾ, ട്രൈഗ്ലിസറൈഡ് എന്നിവ കുറയ്ക്കാൻ കറുവപ്പട്ട കഴിക്കുന്നതിലൂടെ സാധിക്കും. അതിലൂടെ ഹൃദ്രോഗ സാധ്യത കുറയ്ക്കുന്നു.
ദഹനം - തേനും കറുവപ്പട്ടയും ദഹനം മെച്ചപ്പെടുത്തും. മലബന്ധം, വയറുവേദന തുടങ്ങിയ പ്രശ്നങ്ങളിൽ നിന്നും മുക്തി നേടാനും ഇത് സഹായകമാണ്.
രക്തത്തിലെ പഞ്ചസാരയുടെ അളവ് കുറയ്ക്കുന്നു - കറുവപ്പട്ട ഇൻസുലിൻ സംവേദനക്ഷമത വർദ്ധിപ്പിക്കും. ഇത് രക്തത്തിലെ പഞ്ചസാരയുടെ അളവ് കുറയ്ക്കാൻ സഹായിക്കും. തേനിലും രക്തത്തിലെ പഞ്ചസാരയുടെ അളവ് നിയന്ത്രിക്കാനുള്ള ഗുണങ്ങളുണ്ട്.
കൊഴുപ്പ് - ശരീരത്തിലെ അധിക കൊഴുപ്പ് ഇല്ലാതാക്കാൻ സഹായിക്കുന്നതാണ് തോനിലും കറുവപ്പട്ടയിലും അടങ്ങിയിട്ടുള്ള ആന്റി ഇൻഫ്ലമേറ്ററി ഗുണങ്ങൾ.
ജലദോഷം - ഇടയ്ക്കിടെയുണ്ടാകുന്ന തുമ്മലും ജലദോഷവും മാറാൻ കറുവപ്പട്ട വെള്ളം കുടിക്കാവുന്നതാണ്.
രോഗപ്രതിരോധശേഷി വർധിപ്പിക്കുന്നു - തേനും കറുവപ്പട്ടയും ആൻ്റിഓക്‌സിഡൻ്റുകളാൽ സമ്പുഷ്ടമാണ്. ഇത് രോഗപ്രതിരോധ ശേഷി കൂട്ടുന്നു.
അണുബാധ തടയുന്നു - തേനിലും കറുവപ്പട്ടയിലും ആൻറി ബാക്ടീരിയൽ, ആൻ്റിഫംഗൽ ഗുണങ്ങളുണ്ട്. ഇത് ബാക്ടീരിയ, വൈറസ്, ഫംഗസ് എന്നിവ മൂലമുണ്ടാകുന്ന രോഗങ്ങൾക്കെതിരെ പോരാടാൻ സഹായിക്കുന്നു.
(Disclaimer: ഇവിടെ നൽകിയിരിക്കുന്ന വിവരങ്ങൾ വീട്ടുവൈദ്യങ്ങളും പൊതുവായ വിവരങ്ങളും അടിസ്ഥാനമാക്കിയുള്ളതാണ്. അത് സ്വീകരിക്കുന്നതിന് മുമ്പ് വൈദ്യോപദേശം തേടുക)
