ഹൈദരാബാദ് : വിജയ് ദേവരകോണ്ടയും സാമന്തയും ആദ്യമായി ഒന്നിക്കുന്ന ഖുഷി സിനിമയുടെ ഫസ്റ്റ്ലുക്ക് മോഷൻ പോസ്റ്റർ പുറത്ത് വിട്ടു. കല്യാണത്തിന് ശേഷം വധുവരന്മാർ ഹിമാലയൻ താഴ്വരയിൽ ഹണിമൂണിനായി പോകുന്നത് തോന്നിപ്പിക്കുംവിധമാണ് അണിയറ പ്രവർത്തകർ മോഷൻ പോസ്റ്റർ അവതരിപ്പിച്ചിരിക്കുന്നത്. ഖുഷിയിലും വിജയ് ദേവരകോണ്ട കലിപ്പന്റെ വേഷത്തിലാകുമെത്തുക എന്ന ധാരണയാണ് ഫസ്റ്റ്ലുക്കിലൂടെ ലഭിക്കുന്നത്.
ചിത്രം ഡിസംബർ 23ന് തിയറ്ററുകളിൽ എത്തും. വിജയ് ദേവരകോണ്ടയും സാമന്തയും കൂടാതെ മലയാളം നടൻ ജയറാമും ചിത്രത്തിൽ മുഖ്യ വേഷത്തിലെത്തുന്നുണ്ട്. ടക്ക് ജഗദീഷ്, മജിലി, നിന്നു കോരി എന്ന് ചിത്രങ്ങളുടെ സംവിധായകനായ ശിവ നിർവാണ ഖുഷി ഒരുക്കുന്നത്.
ALSO READ : Vikram Movie : തീ അല്ല കാട്ടുതീ; കമൽ ഹാസൻ, ഫഹദ് ഫാസിൽ വിജയ് സേതുപതി ഒന്നിക്കുന്ന വിക്രം സിനിമയിലെ ട്രെയിലർ
ഹൃദയം സിനിമയ്ക്ക് സംഗീതം നൽകിയ ഹിഷാം അബ്ദുൽ വഹാബാണ് ഖുഷിയുടെ ഗാനങ്ങൾ ഒരുക്കുന്നത്. ഏ ആർ റഹ്മാൻ, അനിരുദ്ധ് എന്നിവരെയാണ് ശിവ ചിത്രത്തിലേക്ക് ആദ്യം നിശ്ചയിച്ചിരുന്നത് എങ്കിലും അവസാനം അത് ഹിഷാം അബ്ദുൾ വഹാബിലേക്ക് എത്തുകയായിരുന്നു. ഹൃദയത്തിലെ ഗാനങ്ങൾ തുടർച്ചയായി കേട്ടിരുന്ന ശിവ അങ്ങനെയാണ് ഹിഷാമിലേക്ക് എത്തിയത്. ചിത്രത്തിലെ ഗാനങ്ങളുടെ കമ്പോസിങ് ഇതിനകം ആരംഭിച്ചു കഴിഞ്ഞു.
മൈത്രി മൂവി മേക്കേഴ്സിന്റെ ബാനറിൽ നവീൻ യേർനേനിയും രവി ശങ്കറും ചേർന്നാണ് സിനിമ നിർമിക്കുന്നത്. അല്ലു അർജുൻ ചിത്രം പുഷ്പക്ക് ശേഷം മൈത്രി മൂവി മേക്കേഴ്‌സ് നിർമിക്കുന്ന ബിഗ് ബജറ്റ് ചിത്രമാണിത്. കാശ്മീരാണ് പ്രധാന ലൊക്കേഷൻ.
ALSO READ : Vaashi Movie : വക്കീലായി ടൊവീനോയും കീർത്തി സുരേഷും; വാശി സിനിമയുടെ റിലീസ് പ്രഖ്യാപിച്ചു
സച്ചിൻ ഖേഡാക്കർ, മുരളി ശർമ, ലക്ഷ്മി, അലി, രോഹിണി വെണ്ണേലാ, രാഹുൽ രാമകൃഷ്ണൻ, ശ്രീകാന്ത് ഐയ്യങ്കാർ, ശരണ്യ പ്രദീപ് എന്നിവരാണ് ചിത്രത്തിൽ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ജി മുരളിയാണ് ചിത്രത്തിന്റെ ക്യാമറ കൈകാര്യം ചെയ്യുന്നത്. എഡിറ്റിങ് പ്രവിൻ പുഡി.
ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ Twitter, Facebook ലിങ്കുകളിൽ ക്ലിക്കുചെയ്യുക.
