Actor Joju George ന് ഐക്യദാർഢ്യം പ്രഖ്യാപിച്ച് Freedom Fight അണിയറ പ്രവർത്തകർ, ചിത്രത്തിന്റെ പുതിയ പോസ്റ്റർ പുറത്ത് വിട്ടു

Kochi : ഇടപ്പള്ളി വൈറ്റില ബൈപ്പാസിൽ വഴി തടഞ്ഞു കൊണ്ടുള്ള കോൺഗ്രസിന്റെ സമരത്തെ പ്രതിഷേധം ഉയർത്തിയ നടൻ ജോജു ജോർജിന്റെ (Actor Joju George) വാഹനം തകർത്ത സംഭവത്തിൽ താരത്തിന് ഐക്യദാർഢ്യം പ്രഖ്യാപിച്ച് ഫ്രീഡം ഫൈറ്റ് ചിത്രത്തിന്റെ അണിയറ പ്രവർത്തകർ. ഫ്രീഡം ഫൈറ്റിൽ (Freedom Fight) ജോജു അവതരിപ്പിക്കുന്ന കഥാപാത്രത്തിന്റെ ചിത്രം പങ്കെവെച്ചാണ് അണിയറ പ്രവർത്തകർ സംഭവത്തിൽ നടന് ഐക്യദാർഢ്യം അറിയിച്ചിരിക്കുന്നത്.

"ജോജു ചേട്ടന്റെ  സമരത്തിനൊപ്പം" എന്ന കുറിപ്പ് നൽകിയാണ് ചിത്രത്തിന്റെ സംവിധായകരിൽ ഒരാളായ ജിയോ ബേബി പോസ്റ്റർ തന്റെ ഫേസ്ബുക്കിൽ പങ്കുവെച്ചത്.

ALSO READ : Actor Joju George : ജോജു ജോര്‍ജിന്‍റെ കാര്‍ തകര്‍ത്ത സംഭവത്തിൽ ഇന്ന് കൂടുതൽ പേരെ അറസ്റ്റ് ചെയ്‌തേക്കും

ജിയോ ബേബിക്ക് പുറമെ നാല് യുവ സംവിധായകരും ചേർന്ന് ഒരുക്കുന്ന ആന്തോളിജിയാണ് ഫ്രീഡം ഫൈറ്റ്. കുഞ്ഞില മസ്സിലാമണി, ജിതിൻ ഐസക്ക് തോമസ്, അഖിൽ അനിൽകുമാർ, ഫ്രാൻസിസ് ലൂയിസ് എന്നിവരാണ് മറ്റ് ചിത്രങ്ങൾ ഒരുക്കുന്ന സംവിധായകർ. ഇതിൽ കുഞ്ഞില മസ്സിലമണിയുടെയും ഫ്രാൻസിസിന്റെയും ആദ്യ ചിത്രമാണ്. അർച്ചന 31 നോട്ട് ഔട്ട് എന്ന ഐശ്വര്യ ലക്ഷ്മി ചിത്രത്തിന്റെ സംവിധായകനാണ്.

ALSO READ : The Great Indian Kitchen ശേഷം ജിയോ ബേബിയുടെ പുതിയ ചിത്രം, സംവിധാനം ഒറ്റയ്ക്കല്ല ഒരു കൂട്ടം പേരുണ്ട്, പേര് Freedom Fight

5 സിനിമകളുള്ള ആന്തോളിജിയിൽ ജോജു ജേർജ്, രജിഷ വിജയൻ, ശ്രിന്ദ, സിദ്ധാർഥ ശിവ, രോഹിണി, കബനി എന്നിവരാണ്.  മാൻകൈൻഡ് സിനിമാസിന്റെയും സിമിട്രി സിനമാസിന്റെയും  ബാനറിൽ ജോമോൻ ജേക്കബ്,ഡിജോ അഗസ്റ്റിന്, സജിൻ എസ് രാജ്,വിഷ്ണു രാജൻ എന്നിവർ ചേർന്നാണ് സിനിമ നിർമിക്കുന്നത്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...