Abraham Ozler OTT : എബ്രഹാം ഓസ്ലർ ഏത് ഒടിടിയിൽ വരും? പ്രൈം വീഡിയോയിലോ അതോ ഹോട്ട്സ്റ്റാറിലോ?

Abraham Ozler OTT Platform Updates : ഒടിടി റിലീസിനായി പ്രേക്ഷകർ അക്ഷമയോടെ കാത്തിരിക്കുന്നത് ജയറാമിന്റെ ത്രില്ലർ ചിത്രം അബ്രഹാം ഓസ്ലറിന് വേണ്ടിയാണ്. മമ്മൂട്ടി അതിഥി വേഷത്തിലെത്തിയ മിഥുൻ മാനുവൽ തോമസ് ഒരുക്കിയ മെഡിക്കൽ ത്രില്ലർ ചിത്രം ഫെബ്രുവരി ഒമ്പതിന് ഒടിടിയിൽ എത്തുമെന്ന് റിപ്പോർട്ടുകളുണ്ടായിരുന്നു. എന്നാൽ ഓസ്ലർ ഒടിടിയിൽ എത്താതെ 140 ഓളം തിയറ്ററുകളിൽ പ്രദർശനം തുടർന്നു. 2024ലെ മലയാളം സിനിമ ഇൻഡസ്ട്രിയിൽ ആദ്യ സൂപ്പർ ഹിറ്റ് ചിത്രമാണ് ജയറാം-മമ്മൂട്ടി കൂട്ടുകെട്ടിൽ എത്തിയ ഓസ്ലർ. റിലീസായി 30 ദിവസം പിന്നിട്ട ചിത്രത്തിന്റെ ഒടിടി റിലീസിനായി കാത്തിരിക്കുകയാണ് പ്രേക്ഷകർ. എന്നാൽ ഓസ്ലർ ഏത് പ്ലാറ്റ്ഫോമിൽ എത്തുമെന്ന് ഇപ്പോഴും കൃത്യമായ ധാരണ പലർക്കും ഇല്ല.

ഓസ്ലറിന്റെ ഒടിടി പ്ലാറ്റ്ഫോമേതാണ്?

നേരത്തെ ഫെബ്രുവരി 9ന് ചിത്രം ഒടിടിയിൽ എത്തുമെന്ന് ഇംഗ്ലീഷ് മാധ്യമങ്ങളായ ടൈംസ് ഓഫ് ഇന്ത്യ, റിപ്പബ്ലിക്ക്, ഫിലിമി ബീറ്റ് തുടങ്ങിയവ റിപ്പോർട്ട് ചെയ്തിരുന്നു. ആ റിപ്പോർട്ടിൽ ജയറാം ചിത്രത്തിന്റെ ഡിജിറ്റൽ അവകാശം ലഭിച്ചിരിക്കുന്നത് ആമസോൺ പ്രൈം വീഡിയോയ്ക്കാണെന്നാണ് പറയുന്നത്. എന്നാൽ ദ വീക്കും ഹിന്ദുസ്ഥാൻ ടൈംസും പങ്കുവെക്കുന്ന ഏറ്റവും പുതിയ റിപ്പോർട്ടുകൾ പ്രകാരം ഓസ്ലറിന്റെ ഒടിടി അവകാശം ലഭിച്ചിരിക്കുന്നത് ഡിസ്നി പ്ലസ് ഹോട്ട്സ്റ്റാറിനാണെന്നാണ്. 

ഓസ്ലറിന്റെ ഒടിടി റിലീസ് എന്ന്?

ഇത് ആരാധകരിൽ വലിയ സംശയം സൃഷ്ടിച്ചിരിക്കുകയാണ്. എന്നിരുന്നാലും ഒടിടി പ്ലാറ്റ്ഫോമിന്റെയും ചിത്രത്തിന്റെ അണിയറപ്രവർത്തകരുടെ ഔദ്യോഗിക പ്രഖ്യാപനത്തിനായി കാത്തിരിക്കേണ്ടിയിരിക്കുന്നു. പുതിയ റിപ്പോർട്ടുകൾ പ്രകാരം ഓസ്ലർ ഈ ആഴ്ചയിൽ ഒടിടിയിൽ എത്താൻ സാധ്യതയുണ്ടെന്നാണ് പറയുന്നത്. അതേസമയം ഡിസ്നി പ്ലസ് ഹോട്ട്സ്റ്റാറിനാണ് ഓസ്ലറിന്ഫെ ഡിജിറ്റൽ അവകാശം ലഭിച്ചിരിക്കുന്നെങ്കിൽ ഒരാഴ്ചയിലേറെ പ്രൊമോഷൻ നൽകിയതിന് ശേഷമെ ഒരു ചിത്രം ഒടിടിൽ സംപ്രേഷണം ചെയ്യും.

ALSO READ : Queen Elizabeth OTT : പ്രണയദിനത്തിൽ ക്വീൻ എലിസബത്ത് ഒടിടിയിൽ എത്തി; എവിടെ കാണാം?

ഓസ്ലർ ബോക്സ്ഓഫീസിൽ

ചിത്രം 50 കോടിയോളം ആഗോള ബോക്സ്ഓഫീസിൽ നേടിയതായിട്ടാണ് റിപ്പോർട്ടുകൾ സൂചിപ്പിക്കുന്നത്. സൂപ്പർ ഹിറ്റ് ചിത്രമായ അഞ്ചാം പാതിരയ്ക്ക് ശേഷം മിഥുൻ മാനുവൽ തോമസ് ഒരുക്കുന്ന ചിത്രമെന്ന പേരിൽ തന്നെ ഓസ്ലർക്ക് റിലീസിന് മുമ്പെ പ്രേക്ഷക ശ്രദ്ധ ലഭിച്ചിരുന്നു. ഒപ്പം മമ്മൂട്ടി ചിത്രത്തിൽ കാമിയോ വേഷം ചെയ്യുമെന്ന് അഭ്യുഹങ്ങൾ വന്നതോടെ ഓസ്ലറിന് കൂടുതൽ പ്രേക്ഷകരിലേക്കെത്തി. ആദ്യ മൂന്ന് ദിവസം കൊണ്ട് ഓസ്ലർ 8.15 കോടിയാണ് ബോക്സ് ഓഫീസിൽ നേടിയത്. ഏറ്റവും ഒടുവിൽ 25-ാം ദിവസം പുറത്ത് വിട്ട കണക്ക് പ്രകാരം ആഗോള ബോക്സ് ഓഫീസിൽ ജയറാം ചിത്രം നേടിയത് 40 കോടി രൂപയാണ്. യുഎഇയിൽ കളക്ഷൻ ഏകദേശം പത്ത് കോടിയോളം ഓസ്ലർ നേടിട്ടുണ്ട്. പുതിയ കണക്കുകൾ എല്ലാ കൂടി വരുമ്പോൾ ജയറാം ചിത്രത്തിന്റെ ആകെ ബോക്സ്ഓഫീസ് കണക്ക് 50 കോടി കടക്കും.

ഡോക്ടറായ രൺധീർ കൃഷ്ണൻ എഴുതിയ കഥയാണ് മിഥുൻ മുനുവൽ സംവിധാനം ചെയ്തിരിക്കുന്നത്. ഇർഷാദ് എം ഹസ്സനും മിഥുൻ മാനുവെലും ചേർന്നാണ് നേരമ്പോക്ക് സിനിമാസിന്റെ ബാനറിൽ  ചിത്രം നിർമിച്ചിരിക്കുന്നത്. ജയറാമിനെയും മമ്മൂട്ടിയെയും കൂടാതെ അർജുൻ അശോകൻ, ദിലീഷ് പോത്തൻ, ജഗദീഷ്, അനശ്വര രാജൻ, സെന്തിൽ കൃഷ്‍ണ, അർജുൻ നന്ദകുമാർ, ആര്യ സലിം, അസീം ജമാൽ എന്നിവരാണ് മറ്റ് പ്രധാന കഥാപാത്രങ്ങളെ ചിത്രത്തിൽ അവതരിപ്പിക്കുന്നത്.

സംഗീതം മിഥുൻ മുകുന്ദ്, എഡിറ്റിംഗ് സൈജു ശ്രീധർ, കലാസംവിധാനം ഗോകുൽദാസ്, മേക്കപ്പ് റോണക്സ്‌ സേവ്യർ, കോസ്റ്റ്യും ഡിസൈൻ അരുൺ മനോഹർ, ക്രിയേറ്റീവ് ഡയറക്ടർ പ്രിൻസ് ജോയ്, അസ്റ്റോസ്സിയേറ്റ് ഡയറക്ടേർസ് റോബിൻ വർഗീസ്, രജീഷ് വേലായുധൻ, എക്സിക്യുട്ടീവ്  പ്രൊഡ്യൂസർ ജോൺ മന്ത്രിക്കൽ, ലൈൻ പ്രൊഡ്യൂസർ സുനിൽ സിംഗ്, പ്രൊഡക്ഷൻ എക്സിക്യുട്ടീവ് പ്രസാദ് നമ്പ്യാങ്കാവ്, പ്രൊഡക്ഷൻ കൺട്രോളർ പ്രശാന്ത് നാരായണൻ, ഫോട്ടോ സുഹൈബ്, പിആര്‍ഒ വാഴൂര്‍ ജോസ് എന്നിവരാണ് മറ്റ് അണിയറ പ്രവർത്തകർ. ചിത്രത്തിൽ മമ്മൂട്ടിയുടെ എൻട്രി അടക്കം വളരെ രഹസ്യമായാണ് അണിയറ പ്രവർത്തകർ സൂക്ഷിച്ചിരുന്നത്. ഇത് കൊണ്ട് തന്നെ ചിത്രത്തിന് വലിയ പ്രേക്ഷക പ്രീതിയാണ് ലഭിച്ചതും.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.