ശ്രീനഗർ: ജമ്മു കശ്മീരില്‍ സുരക്ഷാസേനയും തീവ്രവാദികളുമായുള്ള ഏറ്റുമുട്ടലില്‍ മൂന്ന് ലഷ്ക്കര്‍-ഇ-തോയിബ ഭീകരന്‍ കൊല്ലപ്പെട്ടു. ബാരമുള്ള ജില്ലയിലെ സൊപോറെയില്‍ നടന്ന ഏറ്റുമുട്ടലിലാണ് സൈന്യം ഭീകരരെ വധിച്ചത്. ഒരുപോലീസ് ഉദ്യോഗസ്ഥന് പരിക്കേറ്റതായി റിപ്പോര്‍ട്ടുണ്ട്.
ഇന്നലെ രാത്രി തുടങ്ങിയ ഏറ്റുമുട്ടല്‍ മൂന്നുമണിക്കൂര്‍ നീണ്ടുനിന്നു. മേഖലയിൽ ഭീകരര്‍ ഒളിച്ചിരിക്കുന്നുണ്ടെന്ന സൂചനകള്‍ ലഭിച്ചതിനെ തുടര്‍ന്ന്‍ സൈന്യം വളയുകയായിരുന്നു. ഭീകരരുടെ സാന്നിധ്യമറിഞ്ഞ് പൊലീസും,ആർആറും,സിആർപിഎഫും, സ്പെഷ്യല്‍ ഓപ്പറേഷന്‍ ഗ്രൂപ്പും സംയുക്തമായി നടത്തിയ ആക്രമണത്തിലാണ് സൈന്യം മൂന്നു ഭീകരരെ വധിച്ചത്.
