Chandigarh: ചണ്ഡീഗഡിൽ പഞ്ചാബ് മുഖ്യമന്ത്രി ഭഗവന്ത് മാന്‍റെ വസതിക്ക് സമീപം ബോംബ് കണ്ടെത്തി. മുഖ്യമന്ത്രിയുടെ വസതിയില്‍ നിന്ന് 500 മീറ്റർ അകലെയുള്ള ഹെലിപാഡിൽ നിന്നാണ് ബോംബ് കണ്ടെത്തിയത്.
ഒരു കുഴൽക്കിണർ ഓപ്പറേറ്ററാണ് വൈകുന്നേരം 4 മണിയ്ക്ക് ശേഷം ഹെലിപാഡിനും മാന്‍റെ വസതിക്കും സമീപമുള്ള മാവിൻതോട്ടത്തിൽ ബോംബ് കണ്ടെത്തിയത്. ഈ സമയം, മുഖ്യമന്ത്രി വസതിയിൽ ഉണ്ടായിരുന്നില്ല.
Bomb found near Punjab CM Bhagwant Mann's house in Chandigarh; bomb squad present at the spot pic.twitter.com/qrDCnBS2IF
— ANI (@ANI) January 2, 2023
മുഖ്യമന്ത്രിയുടെ വസതിയ്ക്ക് സമീപം ബോംബ് കണ്ടെത്തിയതോടെ പഞ്ചാബ് പോലീസ് തിങ്കളാഴ്ച കടുത്ത നടപടികളിലേയ്ക്ക് നീങ്ങി. സ്ഥലത്ത് കൂടുതല്‍ പോലീസ് സേനയെ വിന്യസിച്ചു.
അതിനിടെ ബോംബ് നിർവീര്യമാക്കൽ സ്ക്വാഡ് സ്ഥലത്തെത്തിയിട്ടുണ്ട്. കൂടാതെ, ബോംബ് സംബന്ധിച്ച അന്വേഷണത്തിനായി ഇന്ത്യൻ ആർമിയുടെ വെസ്റ്റേൺ കമാൻഡിനെയും അറിയിച്ചിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
