India COVID Update : മൂന്ന് മാസത്തിൽ ആദ്യമായി രാജ്യത്ത് കോവിഡ് രോഗബാധിതരുടെ എണ്ണം 50,000 ത്തിൽ താഴെ

New Delhi : രാജ്യത്ത് കഴിഞ്ഞ മൂന്ന് മാസത്തിനിടയിൽ ആദ്യമായി 50,000 ത്തിൽ താഴെ മാത്രം പ്രതിദിന കോവിഡ് കേസുകൾ (Covid 19)  സ്ഥിരീകരിച്ചു. ആകെ    42,640 പേർക്കാണ് കഴിഞ്ഞ 24 മണിക്കൂറുകളിൽ കോവിഡ് രോഗബാധ സ്ഥിരീകരിച്ചത്. കൂടാതെ 1167 പേർ കോവിഡ് രോഗബാധയെ തുടർന്ന് മരണപ്പെടുകയും ചെയ്‌തു.

കേന്ദ്ര ആരോഗ്യ മന്ത്രാലയത്തിന്റെ കണക്കുകൾ അനുസരിച്ച് രാജ്യത്തെ ആകെ കോവിഡ് (Covid 19) രോഗം ബാധിച്ചവരുടെ എണ്ണം 2.99 കോടിയായി. 6.62 ലക്ഷം പേരാണ് നിലവിൽ കോവിഡ് രോഗബാധയെ തുടർന്ന് ചികിത്സയിൽ കഴിയുന്നത്. കഴിഞ്ഞ 79 ദിവസങ്ങൾക്ക് ശേഷമാണ് കോവിഡ് ചികിത്സയിൽ കഴിയുന്നവരുടെ എണ്ണം 7 ലക്ഷത്തിൽ താഴെഎത്തുന്നത്.

ALSO READ: COVID Vaccine വിതരണം കേന്ദ്രം ഏറ്റെടുത്ത ആദ്യ ദിവസം വാക്‌സിൻ സ്വീകരിച്ചത് 85.96 ലക്ഷം പേർ

അതെസമയം കേന്ദ്ര സർക്കാർ കോവിഡ് വാക്‌സിൻ (Covid Vaccination) വിതരണം ഏറ്റെടുത്ത ആദ്യ ദിവസം തന്നെ കോവിഡ് വാക്‌സിൻ സ്വീകരിച്ചവരുടെ എണ്ണത്തിൽ വൻ വർധന. കേന്ദ്രത്തിന്റെ വാക്‌സിൻ പദ്ധതി ആരംഭിച്ച് ആദ്യ 24 മണിക്കൂറുകൾക്കുള്ളിൽ തന്നെ വാക്‌സിനേഷൻ സ്വീകരിച്ചത് 86 ലക്ഷത്തോളം പേരാണ്.

ALSO READ: COVID Vaccine വിതരണം കേന്ദ്രം ഏറ്റെടുത്തതോടെ വാക്സിൻ സ്വീകരിച്ചവരുടെ എണ്ണം കുത്തനെ ഉയർന്നു

സർക്കാരിന്റെ വാക്‌സിനേഷന് വേണ്ടിയുള്ള കോവിൻ വെബ്സൈറ്റ് നൽകുന്ന വിവരങ്ങൾ അനുസരിച്ച് തിങ്കളാഴ്ച കോവിഡ് വാക്‌സിൻ സ്വീകരിച്ചത് ആകെ  85,96,807 പേരാണ്. തിങ്കളാഴ്ച്ച വാക്‌സിൻ സ്വീകരിക്കുന്നവരുടെ എണ്ണത്തിൽ ഉണ്ടായ വൻ വർധന വളരെ സന്തോഷം നൽകുന്നതാണെന്നെന്ന് പ്രധാന മന്ത്രി നരേന്ദ്ര മോദി (Narendra Modi) ട്വിറ്ററിലൂടെ ഇന്നലെ തന്നെ അറിയിച്ചിരുന്നു.

ALSO READ: Covid Third Wave: കോവിഡ് മൂന്നാം തരംഗം ഒഴിവാക്കാന്‍ സ്വീകരിക്കേണ്ട മുന്‍ കരുതലുകള്‍

കോവിഡ് (Covid 19)  രോഗബാധയ്ക്ക് എതിരെയുള്ള ഏറ്റവും ശക്തമായ ആയുധം വാക്‌സിനേഷൻ ആണെന്ന് അദ്ദേഹം ട്വിറ്ററിൽ കുറിച്ചു, മാത്രമല്ല വാക്‌സിൻ സ്വീകരിച്ചവർക്കും എല്ലാ ജനങ്ങൾക്കും വാക്‌സിൻ എത്തിക്കാനായി പരിശ്രമിക്കുന്ന ആരോഗ്യ പ്രവർത്തകർക്കും അദ്ദേഹം നന്ദി അറിയിക്കുകയും ചെയ്‌തു.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy