Rajasthan Polls 2023: ഭരണ മാറ്റമോ അതോ ഭരണ തുടര്‍ച്ചയോ? രാജസ്ഥാന്‍ നാളെ പോളിംഗ് ബൂത്തിലേയ്ക്ക്

Rajasthan Assembly Election 2023: ഏറെ വാശിയോടെ നടന്ന തിരഞ്ഞെടുപ്പ് പ്രചാരണത്തിന് ശേഷം രാജസ്ഥാന്‍ നാളെ നവംബര്‍ 25 ന്  വിധിയെഴുതും. ശനിയാഴ്ച രാവിലെ 7 മുതൽ വൈകിട്ട് 6 വരെയാണ് പോളിംഗ് നടക്കുക.

രാജസ്ഥാനിലെ 200 മണ്ഡലങ്ങളിൽ 199 മണ്ഡലങ്ങളിലേക്കും നവംബർ 25 ന് വോട്ടെടുപ്പ് നടക്കും. ശ്രീഗംഗാനഗറിലെ കരൺപൂർ മണ്ഡലത്തിലെ കോൺഗ്രസ് സ്ഥാനാർത്ഥി ഗുർമീത് സിംഗ് കോണൂരിന്‍റെ നിർഭാഗ്യകരമായ നിര്യാണത്തെ തുടർന്ന് 199 സീറ്റുകളിലേക്കാണ് വോട്ടെടുപ്പ് നടക്കുന്നത് ഏറെ നിർണായകമായ നിയമസഭാ തിരഞ്ഞെടുപ്പിന്‍റെ ഫലം ഡിസംബർ 3 ന് പ്രഖ്യാപിക്കും. ഈ 199 നിയമസഭാ മണ്ഡലങ്ങളിലായി 5,25,38,105 വോട്ടർമാരാണ് വോട്ടർമാർ.

Also Read:  Bedroom Vastu: ദാമ്പത്യത്തിൽ കലഹം, ഈ സാധനങ്ങള്‍ കിടപ്പുമുറിയില്‍നിന്നും ഒഴിവാക്കാം  
 
സംസ്ഥാനത്തെ പ്രധാന പാര്‍ട്ടികളായ ബിജെപിയും കോണ്‍ഗ്രസും ശക്തമായ പ്രചാരണമാണ് നടത്തിയത്. ഭരണം പിടിച്ചെടുക്കാന്‍ ബിജെപിയും ഭരണ തുടര്‍ച്ചയ്ക്ക് കോണ്‍ഗ്രസും പോരാടുകയാണ്.  സംസ്ഥാനത്ത് നടപ്പാക്കിയ സ്കീമുകൾ, പരിപാടികൾ, ഏഴ് ഉറപ്പുള്ള പുതിയ വാഗ്ദാനങ്ങൾ എന്നിവ ചൂണ്ടിക്കാട്ടി, അശോക് ഗെഹ്ലോട്ട് സർക്കാരിന്‍റെ നേട്ടങ്ങളെ കേന്ദ്രീകരിച്ചാണ് ഭരണകക്ഷിയായ കോൺഗ്രസ് പ്രചാരണം നടത്തുന്നത്. എന്നാല്‍, ഇതിനു വിരുദ്ധമായി, സ്ത്രീകൾക്കെതിരായ കുറ്റകൃത്യങ്ങൾ, അഴിമതി, പേപ്പർ ചോർച്ച തുടങ്ങിയ വിഷയങ്ങളിൽ ബിജെപി കോൺഗ്രസിനെ വേട്ടയാടുന്നു. 

Also Read:  Mysterious Pneumonia outbreak: 'അസാധാരണ' വൈറസല്ല, ശ്വാസകോശ സംബന്ധമായ അസുഖങ്ങളുടെ വർദ്ധന മാത്രം, ചൈന  

ബിജെപിയ്ക്കായി  പ്രധാനമന്ത്രി മോദി തിരഞ്ഞെടുപ്പ് പ്രചാരണത്തിന് ചുക്കാന്‍ പിടിച്ചപ്പോള്‍  പാര്‍ട്ടി ദേശീയ അദ്ധ്യക്ഷന്‍ ജെപി നദ്ദ, കേന്ദ്രമന്ത്രിമാരായ അമിത് ഷാ, സ്മൃതി ഇറാനി, വിവിധ സംസ്ഥാനങ്ങളിൽ നിന്നുള്ള മുഖ്യമന്ത്രിമാർ തുടങ്ങിയ പ്രമുഖർ രാജസ്ഥാനിലുടനീളമുള്ള പൊതുയോഗങ്ങളെ അഭിസംബോധന ചെയ്ത് തിരഞ്ഞെടുപ്പ് പ്രചാരണത്തിന് മൂര്‍ച്ച കൂട്ടി.  ബിക്കാനീറിലും ജയ്പൂരിലും ഒന്നിലധികം യോഗങ്ങളും റോഡ് ഷോകളും നടത്തി പ്രധാനമന്ത്രി നരേന്ദ്ര മോദി ബിജെപിയുടെ പ്രചാരണത്തിന് നേതൃത്വം നൽകി. 

കോൺഗ്രസ് ദേശീയ അദ്ധ്യക്ഷന്‍ മല്ലികാർജുൻ ഖാർഗെ, രാഹുൽ ഗാന്ധി, പ്രിയങ്ക ഗാന്ധി, അശോക് ഗെഹ്ലോട്ട്, സച്ചിന്‍ പൈലറ്റ്‌  എന്നിവരുൾപ്പെടെയുള്ള പ്രധാന നേതാക്കൾ പാര്‍ട്ടിയ്ക്കായി തിരഞ്ഞെടുപ്പ് യോഗങ്ങൾക്ക് നേതൃത്വം നൽകി. 

ഇത്തവണത്തെ രാജസ്ഥാന്‍ നിയമസഭ തിരഞ്ഞെടുപ്പ് ഏറെ പ്രത്യേകത നിറഞ്ഞതാണ്‌. കാരണം, നിരവധി ദേശീയ നേതാക്കള്‍ ഇക്കുറി നിയമസഭ തിരഞ്ഞെടുപ്പില്‍ മത്സരിക്കുന്നു. കൂടാതെ, ബിജെപിയും കോണ്‍ഗ്രസും തമ്മിലുള്ള ഇഞ്ചോടിഞ്ച് പോരാട്ടമാണ് ഇക്കുറി സംസ്ഥാനത്ത് നടക്കുന്നത്.  

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.