Super Foods Prevent Cancer: പഠനങ്ങള്‍ പറയുന്നതനുസരിച്ച് ചില ഭക്ഷണ പദാര്‍ത്ഥങ്ങള്‍ ക്യാൻസറിനെ പ്രതിരോധിക്കുന്ന ഗുണങ്ങൾ കാണിക്കുന്നു. എന്നിരുന്നാലും ഒരു പ്രത്യേക തരം ഭക്ഷണത്തിന് ക്യാൻസറിനെ തടയാനോ സുഖപ്പെടുത്താനോ കഴിയുമെന്നതിന് വ്യക്തമായ തെളിവില്ല.
Also Read: Baldness and Hair Fall: കഷണ്ടിയുടെ ഇരയാണോ? ഷാംപൂ ചെയ്യുമ്പോൾ ഇക്കാര്യങ്ങള്‍ ശ്രദ്ധിക്കുക
ഹൃദ്രോഗം, പ്രമേഹം, ഒരുപക്ഷേ അർബുദം എന്നിവയുൾപ്പെടെയുള്ള രോഗങ്ങളെ തടയുന്നതിനുള്ള നിർണായക ഘടകങ്ങളാണ് പഴങ്ങളും പച്ചക്കറികളും ഉള്‍പ്പെടുത്തിയുള്ള ആരോഗ്യകരമായ ഭക്ഷണക്രമം.
Also Read: Water and Weight loss: വെള്ളം കുടിച്ചും പൊണ്ണത്തടി കുറയ്ക്കാം....!!
ഏതൊക്കെ തരത്തിലുള്ള ഭക്ഷണങ്ങളാണ് ഒഴിവാക്കേണ്ടത് അല്ലെങ്കിൽ ഭക്ഷണക്രമത്തില്‍ പരിമിതമായി ഉപയോഗിക്കേണ്ടത് എന്ന് എല്ലാവര്‍ക്കും അറിയാം. അതായത്, സംസ്കരിച്ച മാംസം, ഉപ്പിട്ട ഭക്ഷണങ്ങൾ, മധുരമുള്ള പാനീയങ്ങൾ എന്നിവയുടെ ഇപയോഗം താരമ്യേന കുറയ്ക്കുന്നതാണ് ആരോഗ്യത്തിന് നല്ലത്. എന്നാല്‍, സസ്യാധിഷ്ഠിത ഇനങ്ങളായ ബ്രോക്കോളി, സരസഫലങ്ങൾ, വെളുത്തുള്ളി എന്നിവയുൾപ്പെടെയുള്ള പച്ചക്കറികളുടെയും പഴങ്ങളുടെയും മിശ്രിതമായ ആരോഗ്യകരമായ ഭക്ഷണക്രമം കാൻസർ പ്രതിരോധത്തിനുള്ള ഏറ്റവും പ്രധാനപ്പെട്ട ഉപായമാണ്.
ക്യാന്‍സറിനെ പ്രതിരോധിക്കുന്നതും നമ്മുടെ ഭക്ഷണക്രമത്തിൽ ഉൾപ്പെടുത്തേണ്ടതുമായ ചില സൂപ്പർഫുഡുകളെ ക്കുറിച്ച് അറിയാം. ഈ ഭക്ഷണ പദാര്‍ത്ഥങ്ങള്‍ ലഭ്യമായ അവസരത്തിലെല്ലാം ദിനംദിന ഭക്ഷണക്രമത്തില്‍ ഉള്‍പ്പെടുത്തുക...
കൂൺ (Mushrooms): രക്തസമ്മർദ്ദവും രക്തത്തിലെ പഞ്ചസാരയുടെ അളവും കുറയ്ക്കാൻ കൂണ്‍ സഹായകമാണ്, കൂടാതെ പ്രതിരോധശേഷി വർദ്ധിപ്പിക്കാനും കൂണ്‍ ഉത്തമമാണ്.
ബ്ലൂബെറി (Blueberries): സ്തനാർബുദത്തെ തടയാൻ സഹായിക്കുന്ന വിറ്റാമിനുകളും ധാതുക്കളും ആന്‍റിഓക്‌സിഡന്റുകളാൽ നിറഞ്ഞതാണ് ബ്ലൂബെറി. സ്തനാർബുദത്തിന്‍റെ വിവിധ രൂപങ്ങളുടെ വളർച്ചയും വ്യാപനവും തടയാൻ ബ്ലൂബെറിയിലെ ഫൈറ്റോകെമിക്കലുകൾ ഒരുമിച്ച് പ്രവർത്തിക്കുന്നു. കാൻസർ പ്രതിരോധ ഗുണങ്ങളുള്ള എലാജിക് ആസിഡ് പോലുള്ള ആന്‍റി ഓക്‌സിഡന്റുകളാലും ബ്ലൂബെറി സമ്പുഷ്ടമാണ്.
ഫ്ളാക്സ് സീഡ് (Flaxseeds): സ്തനാർബുദം പോലെയുള്ള ഈസ്ട്രജൻ ആശ്രിത കാൻസറുകളിൽ നിന്ന് സംരക്ഷിക്കുന്ന ഉയർന്ന ലിഗ്നാനുകൾ ഫ്ളാക്സ് സീഡിൽ അടങ്ങിയിട്ടുണ്ട് . ഫ്ളാക്സ് സീഡും ഫ്ളാക്സ് സീഡ് ഓയിലും ഒമേഗ-3 ഫാറ്റി ആസിഡ് ALA സ്രോതസ്സുകളിൽ ഒന്നാണ്, ഇത് സ്തനാർബുദത്തിന് കാരണമായ കാൻസർ കോശങ്ങൾക്കെതിരെ ഒരു സംരക്ഷണ കവചമായി പ്രവര്‍ത്തിക്കുന്നു എന്നാണ് പഠനങ്ങള്‍ പറയുന്നത്.
മഞ്ഞൾ (Turmeric): സ്തനാർബുദം, ദഹനനാളം, ശ്വാസകോശം, ത്വക്ക് കാൻസർ തുടങ്ങിയ കാൻസർ കോശങ്ങളെ തടയാൻ കഴിയുന്ന കുർക്കുമിൻ (Curcumin) എന്നറിയപ്പെടുന്ന ഒരു സംയുക്തം മഞ്ഞളിൽ അടങ്ങിയിട്ടുണ്ട്. ശക്തമായ കോശ സംരക്ഷണം, ആന്റിഓക്‌സിഡന്റ്, ആന്‍റി -ഇൻഫ്ലമേറ്ററി ഗുണങ്ങൾ എന്നിവ കാരണം സ്തനാർബുദത്തിന്‍റെ വ്യാപനത്തെ ഗണ്യമായി ചെറുക്കാനും മന്ദഗതിയിലാക്കാനും ഇത് സഹായിക്കുമെന്നാണ് പഠനങ്ങൾ കണ്ടെത്തിയിരിയ്ക്കുന്നത്.
ബ്രോക്കോളി (Broccoli): ഈസ്ട്രജൻ മെറ്റബോളിസത്തെ മാറ്റാനും ബ്രെസ്റ്റ് ട്യൂമർ കോശ വളർച്ചയെ തടയാനും സഹായിക്കുന്ന ഇൻഡോൾ-3-കാർബിനോൾ എന്നറിയപ്പെടുന്ന ക്യാൻസറിനെ പ്രതിരോധിക്കുന്ന സംയുക്തങ്ങൾ ബ്രൊക്കോളിയിൽ അടങ്ങിയിട്ടുണ്ട്. സ്തനാർബുദം, സെർവിക്സ്, പ്രോസ്റ്റേറ്റ് കാൻസർ തുടങ്ങിയ കാൻസറുകളിൽ നിന്നും ഇവ സംരക്ഷിക്കുന്നു.
നല്ല പോഷകാഹാരം നമ്മുടെ ശരീരത്തിന്‍റെ ആരോഗ്യത്തിന് ഏറെ അത്യാവശ്യമാണ്, അതായത് നമ്മുടെ മൊത്തത്തിലുള്ള ആരോഗ്യത്തിന് ഗുണം ചെയ്യുന്നതും രോഗപ്രതിരോധ സംവിധാനത്തെ മെച്ചപ്പെടുത്താനും സഹായിക്കുന്ന തരത്തിലുള്ള ഭക്ഷണ പദാര്‍ത്ഥങ്ങള്‍ ആഹാരക്രമത്തില്‍ ഉള്‍പ്പെടുത്തേണ്ടത് അനിവാര്യമാണ്.....
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
