കെറ്റോജെനിക് ഡയറ്റ് കൂടുതൽ കൊഴുപ്പും കുറച്ച് കാർബോഹൈഡ്രേറ്റും കഴിക്കുന്നതിലൂടെ ശരീരത്തെ കെറ്റോസിസ് അവസ്ഥയിലേക്ക് പ്രവേശിക്കാൻ ഉത്തേജിപ്പിക്കുന്നു. കാർബോഹൈഡ്രേറ്റ് കഴിക്കുന്നത് ഗണ്യമായി കുറയ്ക്കുകയും കൊഴുപ്പ് ഉപഭോഗം വർദ്ധിപ്പിക്കുകയും ചെയ്തുകൊണ്ട് ശരീരം അതിന്റെ പ്രാഥമിക ഇന്ധന സ്രോതസ്സായി സംഭരിച്ചിരിക്കുന്ന കൊഴുപ്പിൽ നിന്ന് സൃഷ്ടിക്കപ്പെടുന്ന കെറ്റോണുകൾ ഉപയോഗിക്കും.
ഉയർന്ന കൊഴുപ്പ്, മിതമായ പ്രോട്ടീൻ, വളരെ കുറഞ്ഞ കാർബോഹൈഡ്രേറ്റ് എന്നിവയാണ് കെറ്റോജെനിക് ഭക്ഷണത്തിന്റെ പ്രധാന ഘടകങ്ങൾ. കീറ്റോ ഡയറ്റ് പ്രധാനമായും കാർബോഹൈഡ്രേറ്റ് കുറയ്ക്കുന്നതിലാണ് ശ്രദ്ധ കേന്ദ്രീകരിക്കുന്നതെങ്കിലും റൊട്ടി, പറാത്ത, ചപ്പാത്തി തുടങ്ങിയ ചില പ്രധാന ഭക്ഷണങ്ങൾ ഉപേക്ഷിക്കാൻ പലർക്കും ബുദ്ധിമുട്ടാണ്.
റൊട്ടി, പറാത്ത, ചപ്പാത്തി തുടങ്ങിയ പരമ്പരാഗത ഇന്ത്യൻ വിഭവങ്ങൾ സാധാരണയായി ആട്ട അല്ലെങ്കിൽ ഗോതമ്പ് മാവ് ഉപയോഗിച്ചാണ് തയ്യാറാക്കുന്നത്. അതിൽ ഉയർന്ന കാർബോഹൈഡ്രേറ്റ് അടങ്ങിയിട്ടുണ്ട്. കെറ്റോജെനിക് ഡയറ്റ് പിന്തുടരുന്ന ആളുകൾക്ക് കീറ്റോ ഫ്രണ്ട്‌ലി ബദൽ ഉപയോഗിച്ച് സാധാരണ ആട്ട മാറ്റി കീറ്റോസിസ് നിലനിർത്തിക്കൊണ്ട് അവരുടെ പ്രിയപ്പെട്ട ഭക്ഷണം കഴിക്കുന്നത് തുടരാം.
ALSO READ: Tomato Side Effects: തക്കാളി ചിലപ്പോൾ വില്ലനാകും... അലർജി മുതൽ കിഡ്നി സ്റ്റോൺ വരെ
കെറ്റോ ആട്ടയുടെ ചേരുവകൾ:
ബദാം
മത്തങ്ങ വിത്തുകൾ
ലിൻസീഡ് (ഫ്ലാക്സ് സീഡ്)
ചിയ വിത്തുകൾ
സൈലിയം ഹസ്ക് പൗഡർ
കീറ്റോ ആട്ടയുടെ ആരോഗ്യ ഗുണങ്ങൾ
സാധാരണ ആട്ടയേക്കാൾ വളരെ കുറച്ച് കാർബോഹൈഡ്രേറ്റുകളുള്ളതിനാൽ കീറ്റോ അല്ലെങ്കിൽ കുറഞ്ഞ കാർബ് ഡയറ്റ് പിന്തുടരുന്ന ആർക്കും കീറ്റോ ആട്ട അനുയോജ്യമാണ്. സാധാരണ ഗോതമ്പ് മാവിനേക്കാൾ കുറഞ്ഞ ഗ്ലൈസെമിക് സൂചിക (ജിഐ) ഉള്ളതിനാൽ കീറ്റോ ആട്ട കഴിച്ചതിനുശേഷം രക്തത്തിലെ പഞ്ചസാരയുടെ അളവ് സാവധാനത്തിലും ക്രമാനുഗതമായും വർദ്ധിക്കുന്നു.
ഇത് പ്രമേഹമുള്ളവർക്ക് നിർണായകമായ രക്തത്തിലെ പഞ്ചസാരയുടെ പെട്ടെന്നുള്ള ഉയർച്ചയെ തടയാൻ സഹായിക്കുന്നു. കീറ്റോ ആട്ടയിലെ പ്രധാന ചേരുവയായ സൈലിയം ഹസ്ക് പൗഡർ പോഷക ഗുണമുള്ളതും നാരുകളുടെ നല്ല ദാതാവുമാണ്. ഉയർന്ന നാരുകളുള്ള ഭക്ഷണക്രമം ദഹനത്തെ സുഗമമാക്കുന്നു. ഇത് കൂടുതൽ നേരം വിശപ്പ് തോന്നാതിരിക്കാൻ സഹായിക്കുന്നു. രക്തത്തിലെ പഞ്ചസാരയുടെ അളവ് സ്ഥിരമായി നിലനിർത്താൻ സഹായിക്കുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
