പപ്പായ ഒരു ഉഷ്ണമേഖലാ ഫലമാണ്. അതിൻ്റെ മധുരവും ഉന്മേഷദായകവുമായ സ്വാദും പപ്പായയെ പ്രിയപ്പെട്ടതാക്കുന്നു. രുചിക്ക് പുറമേ, അവശ്യ പോഷകങ്ങൾ അടങ്ങിയ ഒന്നാണ് പപ്പായ. പപ്പായ ദഹനത്തിന് മികച്ചതാണ്.
നിരവധി ആരോഗ്യപ്രശ്നങ്ങൾക്കുള്ള പരിഹാരമാണ് പപ്പായ. ഇത് രാവിലെ വെറുംവയറ്റിൽ കഴിക്കുന്നത് നിരവധി ആരോഗ്യ ഗുണങ്ങൾ നൽകും. വെറും വയറ്റിൽ പപ്പായ കഴിക്കുന്നത് വഴി ലഭിക്കുന്ന ആരോഗ്യ ഗുണങ്ങൾ എന്തെല്ലാമാണെന്ന് അറിയാം.
പ്രതിരോധശേഷി വർധിപ്പിക്കുന്നു: വിറ്റാമിൻ സി സമ്പുഷ്ടമായ പപ്പായയിൽ പ്രതിരോധശേഷി വർധിപ്പിക്കുന്ന മറ്റ് പോഷകങ്ങളും അടങ്ങിയിട്ടുണ്ട്. ഒഴിഞ്ഞ വയറ്റിൽ പപ്പായ കഴിക്കുന്നത് ഈ പോഷകങ്ങളുടെ ആഗിരണം വർധിപ്പിക്കുകയും സ്വാഭാവിക പ്രതിരോധശേഷി വർധിപ്പിക്കുകയും ചെയ്യുന്നു. ഇത് അണുബാധകളെ ചെറുക്കാൻ ശരീരത്തെ സഹായിക്കുന്നു, ഇത് മൊത്തത്തിലുള്ള ആരോഗ്യത്തിനും ക്ഷേമത്തിനും സഹായിക്കുന്നു.
ALSO READ: ശരീരഭാരം കുറയ്ക്കാനുള്ള പാനീയങ്ങൾ; വേനൽക്കാലത്ത് കലോറി കുറഞ്ഞ ഈ പാനീയങ്ങൾ കുടിക്കാം
ശരീരഭാരം നിയന്ത്രിക്കുന്നു: പപ്പായയിലെ ഉയർന്ന ഫൈബർ ഉള്ളടക്കം വിശപ്പ് കുറയ്ക്കാൻ സഹായിക്കുകയും അമിതമായി ഭക്ഷണം കഴിക്കുന്നത് തടയുകയും ചെയ്യുന്നു. ഒഴിഞ്ഞ വയറ്റിൽ പപ്പായ കഴിക്കുമ്പോൾ, പപ്പായയിൽ അടങ്ങിയിരിക്കുന്ന നാരുകൾ ദഹനം മികച്ചതാക്കുകയും ഇത് ദിവസം മുഴുവൻ കലോറി ഉപഭോഗം കുറയ്ക്കുകയും ചെയ്യുന്നു.
ചർമ്മത്തിന്റെ ആരോഗ്യം മികച്ചതാക്കുന്നു: പപ്പായയിൽ അവശ്യ പോഷകങ്ങൾ, ആൻ്റിഓക്‌സിഡൻ്റുകൾ, വിറ്റാമിനുകൾ, ധാതുക്കൾ എന്നിവ അടങ്ങിയിരിക്കുന്നു. തിളക്കമുള്ളതും യുവത്വമുള്ളതുമായ ചർമ്മത്തിന് ഇവ ഗുണം ചെയ്യുന്നു. രാവിലെ വെറുംവയറ്റിൽ പപ്പായ കഴിക്കുന്നത് ചർമ്മത്തിൻ്റെ ആരോഗ്യം മികച്ചതാക്കുകയും ചർമ്മത്തിന് തിളക്കം നൽകുകയും ചെയ്യുന്നു.
ഹൃദയാരോഗ്യം: പപ്പായയിൽ ആൻ്റിഓക്‌സിഡൻ്റുകളും പൊട്ടാസ്യവും അടങ്ങിയിട്ടുണ്ട്. ഇത് ഹൃദയത്തിന്റെ ആരോഗ്യം മികച്ചതാക്കാൻ സഹായിക്കുന്നു. ഒഴിഞ്ഞ വയറ്റിൽ പപ്പായ കഴിക്കുന്നത് ശരീരത്തിലെ വിഷാംശം ഇല്ലാതാക്കുകയും ഹാനികരമായ വിഷവസ്തുക്കളും ഫ്രീ റാഡിക്കലുകളും നീക്കം ചെയ്യുകയും ചെയ്യുന്നു. കൂടാതെ, പപ്പായയിലെ പൊട്ടാസ്യം രക്തസമ്മർദ്ദം നിയന്ത്രിക്കാനും ഹൃദയാഘാത സാധ്യത കുറയ്ക്കാനും ഹൃദയസംബന്ധമായ പ്രശ്നങ്ങൾ തടയാനും സഹായിക്കുന്നു.
ALSO READ: രുചികരമായ ഈ ഭക്ഷണങ്ങൾ കഴിക്കാം.... ശരീരഭാരം വർധിപ്പിക്കാതെ തന്നെ
കണ്ണിന്റെ ആരോഗ്യത്തിന് മികച്ചത്: പപ്പായയിൽ ഉയർന്ന അളവിൽ വിറ്റാമിൻ സി, ഇ, ബീറ്റാ കരോട്ടിൻ എന്നിവ അടങ്ങിയിട്ടുണ്ട്. ഇത് കണ്ണിൻ്റെ ആരോഗ്യത്തിന് ഗുണം ചെയ്യുന്നു. രാവിലെ പതിവായി പപ്പായ കഴിക്കുന്നത് കാഴ്ചശക്തി വർധിപ്പിക്കുകയും പ്രായവുമായി ബന്ധപ്പെട്ട കാഴ്ച പ്രശ്നങ്ങൾ കുറയ്ക്കാൻ സഹായിക്കുകയും ചെയ്യുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
