തീരെ ചെറിയ കുട്ടികളിൽ തുടങ്ങി വലിയ ആളുകൾക്ക് വരെ കണ്ടുവരുന്ന ഒന്നാണ് തൊണ്ടവേദന . മനുഷ്യശരീരത്തിലുള്ള പ്രതിരോധ സംവിധാനത്തിലെ പ്രധാനപ്പെട്ട ഒന്നാണ് ടോൺസിലുകൾ . ശരീരത്തിനുള്ളിൽ കടക്കുന്ന അണുക്കളെ ആദ്യം നേരിടുന്നത് ഈ ടോൺസിലുകളാണ് . തൊണ്ടയിൽ നാവിന്റെ ഉദ്ഭവ സ്ഥാനത്ത് ഇരുവശങ്ങളിലുമാണ് ഇവ സ്ഥിതി ചെയ്യുന്നത്. സാധാരണയായി ടോൺസിലുകൾ അണുക്കളെ തടഞ്ഞുനിർത്തി അവയെ നശിപ്പിച്ചോ നിർവീര്യമാക്കിയോ ആണ് ആര്യോഗം സംരക്ഷിക്കുന്നത്.എന്നാൽ എല്ലായ്പ്പോഴും ഈ പ്രതിരോധ നടപടി ശരിയാവണമെന്നില്ല . അണുക്കൾ കൂട്ടത്തോടെ എത്തി ആക്രമണത്തിന്റെ ശക്തി കൂടുമ്പോൾ ടോൺസിലുകൾ കീഴടങ്ങും .
എന്താണ് ടോൺസിലൈറ്റിസ്
ശരീരത്തിന്റെ പ്രതിരോധ ശേഷി കുറയുമ്പോഴും രോഗാണു ശക്തമാകുമ്പോഴും മറ്റും ടോൺസിൽ ഗ്രന്ഥിയിൽ ഉണ്ടാകുന്ന അണുബാധയാണ് ടോൺസിലൈറ്റിസ് . മുതിർന്നവരിലും കുട്ടികളിലും ഇത് കാണപ്പെടുമെങ്കിലും സാധാരണയായി കുട്ടികളിലാണ് ധാരാളമായി കാണപ്പെടുന്നത്.സാധാരണഗതിയിൽ ശ്രദ്ധയിൽപ്പെടാതിരിക്കുന്ന ടോൺസിലുകൾ അണുബാധ
ഉണ്ടാകുന്നതോടെ അവ തടിച്ച് ചുവന്ന് വലുതാകും .
Read Also: Diabetes: പ്രമേഹ രോഗിയാണോ? രക്തത്തിലെ പ്രമേഹത്തിന്റെ അളവ് കുറയ്ക്കാൻ ചില പൊടികൈകൾ
ടോൺസിലൈററിസ് കാരണങ്ങൾ
പെട്ടെന്നുണ്ടാവുകയോ നീണ്ടുനിൽക്കുന്ന അണുബാധയുടെ ഭാഗമായോ ടോൺസിലൈററിസ് ഉണ്ടാകാം .
വൈറസുകളും ബാക്ടീരിയകളും അമുബാധയ്ക്കിടയാക്കാറുണ്ട് . ശരീരത്തിന്റെ അകത്തും പുറത്തും
അണുബാധക്കനുകൂലമായ സാഹചര്യം ഒരുങ്ങിയാൽ രോഗം എളുപ്പം പിടിപെടും . അണുക്കൾ ടോൺസിൽ
ഗ്രന്ഥിയുടെ ഉപരിതലത്തിൽ അടിഞ്ഞുകൂടി അണുബാധക്കിടയാക്കും . തൊണ്ടയിൽ താപനിലയിൽ കുറവുണ്ടാകുന്നത്
അണുബാധ ഉണ്ടാക്കും . നല്ല ചൂടുള്ള കാലാവസ്ഥയിൽ തണുത്ത വെള്ളം,തണുത്ത ഭക്ഷണം ഇവ കഴിക്കുക,മഞ്ഞുകൊള്ളുക
മഴ നനയുക,തുടർച്ചയായി എന്നിവയും ടോണ്‍സിലൈറ്റിസിനിടയാക്കും.
പകരുന്ന രോഗമാണോ?
ടോൺസിലൈറ്റിസ് ഒരു പകരുന്ന രോഗമാണ്. രോഗിയുടെ മൂകകിൽ നിന്നും വായിൽ നിന്നുമുള്ള സ്രവങ്ങളുമായുള്ള
സമ്പർക്കം രോഗം പകരാനിടയാക്കും . വായുവിലൂടെയും കൈകൾ വഴി അന്നപഠത്തിലൂടെയും അടുത്തിടപെഴരുമ്പോൾ
രോഗാണുക്കുകൾ പ്രവേശിക്കുന്നു .
ലക്ഷണങ്ങള്‍
*പനിക്കൊപ്പം ഉണ്ടാകുന്ന തൊണ്ടവേദന
*ഭക്ഷണം ഇറക്കാന്‍ ബുദ്ധിമുട്ട്
*ടോണ്‍സിലുകളില്‍ ചുവപ്പ്, പഴുപ്പ്, വെളുത്ത പാട ഇവ കാണുക
*കഴുത്തിലെ വീക്കവും വേദനയും
*ചെവിവേദന
ഇവയൊക്കെയാണ് പ്രധാന ലക്ഷണങ്ങള്‍
പലതവണ ടോണ്‍സിലൈറ്റിസ് വന്നവരില്‍ സ്ഥിരമായി ഒരു തടിപ്പ് കാണാറുണ്ട്. അണുബാധയുള്ളപ്പോള്‍ തടിപ്പില്‍ തൊട്ടാല്‍ വേദന ഉണ്ടാകും. തൊണ്ടയുടെ ഒരു ഭാഗത്ത് മാത്രം അനുഭവപ്പെടുന്ന വേദനയെ അവഗണിക്കരുത് . പ്രത്യേകിച്ച്
മുതിർന്നവരിലാണ് ഈ ലക്ഷണമെങ്കിൽ കൂടുതൽ ശ്രദ്ധ നൽകണം .
രോഗം സങ്കീര്‍ണതയാവുന്നത് എപ്പോൾ
*കൃത്യമായി നൽകാത്ത ചികിത്സയും ആവർത്തിച്ചുണ്ടാകുന്ന ടോൺസിലൈറ്റിസും നിരവധി
സങ്കീർണതകൾക്ക് കാരണമാകും
*ഹൃദയവാൽവിനെയും വൃക്കകളുടെ പ്രവർത്തനത്തെയും ബാധിക്കും
*ടോൺസിലൈറ്റിസ് സ്ഥിരമായി വരുന്നവർക്ക് ചെവിവേദന അനുഭവപ്പെടും
*രണ്ടിനും അഞ്ചിനും ഇടയിൽ പ്രായമുള്ള കുട്ടികളെയാണ് ടോൺസിലൈറ്റിസ്
കൂടുതലായി ബാധിക്കുന്നതെന്നാണ് പഠനങ്ങൾ തെളിയിക്കുന്നത്.
