Antibiotics: സ്വയം ചികിത്സ വേണ്ട..! ആന്റിബയോട്ടിക്സ് ഈ പ്രശ്നങ്ങൾക്ക് കാരണമാകും

ശരീരത്തിലെ ബാക്ടീരിയ അണുബാധകളെ ചികിത്സിക്കാൻ ആന്റിബയോട്ടിക്കുകൾ ഉപയോഗിക്കുന്നു. എന്നാൽ ഇവയുടെ അമിത ഉപയോഗം ആരോഗ്യത്തിന് പല വിധത്തിലുള്ള ദോഷങ്ങൾ ഉണ്ടാക്കും ഇത് എല്ലാവരും അറിഞ്ഞിരിക്കേണ്ടത് അത്യാവശ്യമാണ്. മരുന്നില്ലാതെ ഭേദമാകാത്ത ചില രോഗങ്ങളുണ്ട്. ഈ രോഗങ്ങളിൽ പ്രധാനമായും ചിലതരം ബാക്ടീരിയ അണുബാധകൾ ഉൾപ്പെടുന്നു അവയെ വേരിൽ നിന്ന് ചികിത്സിക്കാൻ, ആൻറിബയോട്ടിക്കുകൾ ആവശ്യമാണ്.

ആൻറിബയോട്ടിക്കുകൾ ഉപയോഗിച്ച് മാത്രമേ ബാക്ടീരിയ അണുബാധകൾ ചികിത്സിക്കാൻ കഴിയൂ. ശരിയായ അളവിൽ, ശരിയായ സമയത്ത് ഉപയോഗിക്കുകയും രോഗ ചികിത്സയ്ക്കിടെ എല്ലാ മുൻകരുതലുകളും പാലിക്കുകയും ചെയ്താൽ മരുന്നുകൾ തികച്ചും സുരക്ഷിതമാണ്. എന്നാൽ സ്വയം മരുന്ന് കഴിക്കാൻ തുടങ്ങുന്നത് പ്രശ്നങ്ങൾ വർദ്ധിപ്പിക്കുകയേ ഉള്ളൂ.

ഡോക്ടറുടെ ഉപദേശമില്ലാതെ ഏതെങ്കിലും ആൻറിബയോട്ടിക് മരുന്ന് കഴിക്കുകയോ അമിതമായി ആൻറിബയോട്ടിക്കുകൾ കഴിക്കുകയോ ചെയ്യുന്നത് ചിലപ്പോൾ ആരോഗ്യത്തെ ദോഷകരമായി ബാധിക്കുകയും ശരീരത്തിൽ നിരവധി രോഗങ്ങൾ ഉണ്ടാക്കുകയും ചെയ്യുന്നു.

ALSO READ: ഉരുളക്കിഴങ്ങിൽ മാത്രമല്ല അതിന്റെ തൊലിയിലുമുണ്ട് നിരവധി ഗുണങ്ങൾ!  

ആൻറിബയോട്ടിക്കുകൾ ഉണ്ടാക്കുന്ന പ്രശ്നങ്ങൾ..

ശരീരത്തിലെ ബാക്ടീരിയകളെ തുടച്ചുനീക്കുക എന്നതാണ് ആൻറിബയോട്ടിക്കുകളുടെ ജോലി. എന്നാൽ അണുബാധയ്ക്ക് അനുസൃതമായി ഒരാൾ ആൻറിബയോട്ടിക്കുകൾ അമിതമായി അല്ലെങ്കിൽ അനുചിതമായി കഴിക്കുകയാണെങ്കിൽ, അവ ശരീരത്തിലെ നല്ല ബാക്ടീരിയകളെ നശിപ്പിക്കുന്നു. ഇതിലൂടെ ശരീരത്തിൽ അണുബാധ വർദ്ധിക്കുകയും നിരവധി സങ്കീർണതകൾ ഉണ്ടാകുകയും ചെയ്യുന്നു.

ഇതിനെ തടയാനുള്ള ഏക പ്രതിവിധി ഡോക്ടറുടെ നിർദ്ദേശ പ്രകാരം മാത്രം മരുന്നുകൾ കഴിക്കുക എന്നുള്ളതാണ്. ഡോക്‌ടർ നിർദ്ദേശിക്കുന്ന ഏതെങ്കിലും ആന്റിബയോട്ടിക് കഴിക്കാൻ പറയുന്നിടത്തോളം മാത്രം ഉപയോഗിക്കുക, അതിൽ കുറവോ കൂടുതൽ സമയമോ എടുക്കരുത്. കുടുംബത്തിലെ മറ്റൊരാൾക്ക് നൽകുന്ന ആന്റിബയോട്ടിക്കുകൾ ഉപയോഗിക്കരുത്. ഇതും രോഗങ്ങൾക്ക് കാരണമാകും. പല തരത്തിലുള്ള അണുബാധകൾ ഉണ്ട്, ആൻറിബയോട്ടിക്കുകൾ ബാക്ടീരിയ അണുബാധ മൂലമുണ്ടാകുന്ന പ്രശ്നങ്ങൾക്ക് മാത്രമേ ചികിത്സ നൽകൂ. 

അതിനാൽ, ശരീരത്തിൽ അണുബാധയുണ്ടെങ്കിൽ, അത് ഏത് അണുബാധയാണെന്ന് ആദ്യം കണ്ടെത്തണം. കൂടാതെ, വിവിധ തരം ബാക്ടീരിയകൾ മൂലമാണ് ബാക്ടീരിയ അണുബാധ ഉണ്ടാകുന്നത്, അതിന്റെ തീവ്രത അനുസരിച്ച് അളവ് നിർണ്ണയിക്കപ്പെടുന്നു. അതിനാൽ, പ്രശ്നം എന്താണെന്ന് ആദ്യം വിശകലനം ചെയ്യേണ്ടത് വളരെ പ്രധാനമാണ്. പ്രശ്നത്തിനുള്ള പരിഹാരം എന്താണെന്ന് അറിയുകയും മരുന്നുകൾ ഉപയോഗിക്കുകയും ചെയ്യുന്നത് അവയുടെ പാർശ്വഫലങ്ങളിൽ നിന്ന് സംരക്ഷിക്കാൻ കഴിയും.

]

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy 

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.