കൊച്ചി: കൊച്ചിയിൽ വീട്ടമ്മ തലയ്ക്കടിയേറ്റ് കൊല്ലപ്പെട്ടടനിലയിൽ കണ്ടെത്തി. ചെങ്ങമനാട്ട് ഏലിയാസിന്റെ ഭാര്യ സാറാമ്മ(72) ആണ് കൊല്ലപ്പെട്ടത്. കോതമംഗലം കള്ളാടിന് സമീപത്ത് ഉച്ചയ്ക്ക് ഒന്നരയ്ക്കും മൂന്നരയ്ക്കും ഇടയിലാണ് സംഭവം നടന്നത്. ആ സമയത്ത് സാറാമ്മ തനിച്ചായിരുന്നു വീട്ടിൽ ഉണ്ടായിരുന്നത്. ജോലി കഴിഞ്ഞ് തിരിച്ചെത്തിയ മരുമകളാണ് സാറാമ്മയെ മരിച്ച നിലയിൽ കണ്ടെത്തുന്നത്. ഇവർ ധരിച്ചിരുന്ന സ്വർണ്ണാഭരണങ്ങളും മറ്റും നഷ്ടപ്പെട്ടിട്ടുണ്ടെന്നാണ് പ്രാഥമിക വിലയിരുത്തൽ. സംഭവത്തിൽ പോലീസ് അ്വേഷണം ആരംഭിച്ചു.
അടിമാലി ഇരുമ്പുപാലത്ത് യുവാവ് പുഴയില്‍ മുങ്ങിമരിച്ചു
അടിമാലി ഇരുമ്പുപാലത്ത് യുവാവ് പുഴയില്‍ മുങ്ങിമരിച്ചു.പടികപ്പ് സ്വദേശി ജോസ്ബിനാണ് മരിച്ചത്.ദേവിയാര്‍ പുഴയില്‍ വല ഉപയോഗിച്ച് മീന്‍ പിടിക്കുന്നതിനിടയിലാണ് അപകടം സംഭവിച്ചത്. ഞായറാഴ്ച്ച വൈകുന്നേരത്തോടെയായിരുന്നു അപകടം സംഭവിച്ചത്.ഇരുമ്പുപാലത്തിന് സമീപം ദേവിയാര്‍പുഴയിലാണ് അപകടമുണ്ടായത്.മരിച്ച ജോസ്ബിനും സുഹൃത്തുക്കളുമൊരുമിച്ച് വലകെട്ടി മീന്‍ പിടിക്കാനായിട്ടായിരുന്നു ദേവിയാര്‍ പുഴയില്‍ എത്തിയത്.
ആദ്യം ഒരു തവണ വല കെട്ടി യുവാക്കള്‍ മീന്‍ പിടിച്ചു. വീണ്ടും രണ്ടാമത് വലകെട്ടാനായി പോകുന്നതിനിടയില്‍ ജോസ്ബിന്‍ അപകടത്തില്‍പ്പെടുകയായിരുന്നുവെന്നാണ് പോലീസ് നല്‍കുന്ന വിവരം.ജോസ്ബിന്‍ അപകടത്തില്‍പ്പെട്ട വിവരം തിരിച്ചറിഞ്ഞതോടെ ഒപ്പമുണ്ടായിരുന്ന സുഹൃത്തുക്കള്‍ രക്ഷപ്പെടുത്തുവാന്‍ ശ്രമം നടത്തി.
ശ്രമം വിഫലമായതോടെ സമീപവാസികളുടെ സഹായം തേടി. ആളുകള്‍ എത്തി യുവാവിനെ പുഴയില്‍ നിന്ന് കരക്കെത്തിച്ച് അടിമാലിയിലെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.ദേവിയാര്‍ പുഴയില്‍ ആഴമുള്ള ഭാഗത്താണ് യുവാവ് മീന്‍ പിടിക്കാന്‍ ഇറങ്ങിയതെന്നാണ് വിവരം.അടിമാലി പോലീസ് തുടര്‍ നടപടി സ്വീകരിച്ചു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
